ઉત્તર પ્રદેશના મુખ્યમંત્રી યોગી પાસે છે કેટલી સંપત્તિ જાણીને લાગી જશે આંચકો

કેશવપ્રસાદે જણાવ્યું કે તેઓ 2 કરોડ 22 લાખ રૂપિયાના કર્જદાર છે. ડેપ્યુટી સીએમ દિનેશ શર્મા પાસે પણ એક રિવોલ્વર છે, જ્યારે તેની સંપત્તિ 23 કરોડ રૂપિયાની સંપત્તિ છે. મંત્રી મોહસિન રઝાની પાસે 54 લાખ 51 હજાર રૂપિયાની પ્રોપર્ટી છે. સ્વતંત્ર દેવ સિંહે પોતાની પાસે 21 લાખની સંપત્તિ હોવાનું જણાવ્યું હતું.

લખનઉઃ ઉત્તરપ્રદેશના મુખ્યમંત્રી યોગી આદિત્યનાથે MLC પદ માટે નોમિનેશન દાખલ કર્યું હતું. યોગી આદિત્યનાથે એફિડેવિટમાં જણાવ્યું કે આદિત્યનાથ 49 હજાર રૂપિયાના સોનાના કુંડલ પહેરે છે અને રિવોલ્વર પણ રાખે છે. એફિડેવિટ પ્રમાણે, યોગી પાસે 95 લાખ 98 હજારની ચલ-અચલ સંપત્તિ છે.

ઉલ્લેખનીય છે કે યોગી આદિત્યનાથે વર્ષ 2004માં પોતાની સંપત્તિ 9.6 લાખ રૂપિયા જાહેર કરી હતી. યોગી આદિત્યનાથ પાંચ વખત સાંસદ બન્યાં છે. 2014 લોકસભા ચૂંટણી સમયે તેઓએ પોતાની સંપત્તિ 71.97 લાખ રૂપિયા જાહેર કરી હતી. ડેપ્યુટી સીએમ કેશવપ્રસાદ મોર્ય પાસે એક લાયસન્સવાળી રિવોલ્વર અને રાયફલ છે.

નવી દિલ્હીની એસબીઆઇ બેન્કમાં યોગીના એકાઉન્ટમાં 37.94 લાખ તો અંદાજે 10 લાખ રૂપિયા ગોરખપુરની 4 બેંકોમાં જમા છે. જ્યારે 22.57 લાખ નેશનલ સેવિંગ્સ સ્કીમમાં અને 68,000 રૂપિયા પોસ્ટલ સેવિંગ્સમાં રોક્યા છે.

તે સિવાય મુખ્યમંત્રી યોગી રિવોલ્વર અને રાઇફલ પણ રાખે છે. જેમાં રિવોલ્વરની કિંમત એક લાખ રૂપિયા અને 80 હજાર રૂપિયાની રાયફલ છે. યોગી પાસે ખેતીની જમીન નથી પરંતુ દિલ્હી, ગોરખપુરની બેંકમાં ડિપોઝિટ, નેશનલ સેવિંગ સ્કીમ્સ અને વીમા પોલીસી મારફતે 71,25,495 રૂપિયા છે.

એફિડેવિટ પ્રમાણે, યોગી પાસે બે લક્ઝરી કાર છે જેમાં ઇનોવા અને ફોર્ચ્યુનરનો સમાવેશ થાય છે. ફોર્ચ્યુનરની કિંમત 13 લાખ 11 હજાર 435 રૂપિયા અને ઇનોવાની કિંમત 8 લાખ 72 હજાર 123 રૂપિયા આંકવામાં આવી છે.

યોગી નાથ સંપ્રદાયના સાધુ છે અને આ સંપ્રદાયના સાધુ લાકડીના કુંડલ પહેરે છે પરંતુ યોગી લાકડીના બદલે સોનાના કુંડલ પહેરે છે જેની કિંમત 49 હજાર રૂપિયા છે. આ ઉપરાંત યોગી પાસે 26 હજારની સોનાની ચેઇન પણ છે.

યોગીએ એફિડેવિટમાં જણાવ્યું કે તેમની પાસે 95 લાખ 98 હજારની ચલ-અચલ સંપત્તિ છે. જેમાં 22 હજાર રૂપિયા કેશનો સમાવેશ થાય છે. યોગીની સાથે ડેપ્યુટી સીએમ કેશવપ્રસાદ મોર્ય અને દિનેશ શર્મા ઉપરાંત સ્વતંત્ર દેવ સિંહ, મોહસિન રઝાએ પણ MLC પદ માટે નોમિનેશન ફાઇલ કર્યું હતું.