ગુજરાત ચૂંટણી પર શા માટે નજર રાખી રહ્યું છે ચીન? જાણો

પ્રકાશિત અહેવાલમાં લખવામાં આવ્યું છે કે, જો ભાજપ જીતશે પણ વોટ શેર ઘટશે, તો તે પણ તેના માટે ખતરાની ઘંટી છે. ભાજપની હાર ભારતના આર્થિક સુધારાઓમાં થયેલી ચૂક દર્શાવશે. જે કંપનીઓ ભારતમાં કામ કરી રહી છે તેમણે ઈલેક્શનના પરિણામો પછી આર્થિક નીતિઓમાં સંભવિત બદલાવ માટે તૈયાર રહેવું જોઈએ.

ગ્લોબલ ટાઈમ્સ અનુસાર, ચીન અને ભારત વચ્ચે આર્થિક ભાગીદારી સતત વધી છે. ત્યારે ભારતની અર્થવ્યવસ્થામાં થઈ રહેલા ફેરફાર ચીન માટે ચિંતાનો વિષય છે. અહેવાલ અનુસાર, મોદીના આર્થિક સુધારાઓનો દેશની અન્ય પાર્ટીઓ અને અર્થશાસ્ત્રીઓએ ખુબ વિરોધ કર્યો છે. દેશમાં વિકાસને આંકવા માટે ગુજરાત મૉડલનું ઉદાહરણ આપવામાં આવે છે. ચૂંટણીના પરિણામો જે પણ હોય, તેની અસર પીએમ મોદીના અન્ય સુધારાવાદી એજન્ડા પર લોકોના વલણ પર પડશે.