ખાલિસ્તાની આતંકવાદી સાથે ટ્રુડોની પત્નીએ કરી મુલાકાત, કેનેડાના હાઇ કમિશ્નર દ્વારા કાર્યક્રમનું હતું આયોજન

જસપાલ અટવાલ પર 1986માં વેન્કૂવર આઇલેન્ડ પર ભારતીય કેબિનેટ મંત્રી મલકીયત સિંહ સિંધૂની હત્યાના પ્રયાસનો આરોપ છે. તે સમયે અટવાલ કેનેડા, અમેરિકા, બ્રિટન અને ભારતમાં એક આતંકવાદી જૂથ તરીકે બેન કરવામાં આવેલા ઇન્ટરનેશનલ શીખ યુથ ફેડરેશનનો સભ્ય હતો. આ ઉપરાંત અટવાલને 1985માં એક ઓટોમોબાઇલ ફ્રોડ કેસમાં પણ દોષી જાહેર કરાયો હતો.

અટવાલનું નામ મુંબઈ અને દિલ્હીની ઇવેન્ટમાં ગેસ્ટ લિસ્ટ તરીકે કેવી રીતે આવ્યું તે સ્પષ્ટ થઈ શક્યું નથી. ઇન્ટરનેશલ શીખ યૂથ ફેડરેશનને કેનેડા સરકારે 1980માં આતંકવાદી સંગઠન જાહેર કર્યું હતું. અટવાલે 1986માં વેન્કૂવરમાં સિંધૂની કાર પર ગોળીઓ ચલાવી હતી. અટવાલે સિંધૂ પર થયેલા હુમલામાં તેની ભૂમિકા હોવાની વાત સ્વીકારી હતી.

મંગળવારે મુંબઈમાં યોજાયેલા એક કાર્યક્રમાં ટ્રુડો પરિવાર અને બોલીવુડ સેલિબ્રિટી સહિત કેનેડામાં કેબિનેટ મંત્રી અમરજીત સોહી પણ હાજર રહ્યા હતા. આ ઇવેન્ટમાં અટવાલ અને સોફી ટ્રુડોની તસવીર લેવામાં આવી હતી. અમરજીત સોહી પણ જસપાલ અટવાલ સાથે તસવીરોમાં જોવા મળી રહ્યા છે. આ તસવીર જાહેર થયા બાદ ભારતમાં તેનો વિરોધ થઈ શકે છે.

કેનેડાના પીએમની પત્નીની આ તસવીર મુંબઈમાં 20 ફેબ્રુઆરીએ આયોજિત એક ઇવેન્ટની છે. સીબીસી ન્યૂઝના રિપોર્ટ પ્રમાણે વડાપ્રધાન કાર્યાલય અંગે આ અંગે પૂછવામાં આવતા ડિનર રદ કરી દેવામાં આવ્યું હતું. જેનું આયોજન ભારતમાં કેનેડાના હાઇ કમિશ્નર દ્વારા કરવામાં આવ્યું હતું.

નવી દિલ્હીઃ કેનેડાના વડાપ્રધાન જસ્ટિન ટ્રુડોની ભારત મુલાકાત સતત ચર્ચામાં છે. હવે ટ્રુડોની પત્ની સોફી ટ્રુડોની એક તસવીર સામે આવી છે, જેમાં તે પ્રતિબંધ મૂકવામાં આવેલા ઇન્ટરનેશલ શીખ યુથ ફેડરેશનમાં એક્ટિવ રહેલા દોષી ખાલિસ્તાની આતંકવાદી જસપાલ અટવાલ સાથે જોવા મળી રહી છે.