ભારતમાં રહેવા માટે નંબર વન શહેર પુના, ગુજરાતના એકપણ શહેરનો સમાવેશ નહી, જાણો કોણ છે ટોપ-10માં

ટોપ-10 શહેરોની યાદી આ પ્રમાણે છે. પુના, નવી મુંબઈ, મુંબઈ, તિરુપતી, ચંદીગઢ, થાણે, રાયપુર, ઈન્દોર, વિજયવાડા, ભોપાલ

કેન્દ્રીય આવાસ અને વિકાસ મંત્રી હરદીપસિંહ પુરીએ સોમવારે આ યાદી જાહેર કરી હતી. શહેરોમાં સરળ જીવનને લઈને સરકાર તરફથી હાથ ધરવામાં આવેલો આ પ્રથમ સર્વે છે. પુરીએ કહ્યું કે સરકાર સામાન્ય માણસના જીવન જીવવાની પ્રક્રિયાને સરળ બનાવવા માટે સતત કામ કરી રહી છે. તેના માટે સ્થાનિક સરકારોને નાણાકિય સહાય અને ટેક્નોલોજી પૂરી પાડવામાં આવી રહી છે. તેઓએ કહ્યું કે, 'સુગમ જીવન' સ્તરનું આકલન કરવા માટે દેશભરના શહેરોમાં સર્વે કરવામાં આવ્યું હતું. તેના દ્વારા શહેરો વચ્ચે પ્રતિસ્પર્ધા વધશે અને તેમને સુધાર કરવાની તક મળશે.