આયુષ્માન કાર્ડ વારંવાર રિજેક્ટ થાય છે? આ ભૂલો સુધારો, નહીંતર 5 લાખનો લાભ નહીં મળે

ayushman card rejection: આયુષ્માન ભારત યોજના હેઠળ 5 લાખ રૂપિયાની મફત સારવાર મેળવવા માટે કાર્ડ હોવું જરૂરી છે, પરંતુ આધાર કાર્ડ અને પોર્ટલની વિગતોમાં નાની અમથી ભૂલ પણ તમારી અરજી નામંજૂર કરાવી શકે છે.

ayushman card rejection reasons ab pmjay aadhaar data mismatch

Source : ai

Show Quick Read

Key points generated by AI, verified by newsroom

• આયુષ્માન કાર્ડ અરજીઓ માહિતી મેળ ન ખાવાથી રદ થાય છે.
• આધાર સાથે નામ, લિંગ, જન્મતારીખ, સરનામું બરાબર હોવું જોઈએ.
• અરજી પહેલા આધાર કાર્ડની વિગતો ચકાસો અને સુધારો.

ayushman card rejection reasons: દેશના ગરીબ અને મધ્યમ વર્ગ માટે 'આયુષ્માન ભારત-પ્રધાનમંત્રી જન આરોગ્ય યોજના' (AB-PMJAY) એક મોટી આશીર્વાદરૂપ આરોગ્ય યોજના છે. આ યોજના અંતર્ગત પાત્રતા ધરાવતા પરિવારોને દર વર્ષે 5 લાખ રૂપિયા સુધીની મફત સારવારની સુવિધા મળે છે. જોકે, આ લાભ લેવા માટે તમારી પાસે 'આયુષ્માન કાર્ડ' હોવું ફરજિયાત છે. ઘણા લોકો આ કાર્ડ માટે અરજી તો કરે છે, પરંતુ તેમની અરજી વારંવાર રિજેક્ટ (નામંજૂર) થઈ જાય છે. જો તમે પણ આ સમસ્યાનો સામનો કરી રહ્યા છો અને તમારું કાર્ડ નથી બની રહ્યું, તો તમારે એ જાણવું ખૂબ જરૂરી છે કે કઈ નાની ભૂલોને કારણે તમારું કાર્ડ અટકી પડે છે.

માહિતી એકદમ સમાન હોવી જરૂરી

તાજેતરમાં જ AB-PMJAY-UP ના સત્તાવાર સોશિયલ મીડિયા હેન્ડલ પરથી એક મહત્વની જાણકારી શેર કરવામાં આવી છે. જે મુજબ, આયુષ્માન કાર્ડ ત્યારે જ ઈશ્યુ થાય છે જ્યારે તમે પોર્ટલ પર જે માહિતી ભરી હોય, તે તમારા આધાર કાર્ડ અને અન્ય સરકારી ડેટા (સ્રોત ડેટા) સાથે બરાબર મેચ થતી હોય. જો આ વિગતોમાં સહેજ પણ તફાવત કે વિસંગતતા હશે, તો તમારી અરજી સીધી જ રિજેક્ટ થઈ જશે.

અરજી કરતા પહેલા આ બાબતોનું ખાસ ધ્યાન રાખો:

નામ અને પિતાનું નામ: આયુષ્માન કાર્ડ કઢાવતી વખતે સૌથી પહેલા એ ચેક કરો કે આધાર કાર્ડમાં તમારું અને તમારા પિતાનું નામ જે રીતે લખેલું છે, બિલકુલ તે જ સ્પેલિંગ NHA (નેશનલ હેલ્થ ઓથોરિટી) પોર્ટલ પર હોવો જોઈએ. નામમાં નાની ભૂલ પણ અરજી રિજેક્ટ કરાવી શકે છે.

લિંગ (જેન્ડર): ઘણીવાર ફોર્મ ભરતી વખતે લિંગ પસંદ કરવામાં ભૂલ થઈ જતી હોય છે. જો આધાર કાર્ડ અને પોર્ટલ પર લિંગની માહિતી અલગ-અલગ હશે, તો કાર્ડ બનવામાં ચોક્કસ મુશ્કેલી ઊભી થશે.

જન્મ તારીખ (DOB): આ એક ખૂબ જ સામાન્ય ભૂલ છે. આધાર કાર્ડ અને NHA પોર્ટલ બંનેમાં તમારી જન્મ તારીખ એકદમ સમાન હોવી જોઈએ. જો જન્મ તારીખમાં કોઈ પણ પ્રકારનો મેળ નહીં ખાય, તો અરજી તરત જ નામંજૂર કરવામાં આવશે.

સરનામું (એડ્રેસ): તમારા આધાર કાર્ડમાં નોંધાયેલું સરનામું અને પોર્ટલ પરનું સરનામું પણ એકસરખું હોવું જરૂરી છે. જો આ બંને રેકોર્ડ વચ્ચે કોઈ વિસંગતતા જોવા મળશે, તો કાર્ડ જારી કરવાની પ્રક્રિયા ત્યાં જ અટકી જશે.

આ પણ વાંચોઃ આયુષ્માન કાર્ડ: કઈ ઉંમરના લોકોને મળશે મફત સારવારનો લાભ? અરજી કરતા પહેલા જાણી લો નિયમ

શું છે ઉકેલ?

જો તમે કોઈપણ જાતની મુશ્કેલી વગર અને એક જ વખતમાં તમારું આયુષ્માન કાર્ડ મેળવવા માંગતા હોવ, તો અરજી કરતા પહેલા તમારા આધાર કાર્ડ અને અન્ય રેકોર્ડની પૂરેપૂરી ચકાસણી કરી લો. જો કોઈ માહિતી ખોટી હોય કે તેમાં સ્પેલિંગની ભૂલ હોય, તો પહેલા આધાર સેન્ટર પર જઈને તેને સુધારાવી લો અને ત્યારબાદ જ આયુષ્માન કાર્ડ માટે એપ્લાય કરો. આમ કરવાથી તમારી અરજી રિજેક્ટ થવાની શક્યતા નહિવત્ થઈ જશે.

આ પણ વાંચોઃ આયુષ્માન કાર્ડથી બધી સારવાર મફત નથી થતી! જાણો કઈ બીમારીઓ માટે તમારે પૈસા ચૂકવવા પડશે