Skin care: શું ખરેખર વધુ પાણી પીવાથી સ્કિન ગ્લો કરવા લાગે છે? જાણો એક્સ્પર્ટનો શું છે મત

તમે સાંભળ્યું હશે કે, પાણી તમારી ત્વચા માટે ઉત્તમ છે અને તે શરીરને હાઇડ્રેટેડ રાખે છે પાણી પીવાથી સ્કિન ગ્લો કરે છે. તો જાણીએ તેની પાછળનું લોઝિક શું છે.

પ્રતીકાત્મક તસવીર ( ગૂગલમાંથી)

Skin care:શું પુરતા પ્રમાણમાં પાણી પીવાથી સ્કિન યંગ રહે છે અને ગ્લો કરે છે? આજે આપણે આ પ્રશ્નનો જવાબ શોધવાનો પ્રયાસ કરી રહ્યા છીએ. ત્વચા, શરીરનું સૌથી મોટું કવચ છે. ત્વચા શરીર માટે અનેક કામ કરે છે.  જેમાં રોગજનક સામે  અવરોધ તરીકે કામ કરવું અને તાપમાનનું નિયમન કરવું સામેલ છે. પાણીનો ત્વચાની સ્થિતિસ્થાપકતા, નરમાઈ અને એકંદર દેખાવ જાળવવામાં મોટો  ફાળો છે. હાઇડ્રેશનના અભાવને કારણે ત્વચા શુષ્ક, ફ્લેકી થઇ જાય છે. તેમાં સોજા આવી  શકે છે, જે આખરે અકાળે વૃદ્ધત્વના ચિહ્નો તરફ દોરી શકે છે, ડિહ્રાઇડ્રેશનના કારણે ત્વચામાં ઝડપથી  ફાઇન લાઇન અને કરચલીઓ પડી જાય છે.

પાણી આપની સ્કિના સ્વાસ્થ્યને કેવી રીતે પ્રભાવિત કરે છે?

પરિભ્રમણ, પાચન અને ડિટોક્સિફિકેશન સહિતની ઘણી શારીરિક પ્રક્રિયાઓમાં પાણી મહત્ત્વની ભૂમિકા ભજવે છે. પૂરતા પ્રમાણમાં પાણી લેવાથી લોહીના સારા પ્રવાહમાં મદદ મળે છે, જે સુનિશ્ચિત કરે છે કે પોષક તત્વો અને ઓક્સિજન ત્વચાના કોષો સુધી અસરકારક રીતે પહોંચે છે.                                                                 

પાણી શરીરમાંથી ઝેરી તત્વોને બહાર કાઢવામાં મદદ કરે છે, જે અન્યથા ખીલ જેવી સમસ્યાઓમાં ફાળો આપી શકે છે. યોગ્ય હાઇડ્રેશન સેલ ટર્નઓવરની પ્રક્રિયાને ટેકો આપી શકે છે, જે ત્વચાને પોતાને સુધારવામાં અને નવા કોષો ઉત્પન્ન કરવાની મંજૂરી આપે છે. ત્વચાને વધુ જુવાન બનાવવામાં મદદ કરે છે. હાઇડ્રેશન ત્વચાના અવરોધ કાર્યને જાળવવામાં મદદ કરે છે, જે સ્કિન પર મોશ્ચર જાળવી રાખવા અને હાનિકારક સૂક્ષ્મજંતુઓ અને ઝેરને દૂર રાખવાનું કામ કરે છે.

આ પણ વાંચો