Ahmeabad: જમાલપુર શાકમાર્કેટમાં મહિલા પર કાર ફરી વળતા ઘટના સ્થળે જ મોત 

અમદાવાદના જમાલપુર શાકમાર્કેટમાં અકસ્માતની ઘટના બની છે. અહીં શાકભાજી વેચતા ગીતા દંતાણીનું  અકસ્માતમાં ઘટના સ્થળે જ  મોત થયું હતું.

જમાલપુર શાકમાર્કેટમાં મહિલા પર કાર ફરી વળી

Source : તસવીર- ABP અસ્મિતા

અમદાવાદ :  અમદાવાદના જમાલપુર શાકમાર્કેટમાં અકસ્માતની ઘટના બની છે. અહીં શાકભાજી વેચતા ગીતા દંતાણીનું  અકસ્માતમાં ઘટના સ્થળે જ  મોત થયું હતું. જ્યારે આ અક્માતની ઘટનામાં અન્ય બે ગંભીર ઇજાગ્રસ્ત થતા સારવાર માટે હોસ્પિટલમાં ખસેડવામાં આવ્યા છે.  જોકે ઇલેક્ટ્રોનિક ગાડી ચાલકની ગાડી દિવાલ સાથે અથડાઈ રિવર્સ લેતા એક્સીલેટર ઉપર પગ આવી જતા શાકભાજી વેચતા ગીતાબેન ઉપર ગાડી ચડી ગઈ અને ઘટના સ્થળે મોત થયું હતું. આ અકસ્માત સર્જનાર હાલ ગાયકવાડ પોલીસ સ્ટેશનને છે અને પોલીસ વધુ તપાસ હાથ ધરી રહી છે.  કઈ રીતે અકસ્માતની ઘટના બની અને શું કારણ છે તેને લઈને વધુ તપાસ હાથ ધરવામાં આવી છે. 

અકસ્માતમાં બે લોકો ઈજાગ્રસ્ત થયા

જમાલપુર વિસ્તારમાં બ્રિજ પાસે સવારે વૃદ્ધ દંપતીને કારે કચડયા હતા. આ અકસ્માતમાં  એક મહિલાનું મોત નિપજ્યું છે. તેમજ બે લોકો ઈજાગ્રસ્ત થયા છે. કારચાલકે કાબૂ ગુમાવતા અકસ્માતની ઘટના બની હતી. પહેલા બ્રિજની દિવાલ સાથે કાર ટકરાઈ હતી. દિવાલ સાથે ટકરાયા બાદ કારચાલકે કાબૂ ગુમાવ્યો હતો. બેકાબૂ કાર રોડની સાઈડમાં શાક વેચતા ફેરિયાઓ પર ફરી વળી હતી. પોલીસે કારચાલકની અટકાયત કરી છે. 

અકસ્માત બાદ લોકોએ કારમાં તોડફોડ કરી હતી

અકસ્માતની ઘટના બાદ ગુસ્સે થયેલા લોકોએ કારમાં તોડફોડ કરી હતી. ઘટનાસ્થળે  લોકોના ટોળા એકઠા થયા હતા. અકસ્માતની ઘટનાને પગલે પોલીસ પણ પહોંચી હતી.  પ્રાથમિક તપાસમાં સામે આવ્યું છ કે, બ્રિજ પર રહેલા સીસીટીવી બંધ હતા. કાર ચાલકની અટકાયત કરી ગાયકવાડ હવેલી પોલીસ સ્ટેશન લઇ જવાયા છે.  

વલસાડમાં બાઈક સ્લિપ થયા યુવકનું મોત

વલસાડના સુગર ફેકટરી ઓવરબ્રિજના સર્વિસ રોડ પર બાઈક સ્લીપ થતા અકસ્માતની ઘટના બની હતી. આ અકસ્માતની ઘટનામાં એક વ્યક્તિનું મોત થયું છે જ્યારે એક ગંભીર રીતે ઘાયલ છે.  વલસાડના સુગર ફેકટરી ઓવરબ્રિજના સર્વિસ રોડ પર બનેલી અકસ્માતની ઘટનામાં મળતી માહિતી મુજબ વલસાડ હાઇવે ઉપર આવેલ વાંકી નદીના પુલ પાસે બની રહેલ VIMS HOSPITAL માં કામ કરતા 2 શ્રમિક પોતાની પલસર બાઈક નંબર - MP-11-ZJ-0258 લઇ ઘર વખરીનો સામાન લેવા જઈ રહ્યા હતા જે દરમિયાન સુગર ફેકટરી ઓવરબ્રિજની બાજુમાં સુરત થી મુંબઈ જતા માર્ગ પર તેમની બાઈક સ્લીપ થઈ જતા તેઓ ધડાકાભેર રસ્તા ઉપર પટકાયા હતા.