તરબૂચ પર મીઠું છાંટીને ખાઓ છો તો તરત જ બદલો તમારી આદત, જાણો તેના નુકસાન

Fruits Eating Tips: ઉનાળામાં તરબૂચ ખાવાની મજા જ કંઈક અનેરી હોય છે. પરંતુ તેને ખાવાના સાચા નિયમો પણ જાણી લો જેથી આ તરબૂચ સ્વાસ્થ્ય માટે હાનિકારક ન બને.

પ્રતિકાત્મક તસવીર

What Not To Eat With Watermelon: હાલમાં ઉનાળાની ઋતુમાં ઠેકઠેકાણે તરબૂચનું વેચાણ મોટાપાયે થઈ રહ્યું છે અને આ એવું ફળ છે જે સૌ કોઈ ખાઈ શકે છે કેમ કે તે સસ્તું હોય છે. અને ખૂબ જ સરળતાથી મળી રહે છે. તરબૂચ ન માત્ર શરીરને હાઇડ્રેટ રાખે છે, પરંતુ તે ઘણા વિટામિન્સ અને મિનરલ્સની માત્રા પણ પૂરી કરે છે. ઘણીવાર કેટલાક લોકો એવી ફરિયાદ કરતા હોય છે કે તેમને તરબૂચમાંથી જેટલું પોષણ મળે છે તેટલું ન મળ્યું. તેનું કારણ એ છે કે તરબૂચમાં કોઈ ખામી નથી. તેના બદલે  તરબૂચ ખાવાની તમારી ખોટી રીતને કારણે છે. તરબૂચ ખાતી વખતે તમારે એ વાતનું ધ્યાન રાખવું પડશે કે તરબૂચ સાથે શું ન ખાવું જોઈએ, જેથી તમને તરબૂચનું સંપૂર્ણ પોષણ મળે.

તરબૂચ સાથે શું ન ખાવું

ઘણીવાર લોકો જ્યારે ફળ ખાવા બેસે છે ત્યારે તેની ઉપર મીઠું અથવા કાળું મીઠું નાખે છે. તેનાથી ફળનો સ્વાદ ચોક્કસ વધે છે, પરંતુ ફળનું પોષણ સમાપ્ત થઈ જાય છે. જો તમે તરબૂચના ભરપૂર પોષણનો લાભ લેવા માંગતા હોવ તો તેને મીઠું ઉમેરીને ખાશો નહી. તેના બદલે તેના મૂળ સ્વાદ સાથે તરબૂચના ટુકડાનો આનંદ લો. મીઠાના કારણે તમારું શરીર તરબૂચના તમામ પોષણને શોષી શકતું નથી. એટલા માટે તરબૂચ ખાધા પછી કે તરત જ તેની સાથે મીઠું કે નમકવાળી વસ્તુઓ ન ખાવી.

આ ખોરાક હાનિકારક પણ હોઈ શકે છે

તરબૂચ સાથે અથવા તેના પછી ઓછામાં ઓછા અડધા કલાક સુધી ઈંડા કે તળેલી વસ્તુઓ ન ખાવી. તરબૂચ જેટલું રસદાર હોય છે, તેટલું જ તેમાં ફાઈબર હોય છે. તળેલું કે શેકીલુ ખાવાથી તરબૂચના રસનો પૂરો લાભ મળતો નથી. ઈંડા અને તરબૂચની તાસીર અલગ-અલગ હોય છે, તેથી તેમને એકસાથે ખાવાથી પણ નુકસાન થઈ શકે છે. એટલા માટે આ સિઝનમાં જ્યારે પણ તમે તરબૂચનો આનંદ માણો તે મહત્વનું છે. તે પછી ઓછામાં ઓછા અડધા કલાક સુધી કંઈપણ ખાશો નહીં. જેથી તરબૂચ તમારા સ્વાસ્થ્ય માટે હાનિકારક સાબિત ન થાય.