અમદાવાદમાં વીજળીના કડાકા ભડાકા સાથે ધોમધાર વરસાદ, ઠેર ઠેર ટ્રાફિક જામથી વાહનચાલકો પરેશાન

અમદાવાદના અલગ અલગ વિસ્તારોમા વીજળીના કડાકા ભડાકા સાથે ધોમધાર વરસાદ વરસી રહ્યો છે

અમદાવાદમાં વરસાદ

અમદાવાદના અલગ અલગ વિસ્તારોમા વીજળીના કડાકા ભડાકા સાથે ધોમધાર વરસાદ વરસી રહ્યો છે.  નિચાણવાળા વિસ્તારમાં પાણી ભરાવાનું શરુ થઇ ગયું છે. ઠેર ઠેર ટ્રાફિક જામથી વાહનચાલકો પરેશાન થઇ રહ્યા છે. વરસાદના કારણે શહેરના એસજી હાઇવે, પ્રહલાદનગર, નારણપુરા વિસ્તારમાં વરસાદ વરસ્યો હતો.

ઉપરાંત ચાંગોદર, શિવરંજની, હેલ્મેટ ચાર રસ્તા, સરખેજ, સાયન્સ સિટી, બગોદરા વિસ્તારમાં વરસાદ વરસ્યો હતો. અમદાવાદના ગ્રામ્ય વિસ્તારોમાં પણ વરસાદ વરસી રહ્યો છે. વિરાટ નગર, ઓઢવ, ઘોડાસર, સીટીએમ વિસ્તારમાં પણ વરસાદ વરસ્યો હતો. ઘુમા, બોપલ, સાઉથ બોપલ વિસ્તારમાં પણ વરસાદ વરસ્યો હતો.

ધોધમાર વરસાદથી વિઝિબિલિટી ઘટના વાહન ચાલકોને હેડલાઇટ ચાલુ રાખવાની ફરજ પડી હતી. વીજળીના કડાકા સાથે વરસાદ વરસી રહ્યો છે. ભારે વરસાદની પરિસ્થિતિને લઇને રાજ્ય સરકારે મહત્વનો નિર્ણય લીધો છે. વરસાદ બાદ પાણી ભરાવાની પરિસ્થિતિને લઇને સરકારે સહાય જાહેર કરી છે. 156 નગરપાલિકાઓને સાફ સફાઇ માટે 17.10 કરોડ રૂપિયાની સહાયની જાહેરાત કરાઇ છે.

ઉલ્લેખનીય છે કે રાજ્યમાં આગામી ત્રણ કલાકમાં કેટલાક જિલ્લામાં ભારેથી અતિભારે વરસાદની આગાહી કરવામાં આવી છે. 

#WATCH | Gujarat: Low-lying areas in Kaliawadi, Navsari inundate increasingly amid incessant rainfall in the region pic.twitter.com/tcpWD9FJvz

— ANI (@ANI) July 14, 2022