હિટ એન્ડ રનઃ એસ.જી હાઇવે પર 40 વર્ષની મહિલાને કારે લીધી અડફેટે, સારવાર અર્થે ખસેડાઇ હૉસ્પિટલમાં

અમદાવાદઃ એસ.જી હાઇવે પર પકવાન ચાર રસ્તા પાસે 9.30 વાગ્યાના અરસામાં 40 વર્ષિય નાસીરબહેન ભટ્ટી રસ્તો ક્રોસ કરતા હતા. ત્યારે કાર ચાલકે મહિલાને અડફેટે લઇને ફરાર થઇ ગયો હતો. જે સમગ્ર ઘટના સીસીટીવીમાં કેદ થઇ ગઇ  હતી. 40 વર્ષિય મહિલા રસ્તો ક્રોસ કરતા સમયે ગાડી ચાલકે તેના ઉપર ગાડી ચલાવી દીઘી હતી. સરખેજ ગાંધીનગર હાઇવે પરની આ ઘટના સીસીટીવી કેદ થઇ હતી. જેમાં જોઇ શકાય છે કે, પુર ઝડપે આવતી કારે મહિલાને અડફેટમાં લઇ તેના ઉપર કાર ચઢાવી ફરાર થઇ ગયો હતી. મહિલાને ગંભીર ઇજા પહોચતા સોલા સિવિલ હૉસ્પિટલમાં ખસેડવામાં આવી હતી. ગાડી ચાલક અકસ્માત સર્જાયા બાદ ફરાર થઇ ગયો હતો પરતુ સ્થાનિકો અને પોલીસ દ્ધારા તેને પ્રહલાદનગર પાસેથી ઝડપી લીઘા હતા. ગાડી ચાલક અમૃતભાઇ પંચાલ નામના શખ્સને ટ્રાફિક ડિવિઝન ધરપકડ કરીને જામીન મુકત કર્યા છે. ત્યારે હાલ મહિલાને સોલા સિવિલ હૉસ્પિટલમાં સારવાર અર્થે રાખવામાં આવ્યા છે.