અમદાવાદ-મુંબઈ બુલેટ ટ્રેન આડેનો સૌથી મોટો અવરોધ દૂર, જાણો મહારાષ્ટ્રે લીધો શું મહત્વનો નિર્ણય ?

બુલેટ ટ્રેન શરૂ કરવામાં અંદાજે રૂ. 97,636 કરોડનો ખર્ચ છે, જેમાંથી 81 ટકા જાપાન તરફથી લોન મળશે. આ ખર્ચમાં બાંધકામ દરમિયાન વ્યાજમાં અને આયાતવેરાને ધ્યાનમાં લેવાયા છે. મહારાષ્ટ્ર અને ગુજરાત 25- 25 ટકા ખર્ચ આપશે. હાલમાં મુંબઈ અને અમદાવાદ વચ્ચે ટ્રેન મારફતે સાતથી વધુ કલાક લાગે છે, જે બુલેટ ટ્રેનમાં બે કલાકમાં પાર કરી શકાશે. બાંધકામ 2018માં શરૂ થશે અને 2023માં પૂર્ણ કરવાનો અંદાજ છે.

રાજ્ય શહેર વિકાસ વિભાગે પણ રેલવેને બાંદરા ટર્મિનલ અને કુર્લાના વિકલ્પો પર વિચારવાનું સૂચન કર્યું હતું જોકે રેલવેએ તેનો ઈનકાર કર્યો હતો અને એમએમઆરડીએને બીકેસીમાં જ ભૂગર્ભ ટર્મિનલ બાંધશે એવું સમજાવવામાં સફળ નીવડી છે.

એક રિપોર્ટ પ્રમાણે, અગાઉ મુંબઈ મેટ્રોપોલિટન રિજન ડેવલપમેન્ટ ઓથોરિટીએ બીકેસીમાં જમીનની ફાળવણીનો વિરોધ કર્યો હતો. આ વિરોધને કારણે મુંબઈ- અમદાવાદ વચ્ચે બુલેટ ટ્રેનનો બીકેસી શરૂઆતનો પૉઇન્ટ બની શકશે કે કેમ તેને લઇને ચિંતા હતી.

હાલમાં પ્રસ્તાવિત બુલેટ ટ્રેન બીકેસીમાં ભૂગર્ભમાંથી શરૂ થશે. તે થાણેમાં જમીન પર આવતા પૂર્વે સમુદ્રમાં 21 કિમી ટનલમાંથી પસાર થશે. એમએમઆરડીએ બીકેસીમાં પ્રસ્તાવિત ઈન્ટરનેશનલ ફાઈનાન્શિયલ સર્વિસિસ સેન્ટર માટે બીકેસીની જમીનનો ઉપયોગ કરવા માંગતી હતી જેને કારણે વિરોધ કર્યો હતો.

સ્ટેશનો પણ ભૂગર્ભમાં જ બાંધવાનું પ્રસ્તાવિત હોવાથી ઉપરની જગ્યા આઈએફએસસીના બાંધકામ માટે ઉપયોગ કરી શકાશે એવો ઉકેલ નીકળ્યો છે. 508 કિમી માર્ગમાં કુલ 12 સ્ટેશન રહેશે. જેમાં મહારાષ્ટ્રમાં ચાર અને ગુજરાતમાં આઠ રહેશે. જોકે મહારાષ્ટ્ર તરફથી હવે અવરોધ દૂર થયો છે.

મુંબઇઃ વડાપ્રધાન નરેન્દ્ર મોદીના મહત્ત્વાકાંક્ષી પ્રોજેક્ટ અમદાવાદ-મુંબઈ બુલેટ ટ્રેન વચ્ચેનો સૌથી મોટો અવરોધ દૂર કરવામાં રેલવેને સફળતા મળી છે. આ પ્રોજેક્ટ માટે મુંબઈના બાન્દ્રા-કૂર્લા કૉમ્પ્લેક્સ (બીકેસી) ખાતે જમીનની ફાળવણીને મહારાષ્ટ્ર સરકારે મંજૂરી આપી દીધી છે. હાઇસ્પીડ બુલેટ ટ્રેન બીકેસી ખાતેથી 21 કિલોમીટર સુધી અન્ડરગ્રાઉન્ડ પસાર થશે તથા થાણેથી ઑવરગ્રાઉન્ડ થઇ જશે.