નોટબંધીના કારણે બેંક કર્મચારીને મળી જાનથી મારી નાંખવાની ધમકી, કર્મચારીઓ ભયમાં

નવી દિલ્લી: નોટબંધીથી બેંક કર્મચારીઓ મુશ્કેલીમાં છે. એક તરફ બેંક કર્મચારીઓ રજાઓ છોડીને કામ કરી રહ્યા છે જ્યારે બીજી બાજુ પોતાના પૈસા ન મળવાના કારણે લોકોની નારાજગી સહન કરવી પડી રહી છે. હાલ એવા પણ અહેવાલ મળી રહ્યા છે કે બેંક કર્મચારીઓને જાનથી મારી નાખવાની ધમકીઓ મળી રહી છે. ઉત્તર પ્રદેશના બુલંદ શહેરમાં બેંક કર્મચારીઓ સાથે મારપીટ અને જાનથી મારી નાખવાની ધમકીનો મામલો સામે આવ્યો છે.

જો કે, પંજાબ નેશનલ બેંકના પહાસૂ શાખાની બહાર ઘરણા કરી રહેલી મહિલાઓ ખૂબ નારાજ છે. મહિલાઓએ પુરુષોની સાથે મળીને બેંક વિરુદ્ધ હંગામો કર્યો છે. આરોપ લગાવવામાં આવ્યો છે કે બેંક કર્મચારી પોતાના જાણીતા અને સંગાઓને જ પૈસા આપી રહ્યા છે. પ્રદર્શનકારી બેંક કર્મચારીઓને જાહેરમાં ગોળી મારવા સુધીના સૂત્રોચ્ચાર કર્યો હતો. આટલું જ નહીં પંજાબ નેશનલ બેંક સનોટાના હેડ કેશિયર જ્યારે બેંકની અંદર ડ્યુટી કરવા જઈ રહ્યા હતા. ત્યારે લોકોએ તેમને પકડીને ઢોર માર મારીને ઘાયલ કરી દીધો હતો. બુલંદ શહેરના ગુલાવઠીની એચડીએફસી બેંક શાખામાં પહોંચેલી મહિલા ગુસ્સામાં બેકાબૂ થઈ હતી. અને ડ્યૂટી પર હાજર પોલીસવાળા સામે જ 10 હજાર ન મળતા બેંક કર્મચારીને મારવાની ધમકી આપી દીધી હતી.

એક મહિલાએ કહ્યું કે, ‘હું એ વાત કહી રહી છું કે અહીંથી હું પૈસા લઈને જઈશ કાં તો મેનેજરને મારી નાંખીશ, મારા ઘરમાં બિમાર વ્યક્તિ છે. સવારથી બાળકો ભૂખ્યા છે. અને હું અહીં સવારથી પડી છું.’ મહિલાના મતે તેની સાસુ બીમાર છે. 4 દિવસથી પૈસા માટે બેંકના ચક્કર કાપી રહું છું. આજે પણ બાળકોને ઘરમાં ભૂખ્યા રાખીને બેંકમાં પૈસા લેવા માટે આવી હતી. પરંતુ બપોર પછી ‘નો કેશ’નું બોર્ડ લગાવી દીધું હતું. જેથી સતત થઈ રહેલી આવી ઘટનાઓથી બેંક કર્મચારીઓ ભયમાં મૂક્યા છે.