5 લાખની FD પર 5 વર્ષમાં કેટલી કમાણી થશે? સમજો બેંકોના લેટેસ્ટ વ્યાજ દર અને ગણિત

શેરબજારની ઉથલપાથલ વચ્ચે રોકાણકારો ફરીથી FD તરફ વળ્યા છે, જાણો કઈ બેંક આપે છે સૌથી વધુ વ્યાજ અને 5 લાખ રોકવા પર તમને કેટલો ફાયદો થશે.

5 Lakh FD Returns Calculation Interest Rates 5 Years Maturity

Source : ai

Show Quick Read

Key points generated by AI, verified by newsroom

• શેરબજારની અનિશ્ચિતતાને કારણે રોકાણકારો FD તરફ વળ્યા છે.
• સૂર્યોદય, જના જેવી સ્મોલ બેંકો 8.4% સુધી વ્યાજ આપે છે.
• SBI, HDFC જેવી મોટી બેંકો 7.05% સુધી વ્યાજ આપે છે.
• પાંચ લાખની FD પર વ્યાજ દર મુજબ મેચ્યોરિટી ગણી શકાય.

5 lakh 5 year FD interest return: છેલ્લા કેટલાક સમયથી વૈશ્વિક તણાવ અને અન્ય પરિબળોને કારણે શેરબજારમાં ભારે અનિશ્ચિતતા જોવા મળી રહી છે. આ ઉથલપાથલના કારણે નવા રોકાણકારોને નુકસાન વેઠવાનો વારો આવ્યો છે અને જૂના રોકાણકારોના નફામાં પણ મોટો ઘટાડો થયો છે. મ્યુચ્યુઅલ ફંડમાં રોકાણ કરનારાઓનું રિટર્ન પણ ઘટ્યું છે. આવી સ્થિતિમાં, ઘણા રોકાણકારો પોતાના પોર્ટફોલિયોને સુરક્ષિત અને મજબૂત બનાવવા માટે ફરી એકવાર બેંક કે પોસ્ટ ઓફિસની ફિક્સ ડિપોઝિટ (FD) તરફ વળી રહ્યા છે. બેંકો પણ આ તકનો પૂરો ફાયદો ઉઠાવીને ગ્રાહકોને આકર્ષક ઓફર્સ આપી રહી છે. જો તમે પણ તમારું ભંડોળ FD માં રોકવાનું વિચારી રહ્યા છો, તો આજે અમે તમને જણાવીશું કે કઈ બેંક સૌથી વધુ વ્યાજ આપી રહી છે અને 5 વર્ષ માટે 5,00,000 રૂપિયાની FD કરાવવા પર મેચ્યોરિટી વખતે તમે કેટલી કમાણી કરી શકો છો.

કઈ બેંકો આપી રહી છે સૌથી વધુ વ્યાજ?

જો તમે FD પર સૌથી ઊંચું વળતર મેળવવા માંગતા હોવ, તો નાની ફાઇનાન્સ બેંકો અત્યારે શ્રેષ્ઠ વિકલ્પ સાબિત થઈ રહી છે.

સ્મોલ ફાઇનાન્સ બેંકો: Suryoday Small Finance Bank, Jana Small Finance Bank અને Shivalik Small Finance Bank જેવી બેંકો હાલમાં FD પર સૌથી વધુ 8% થી લઈને 8.4% સુધીનો વ્યાજ દર ઓફર કરી રહી છે.

અન્ય સારા વિકલ્પો: આ સિવાય, AU Small Finance Bank અને IDFC First Bank પણ ઉત્તમ રિટર્ન આપી રહી છે. આ બેંકોમાં સામાન્ય ગ્રાહકો માટે વ્યાજ દર 7.25% થી 7.40% સુધીનો છે.

(નોંધ: અહીં એ વાત ધ્યાનમાં રાખવી જરૂરી છે કે, સિનિયર સિટીઝન્સ (વરિષ્ઠ નાગરિકો) ને આ બેંકો સામાન્ય ગ્રાહકોની સરખામણીમાં 0.50% થી 0.75% જેટલું વધુ વ્યાજ આપે છે.)

દેશની મોટી બેંકોમાં FD પર કેટલું વ્યાજ મળે છે?

જો તમે દેશની મોટી અને જાણીતી બેંકોમાં રોકાણ કરવાનું વધુ પસંદ કરો છો, તો ત્યાં પણ તમને સારા વ્યાજ દર મળી જશે.

દેશની અગ્રણી બેંકો જેવી કે SBI, HDFC Bank અને ICICI Bank સામાન્ય નાગરિકોને FD પર 6.5% થી 7.05% સુધીનું વ્યાજ આપી રહી છે.

આ ઉપરાંત, અમુક ખાસ સમયગાળા વાળી સ્કીમ (જેમ કે SBI ની અમૃત વર્ષા) હેઠળ રોકાણ કરવા પર તમને 7.10% સુધીનું વ્યાજ પણ મળી શકે છે.

આ પણ વાંચોઃ બચત ખાતા પર મળશે FD જેવું ૩ ગણું વ્યાજ! બેંકમાં જઈને આ 1 સેટિંગ બદલાવી નાંખો

સમજો 5 લાખની FD પર કમાણીનું પૂરું ગણિત

ચાલો હવે ગણતરી કરીને સમજીએ કે જો તમે 5 વર્ષ માટે 5,00,000 રૂપિયાની FD કરાવો છો, તો અલગ-અલગ વ્યાજ દર મુજબ તમને માત્ર વ્યાજમાંથી કેટલી આવક થશે અને મેચ્યોરિટી પર કુલ કેટલા રૂપિયા પાછા મળશે.

ઉપરના કોષ્ટક પરથી સ્પષ્ટ છે કે વ્યાજ દરમાં માત્ર અડધા ટકાનો ફેરફાર પણ તમારી લાંબા ગાળાની કમાણી પર મોટી અસર પાડી શકે છે. તેથી, બેંકની પસંદગી કરતા પહેલા તમામ વિકલ્પોની સરખામણી ચોક્કસથી કરવી જોઈએ.

આ પણ વાંચોઃ SBI 444 Days FD: એસબીઆઈની આ ખાસ એફડીમાં મળશે સામાન્ય કરતાં વધુ વ્યાજ! જુઓ ગણતરી