પ્રદેશ ભાજપ કાર્યાલય ખાતે બેઠકમાં ભાગ લેશે અમિત શાહ, 27મી સાંજે આવશે અમદાવાદ

અમદાવાદ: શુક્રવારે અમદાવાદમાં પ્રદેશ ભાજપ કાર્યાલય ખાતે ભાજપની મહત્વની બેઠક મળશે. જેમાં ભાજપ રાષ્ટ્રીય અધ્યક્ષ અમિત શાહની અધ્યક્ષતામાં મળનારી આ બેઠકમાં મુખ્યમંત્રી વિજય રૂપાણી, ઉપમુખ્યમંત્રી નીતિન પટેલ સહિત હોદ્દેદારો હાજર રહેશે. આ બેઠકમાં સંગઠનાત્મક મુદ્દા ઉપરાંત બોર્ડ નિગમની નિમણૂક અંગે પણ ચર્ચા થાય તેવી શક્યતાઓ છે. અમિત શાહ આજે સાંજે અમદાવાદ પરત ફરશે. ગઈકાલે પોતાનો પ્રવાસ ટુંકાવીને અમિત શાહ દિલ્લી ગયા હતા. જો કે, તેઓ દિલ્લી કયા કારણથી પરત ફર્યા હતા તે હજુ જાણી શકાયું નથી. અમિત શાહ 30મી ઓક્ટોબર સુધી અમદાવાદમાં રોકાણ કરશે.