Are Nail Extensions Safe: તમારા સ્વાસ્થ્ય માટે કેટલું ખતરનાક છે નેઇલ એક્સટેન્શન? દાણો લાંબા નખના ગેરફાયદા

Nail Extension Side Effects: આજકાલ નખને સુંદર બનાવવાનો ટ્રેન્ડ વધી રહ્યો છે. જો કે, જો તમે સાવચેત ન રહો, તો આ ટ્રેન્ડ હાનિકારક બની શકે છે.

નેઇલ એક્સટેન્શનની આડઅસરો

Source : Pexels

Nail Extension Side Effects: આજકાલ નેલ એક્સટેન્શન અને એક્રેલિક નખનો ટ્રેન્ડ ખૂબ જ ઝડપથી વધી રહ્યો છે. લાંબા, ચમકદાર અને સ્ટાઇલિશ નખ ઘણા લોકોને ખૂબ સુંદર લાગે છે. પરંતુ નિષ્ણાતોનું માનવું છે કે તેનો વારંવાર ઉપયોગ ત્વચા અને નખ માટે નુકસાનકારક હોઈ શકે છે. ખાસ કરીને તેને લગાવવાની પ્રક્રિયામાં વપરાતી UV લાઈટ અને કેટલાક કેમિકલ્સ સ્વાસ્થ્ય સંબંધિત ચિંતાઓ વધારી શકે છે.

નિષ્ણાતો શું કહે છે?

ઓન્કોલોજી સર્જન ડો. જય આર. અનામે HT સાથેના ઇન્ટરવ્યુ દરમિયાન જણાવ્યું હતું કે, એક્રેલિક નખ ભલે સુંદર અને લાંબા સમય સુધી ટકી રહે તેવા લાગતા હોય, પરંતુ તેના ઉપયોગ સાથે કેટલાક છુપા જોખમો પણ જોડાયેલા છે. તેમનું કહેવું છે કે સમસ્યા સીધી રીતે એક્રેલિક નખથી નથી, પરંતુ તેને લગાવવાની પ્રક્રિયા સાથે જોડાયેલી છે.

આ પ્રક્રિયામાં એક ખાસ પાવડર અને પ્રવાહી પદાર્થને મિશ્રિત કરીને નખ પર લગાવવામાં આવે છે, જેને બાદમાં UV લેમ્પ નીચે સુકવીને સખત કરવામાં આવે છે. આ UV લાઈટ જ ચિંતાનું કારણ બની શકે છે. નિષ્ણાતોના મતે, UVA કિરણો ત્વચાના કોષોના DNA ને નુકસાન પહોંચાડી શકે છે. સમય જતાં આ નુકસાન વધતું જાય છે અને લાંબા સમય સુધી વારંવાર સંપર્કમાં આવવાથી ત્વચા સંબંધિત સમસ્યાઓનું જોખમ વધી શકે છે. ડોક્ટરોનું કહેવું છે કે ક્યારેક જ નેલ એક્સટેન્શન કરાવવું વધુ ખતરનાક માનવામાં આવતું નથી, પરંતુ જો કોઈ વ્યક્તિ સતત લાંબા સમય સુધી આ પ્રક્રિયા કરાવે છે, તો જોખમ ધીમે ધીમે વધી શકે છે.

ત્વચા પર પણ પ્રભાવ

કેટલાક સંશોધનોમાં એવું પણ જણાવવામાં આવ્યું છે કે UV લેમ્પ નીચે સેંકડો વખત હાથ રાખવાથી ત્વચા પર નકારાત્મક અસર પડી શકે છે. આ ઉપરાંત, ઘણા એક્રેલિક ઉત્પાદનોમાં ફોર્માલ્ડિહાઈડ અને ટોલ્યુઈન જેવા કેમિકલ્સ પણ જોવા મળે છે, જે ત્વચામાં બળતરા અથવા એલર્જી પેદા કરી શકે છે. જ્યારે આ રસાયણો અને UV કિરણો એકસાથે અસર કરે છે, ત્યારે ત્વચા પર વધારાનું દબાણ આવી શકે છે.

જોકે, નિષ્ણાતો એવું પણ માને છે કે થોડી સાવચેતી રાખીને જોખમ ઘટાડી શકાય છે. નેલ એક્સટેન્શન કરાવતા પહેલા આંગળીઓ પર સનસ્ક્રીન લગાવવી એ એક સારો ઉપાય માનવામાં આવે છે. આ ઉપરાંત, પરંપરાગત UV લેમ્પની જગ્યાએ LED લેમ્પનો ઉપયોગ પ્રમાણમાં સુરક્ષિત માનવામાં આવે છે, કારણ કે તેમાં અલ્ટ્રાવાયોલેટ કિરણો ઓછા હોય છે.

કઈ બાબતોનું ધ્યાન રાખવું જોઈએ?

• ડોકટરો સલાહ આપે છે કે નેલ એક્સટેન્શનને રોજિંદી આદત બનાવવાને બદલે ખાસ પ્રસંગો સુધી મર્યાદિત રાખવું વધુ સારું છે.

• હંમેશા વિશ્વસનીય અને જાણીતા સેલૂનમાં જ આ પ્રક્રિયા કરાવવી જોઈએ.

• લોકો જે બીજી એક સામાન્ય ભૂલ કરે છે તે છે ઘરે જ એક્રેલિક નખ કાઢવાનો પ્રયાસ કરવો. તેનાથી ત્વચા અને નખને નુકસાન થઈ શકે છે, તેથી તેને દૂર કરવા માટે નિષ્ણાતની મદદ લેવી એ જ સુરક્ષિત રીત છે.

Disclaimer: આ માહિતી સંશોધન અભ્યાસો અને નિષ્ણાતના મંતવ્ય પર આધારિત છે. તેને તબીબી સલાહનો વિકલ્પ માનશો નહીં. કોઈપણ નવી પ્રવૃત્તિ અથવા કસરત શરૂ કરતા પહેલા હંમેશા તમારા ડૉક્ટર અથવા સંબંધિત નિષ્ણાતની સલાહ લો.

આ પણ વાંચો

તાંબાની કે કાચની, કઈ પાણીની બોટલ તમારા સ્વાસ્થ્ય માટે હિતકારી? જાણો ફાયદા

Liver Cancer Symptoms:જો આંખોમાં આ લક્ષણો દેખાય, તો તાત્કાલિક ડૉક્ટર પાસે ભાગો, નહીં તો લીવરનું થઇ શકે છે કેન્સર