અમદાવાદ:  હ્યુન્ડાઈ શો રૂમ ઉપર વિરોધ,  બજરંગદળ દ્વારા કરવામાં આવી તાળાબંધી

હ્યુન્ડાઈ મોટર્સ પાકિસ્તાને ટ્વિટર પર તેના સત્તાવાર હેન્ડલ પરથી કાશ્મીરની આઝાદીનું સમર્થન કરતાં વિવાદ સર્જાયો છે  ત્યારે અમદાવાદમાં પણ હિંદુવાદી સંગઠનોએ હ્યુંડાઈ અને કેએફસીના એકમો પર તાળાબંધી કરી.

અમદાવાદ: ઓટોમોબાઈલ કંપની હ્યુન્ડાઈ મોટર્સ પાકિસ્તાને ટ્વિટર પર તેના સત્તાવાર હેન્ડલ પરથી કાશ્મીરની આઝાદીનું સમર્થન કરતાં વિવાદ સર્જાયો છે  ત્યારે અમદાવાદમાં પણ હિંદુવાદી સંગઠનોએ હ્યુંડાઈ અને કેએફસીના એકમો પર તાળાબંધી કરી હતી.  અમદાવાદમાં  હ્યુંડાઈના શો રૂમ અને  KFCને તાળાબંધી કરવામાં આવી હતી. આશ્રમ રોડ પર આવેલા હ્યુંડાઈના શો રૂમ બહાર પણ વિરોધ પ્રદર્શન કરાયું હતું. ભારત વિરોધી પોસ્ટર લગાવનારા માફી માગે તેવી પણ માંગણી કરાઈ છે.  

ભારતમાં સોશિયલ મીડિયા પર કંપનીના બહિષ્કારની માંગ

કાશ્મીરમાં અલગતાવાદીઓને સમર્થન આપતો પાકિસ્તાનમાં હ્યુન્ડાઈ ડીલર દ્વારા સંદેશ પોસ્ટ કરવા બદલ ભારતમાં સોશિયલ મીડિયા પર કંપનીના બહિષ્કારની માંગ કરવામાં આવી રહી છે. તે જ સમયે, હ્યુન્ડાઇ મોટર ઇન્ડિયાએ હવે આ મામલે સ્પષ્ટતા આપી છે. કંપનીએ કહ્યું કે તે કોઈ ચોક્કસ ક્ષેત્રમાં રાજકીય અથવા ધાર્મિક મુદ્દાઓ પર ટિપ્પણી કરતી નથી.

હ્યુન્ડાઈએ એક નિવેદન જારી કરીને કહ્યું કે, "તે સ્પષ્ટપણે હ્યુન્ડાઈ મોટરની નીતિની વિરુદ્ધ છે કે પાકિસ્તાનમાં સ્વતંત્ર માલિકીના ડિસ્ટ્રિબ્યુટરે તેના એકાઉન્ટમાંથી અનધિકૃત કાશ્મીર સંબંધિત સોશિયલ મીડિયા પોસ્ટ્સ કરી છે."

કંપનીએ કહ્યું કે અમને પોસ્ટમાંથી એડ ન કરો

હ્યુન્ડાઈ મોટરે પણ નિવેદનમાં કહ્યું કે તે રાષ્ટ્રીયતાનું સન્માન કરવામાં માને છે. તેના પાકિસ્તાન યુનિટનું નામ લીધા વિના, કંપનીએ કહ્યું, 'હ્યુન્ડાઈ મોટર ઈન્ડિયાને અનિચ્છનીય સોશિયલ મીડિયા પોસ્ટ સાથે લિંક કરશો નહીં. અમે પોતે આવા દૃષ્ટિકોણને સમર્થન આપતા નથી.’ 

શું છે વિવાદ

વાસ્તવમાં, 5 ફેબ્રુઆરીએ પાકિસ્તાન દ્વારા કાશ્મીરી એકતા દિવસની ઉજવણી કરવામાં આવી હતી. આ અવસર પર હ્યુન્ડાઈ પાકિસ્તાન ઓફિશિયલના નામે ટ્વિટર હેન્ડલ પરથી એક પોસ્ટ દ્વારા પાકિસ્તાનનું સમર્થન કરવામાં આવ્યું હતું. , જેને "સ્વતંત્રતા માટે સંઘર્ષ" કહેવામાં આવતું હતું. આ પછી #BoycottHyundai ભારતમાં ટ્વિટર પર ટ્રેન્ડ કરવાનું શરૂ કર્યું અને વપરાશકર્તાઓએ ટ્વિટ પછી ભારતમાં તેની પ્રોડક્ટનો બહિષ્કાર કરવાની હાકલ કરી.

કંપની ભારતીયો પ્રત્યે ખેદ વ્યક્ત કરે છે

બીજી તરફ હ્યુન્ડાઈએ તેના નિવેદનમાં કહ્યું કે તે ભારતમાં દાયકાઓથી રોકાણ કરી રહી છે અને ભારતીય ગ્રાહકો માટે પ્રતિબદ્ધ છે.

Hyundai ભારતીય બજારમાં 25 વર્ષથી કારનું વેચાણ કરી રહી છે

તમને જણાવી દઈએ કે Hyundai ભારતમાં 25 વર્ષથી કાર વેચી રહી છે. જાન્યુઆરી 2022માં ભારતીયોએ કંપનીની 44 હજાર કાર ખરીદી હતી. બીજી તરફ, વેચાણની વાત કરીએ તો ભારતમાં મારુતિ પછી હ્યુન્ડાઈ બીજા નંબરે આવે છે. આ સાથે જ કિયા કંપની પાંચમા નંબર પર છે. આ સાથે તમને જણાવી દઈએ કે 2017 થી Hyundai પાકિસ્તાનમાં નિશાત મોટર્સ નામની સ્થાનિક કંપની સાથે મળીને કારનું વેચાણ કરી રહી છે.