સ્વિસ બેન્કમાં ભારતીયોના કાળા નાણામાં થયો ધરખમ ઘટાડો, સંસદમાં સરકારે કરી સ્પષ્ટતા

નવી દિલ્હી: સ્વિસ બેંકોમાં ભારતીયોની જમા રકમમાં 50 ટકા કરતા વધારો થવાને લઈને સ્વિસ બેંકે સ્પષ્ટતા કરી છે. તેમણે કહ્યું બેંકોમાં જમા તમામ રૂપિયા કાળા નાણા નથી. સ્વિસ બેંક BIS તરફથી જાહેર ડેટા મુજબ 2017માં કાળા નાણામાં 34.5 ટકા ઘટાડો થયો છે. મહત્વનું છે કે, હાલમાં જ એવા અહેવાલ આવ્યા હતા કે, સ્વિસ બેંકોમાં ભારતીયોનું નાણું 50 ટકા વધ્યું છે.

કેન્દ્રિય નાણાં મંત્રી પિયૂષ ગોયલે પણ સ્વિસ બેંકોના આ આંકડાનો ઉલ્લેખ રાજ્યસભામાં કર્યો. તેમણે કહ્યું સ્વિસ બેંકોમાં જમા થનારા ભારતીયોના રૂપિયા દુનિયાના અલગ-અલગ ભાગમાંથી જમા થાય છે. તેમાં તમામ રૂપિયા કાળાનાણા નથી હોતા.