હવે વિમાના વળતર પર અસર, જાણો કેટલો થશે ઘટાડો

મોનેટરી પોલીસી બાદ સરકારી બોન્ડ ઉપર રેટ ઘટીને 6.4 ટકા થયો છે. એવુ અનુમાન છે કે, 10 વર્ષનુ સરકારી બોન્ડ માર્ચ સુધીમાં 6 ટકા ઉપર આવી જશે. વિમા રેગ્યુલેટરે કંપનીઓને પોતાની પ્રોડકટની પ્રાઇસીંગમાં વર્ષમાં એક વખત ફેરફાર કરવાની પરવાનગી આપી છે.

વિમા રેગ્યુલેટરી ઓથોરીટીએ કહ્યુ છે કે, વ્યાજદરમાં ઘટાડો ઝડપથી રહ્યો છે અને ઉદ્યોગ તરફથી આ બારામાં ફિડબેક પણ મળી રહ્યુ છે કે વર્તમાન પ્રોડકટ અવ્યવહારૂ થવા લાગી છે. ઇરડાએ પ્રોડકટ એપ્રુવલ પર ડ્રાફટ ગાઇડલાઇનમાં કહ્યુ હતુ કે, સરકારી સિકયુરીટી પર રેટમાં ઘટાડાનુ વલણ છે. આપણે વિમા કંપનીઓ પાસેથી એવી પ્રોડકટની અરજીઓ મળી રહી છે જેમાં કાં તો અનેક પ્રિમિયમ રેટ છે કે પછી પાકતી મુદતના લાભને વ્યાજદરમાં મુવમેન્ટ સાથે જોડી દેવામાં આવેલ હોય.

વિમા કંપનીઓ કેટલીક પોલીસીઓ ઉપર ગેરેંટી રિટર્નની ઓફર કરે છે અને આમાંથી મોટાભાગની પોલીસી ઉપર અત્યારે 7 થી 7.5 ટકા સુધીના રિટર્નના વચન આપવામાં આવે છે. વ્યાજદરમાં ઘટાડો થવા છતાં તેઓએ વિમા રેગ્યુલેટર પાસે એ વાત નહોતી પહોંચાડી કે ગેરેંટેડ રિટર્ન પ્રોડકટ પર રિટર્ન ઘટીને 4.5 ટકા કરી દેવામાં આવે.

નવી દિલ્હી : વિમા કંપનીઓ ઇન્સ્યુરન્સ પોલીસીઓ પર જે રિટર્નનો વાયદો આપે છે તેમાં તે હવે ઘટાડો કરવા વિચાર કરી રહી છે. કેટલાક વર્ષો સુધી પોલીસી ધારકોને વધુ રિટર્ન મળતુ હતુ પરંતુ હવે એવુ બની શકે તેમને 4 ટકાથી વધુ રિટર્ન મળી ન શકે. આનો અર્થ એ થયો કે આવા રોકાણકારોની બચતનો પ્રવાસ મ્યુચ્યુઅલ ફંડ તરફ વળી શકે છે.