મારુતિ સુઝુકીએ લોન્ચ કરી Ertiga Tour M, જાણો કિંમત અને ફીચર્સ

મીડિયા અહેવાલ અનુસાર અર્ટિગાના આ નવા વર્ઝનને મારુતિ સુઝુકી ટૂર એમ (Maruti Suzuki Tour M) નામ આપવામાં આવ્યું છે. તેની કિંમત 7.99 લાખ રૂપિયા છે.

નવી દિલ્હીઃ મારુતિ સુઝુકીને અર્ટિગાથી ઘણી સફળતા મળી છે. સારી માગને કારણે કંપનીએ આ મોડલનું બીજું ચનરેશન નવેમ્બર 2018માં લોન્ચ કરી હતી. તેનું પ્રથમ મોડલ 9 વર્ષથી વધારે સુધ માર્કેટમાં રહ્યું. સેકન્ડ જનરેશન અર્ટિગાને પણ સારો પ્રતિભાવ મળ્યો છે. આ એમપીવીમાં પહેલા 1.4 લિટર પેટ્રોલ એન્જિન આપવામાં આવ્યું હતું. પરંતુ હવે નવી અર્ટિગામાં 1.5 લિટર SHVS એન્જિનનો ઉપયોગ કરવામાં આવશે. મારુતિની આ એમપીવીને શરૂથી જ સારો પ્રતિભાવ મળ્યો છે. માર્ચ 2019માં આ મોડલના 9000 યૂનિટ્સ વેચાયા. એમપીવી સેગમેન્ટમાં આ સૌથી સફળ મોડલ છે. ઝડપથી વધી રહેલા ટેક્સી માર્કટેનો લાભ લેવા માટે કંપનીએ અર્ટિગાનું નવું વર્ઝન લોન્ચ કર્યું છે. મીડિયા અહેવાલ અનુસાર અર્ટિગાના આ નવા વર્ઝનને મારુતિ સુઝુકી ટૂર એમ (Maruti Suzuki Tour M) નામ આપવામાં આવ્યું છે. તેની કિંમત 7.99 લાખ રૂપિયા છે. આ નવું મોડલ V ટ્રિમ પર આધારિત છે. જેમાં ડ્યૂઅલ ફ્રન્ટ એરબેગ્સ, રિવર્સ પાર્કિંગ સેન્સર, એન્ટી લોક બ્રેકિંગ સિસ્ટમ, સ્પીડ લિમિટિંગ ફંક્શન, બ્લૂટૂથની સાથે સ્ટીરિયો અને સ્ટિયરિંગ માઉન્ટેડ ઓડિયો કન્ટ્રોલ આપવામાં આવ્યા છે. ઉપરાંત આ વર્ઝનમાં ઇલેક્ટ્રિકલ અડજેસ્ટેબલ ORVM, રિયર એવી વેન્ટ્સ અને ડ્યૂઅલ ટોન ઇન્ટીરિયર આપવામાં આવ્યા છે. આ વર્ઝનમાં 1.5 લિટર ફોર સિલિન્ડર SHVS એન્જિન આપવામાં આવ્યું છે જે વધુમાં વધુ પાવર આઉટપુટ 104.7 પીએસ છે અને 138 એનએમનો પીક ટોર્ક જનરેટ કરે છે. આ વર્ઝનમાં 5 સ્પીડ મેન્યુઅલ ટ્રાન્સમિશન આપવામાં આવ્યા છે. અર્ટિગાનું આ નવું વર્ઝન કેબ એગ્રિગેટર્સને આકર્ષિત કરી શકે છે. Maruti Suzuki Tour Mમાં ઘણાં સેફ્ટી ફીચર્સ અને પાવરટ્રેન છે. કંપનીનો દાવો છે કે અર્ટિગાનું આ વર્ઝન 18.18 કિમી પ્રતિ લિટરની માઈલેજ આપે છે.