Rescue VIDEO: અમદાવાદમાં ફાયર વિભાગનું દિલ ધડક રેસ્ક્યુ, 60થી વધુ લોકોના જીવ બચાવ્યા
અમદાવાદ: શહેરના પરિમલ ગાર્ડન પાસે આગનો બનાવ સામે આવ્યો છે. દેવ કોમ્પલેક્ષના ત્રીજા માળે આગ લાગતા અફરાતફરી મચી ગઈ હતી. ખાનગી ઓફિસના સર્વરરૂમમાં આગની ઘટના બની હતી.
અમદાવાદ: શહેરના પરિમલ ગાર્ડન પાસે આગનો બનાવ સામે આવ્યો છે. દેવ કોમ્પલેક્ષના ત્રીજા માળે આગ લાગતા અફરાતફરી મચી ગઈ હતી. ખાનગી ઓફિસના સર્વરરૂમમાં આગની ઘટના બની હતી. ઘટનાની જાણ થતા જ ફાયર વિભાગની આઠ ગાડીઓ ઘટનાસ્થળે પહોંચી હતી અને આગને કાબુમાં લેવાની શરૂઆત કરી હતી. મોટી જાનહાની ન થાય અને લોકોને સુરક્ષિત બહાર કાઢવા ક્રેઇન વડે દીવાલ તોડવામાં આવી હતી. તો બીજી તરફ આ બિલ્ડિંગમાં હોસ્પિટલ પણ આવેલી હોવાથી ચિંતાનો માહોલ છવાયો હતો. જો કે ફાયર વિભાગે યુદ્ધના ધોરણો કાર્યવાહી કરી હતી અને બાળકો સહિત 60 લોકોનું રેસ્ક્યુ કર્યું હતું.
આ આગ અંગે ફાયર ચીફ જયેશ ખાડિયાએ કહ્યું કે, એકાઉન્ટ ઓફિસમાં આગ લાગી હતી. પ્લાય વુડ અને સી ફોર્મ પુષ્કળ પ્રમાણમાં હોવાથી આગ વધુ લાગી હતી. ઉપરના માળે હોસ્પિટલમાં દર્દીઓ હતા તેમને રેસ્ક્યુ કરી બહાર કાઢવામાં આવ્યા છે. આ ઉપરાંત ફાયર સિસ્ટમ બિલ્ડિંગમાં હાજર હતી અને તે ચાલુ હતી. 60થી વધુ લોકોનું રેસ્ક્યુ કરવામાં આવ્યું છે. બાળ દર્દીઓ અને પરિવારને સેફ કરી આગ બુજાવવાની કામગીરી કરી હતી. હાઇડ્રોલિક ક્રેન દ્વારા રેસ્ક્યુ કરવામાં આવ્યું હતું. જો કે, આગ ક્યા કારણે લાગી તે તપાસ થશે પછી જાણવા મળશે. આ અંગે એસ્ટેટ વિભાગને માહિતી આપી કાર્યવાહી કરવામાં આવશે.
સુરતમાં આપના કોર્પોરેટર પર હુમલો, ભાજપના કાર્યકરોએ કારમાં તોડફોડ કરી હોવાનો આરોપ
સુરતમાં આપના કોર્પોરેટરની કાર પર હુમલો કરવામાં આવ્યો હતો. મળતી જાણકારી અનુસાર, સુરતમાં આમ આદમી પાર્ટીના કૉર્પોરેટર મહેશ અણઘનની કાર પર હુમલો કરવામાં આવ્યો છે. વીડિયોમાં જોઈ શકાય છે કે આમ આદમી પાર્ટીના કોર્પોરેટર મહેશ અણઘનની કારમાં તોડફોડ કરવામાં આવી છે. મહેશ અણઘનનો આરોપ છે કે આ તોડફોડ ભાજપના કાર્યકરોએ કરી છે.
સુરત: રાજ્યમાં નવા શૈક્ષણિક સત્ર દરમિયાન શરૂ કરવામાં આવેલા શાળા પ્રવેશોત્સવને લઈને ઘણી જગ્યાએ વિરોધ સામે આવી રહ્યો છે. હવે સુરત પાલિકા સંચાલિત શિક્ષણ સમિતિ શાળામાં ચાલી રહેલ શાળા પ્રવેશોત્સવમાં બબાલ સામે આવી છે. પૂર્વ મંત્રી કુમાર કાનાણીની હાજરીમાં જ શાળા પ્રવેશોત્સવમાં બબાલ સામે આવી છે. વિપક્ષ દ્વારા શિક્ષકોની ઘટને લઈ પ્રશ્નો કરતા વિવાદ થયો છે. ભાજપ અને આપના કાર્યકર્તા આમને સામને આવી જતા વાતાવરણ તંગ બન્યું છે. આ ઉપરાંત ઝપાઝપીના દ્રશ્યો પણ સર્જાયા છે. આ પહેલા પર આપના નેતાઓ દ્વારા ગુજરાતમાં શિક્ષકોની અને ઓરડાઓની ઘટ મામલે રાજ્ય સરકારને સવાલો કર્યા હતા.
ટોપ સ્ટોરી
ટ્રેન્ડિંગ સમાચાર
