દર મહિને ₹10,000 ની SIP થી 10000000 રૂપિયાનું ફંડ ક્યારે બનશે? સરળ ભાષામાં ગણતરી સમજો

જો તમે પણ કરોડપતિ બનવાનું સપનું જોઈ રહ્યા છો, તો મ્યુચ્યુઅલ ફંડમાં SIP તમારા માટે જાદુઈ રસ્તો સાબિત થઈ શકે છે. જાણો 12%, 15% વળતર અને 10% સ્ટેપ અપ SIP ના આધારે તમારે કેટલા વર્ષ રોકાણ કરવું પડશે.

build 1 crore corpus with 10000 monthly sip calculation guide 2026

Source : एबीपी माझा ग्राफिक्स टीम

Show Quick Read

Key points generated by AI, verified by newsroom

• SIP દ્વારા માસિક ₹10,000 નું રોકાણ કરોડપતિ બનાવી શકે છે.
• 12% વળતર સાથે 20 વર્ષમાં ₹1 કરોડનું ભંડોળ શક્ય.
• 15% વળતર સાથે 17 વર્ષમાં ₹1 કરોડનું લક્ષ્ય પ્રાપ્ત.
• સ્ટેપ-અપ SIP દ્વારા 15 વર્ષમાં ₹1 કરોડનું ફંડ નિર્માણ.

SIP to 1 Crore calculation: આજના સમયમાં દરેક સામાન્ય માણસનું સપનું હોય છે કે તેની પાસે ભવિષ્ય માટે લાખો કરોડો રૂપિયાનું ભંડોળ હોય. ઘણા લોકોને એવું લાગે છે કે કરોડપતિ બનવા માટે એકસાથે મોટી રકમ બચાવવી કે રોકવી જરૂરી છે, પરંતુ ખરેખર એવું નથી. સિસ્ટેમેટિક ઇન્વેસ્ટમેન્ટ પ્લાન એટલે કે SIP એ રોકાણનો એવો જાદુઈ અને શિસ્તબદ્ધ રસ્તો છે, જે સામાન્ય બચતથી પણ તમને કરોડપતિ બનાવી શકે છે. જો તમે તમારી કમાણીમાંથી દર મહિને માત્ર ₹10,000 ની બચત કરીને SIP માં રોકાણ કરો છો, તો તમે પણ 1 કરોડ રૂપિયાના લક્ષ્ય સુધી પહોંચી શકો છો. તો ચાલો, આજે આ ₹1 કરોડનું ફંડ બનાવવામાં કેટલા વર્ષ લાગશે અને કઈ રીતે કામ કરશે, તેનું સંપૂર્ણ ગણિત એકદમ બોલચાલની ભાષામાં સમજીએ.

મ્યુચ્યુઅલ ફંડમાં SIP કરવાનો સૌથી મોટો ફાયદો એ છે કે તેમાં તમને 'ચક્રવૃદ્ધિ' (Compounding) નો જબરદસ્ત લાભ મળે છે. એટલે કે, તમને તમારા વળતર પર પણ વળતર મળે છે, જે લાંબા ગાળે તમારી નાની બચતને એક મોટા ભંડોળમાં ફેરવી દે છે.

1. જો 12% વાર્ષિક વળતર મળે તો કેટલો સમય લાગશે?

સામાન્ય રીતે સારા મ્યુચ્યુઅલ ફંડમાં 12% જેટલું સરેરાશ વાર્ષિક વળતર લાંબા ગાળે મળી રહેતું હોય છે. જો તમે દર મહિને ₹10,000 ની SIP એવી સ્કીમમાં કરો છો જ્યાં તમને 12% વળતર મળે, તો ₹1 કરોડનું ફંડ બનાવવામાં તમને 20 વર્ષનો સમય લાગશે.

કુલ રોકાણ: ₹24,00,000

અંદાજિત વળતર: ₹75,91,479

કુલ ફંડ: ₹99,91,479 (લગભગ ₹1 કરોડ)

2. જો 15% વાર્ષિક વળતર મળે તો કેટલો સમય લાગશે?

જો તમારો પોર્ટફોલિયો સારો દેખાવ કરે છે અને તમને સરેરાશ 15% જેટલું વાર્ષિક વળતર મળે છે, તો તમારો સમય ઘણો બચી જશે. આ સ્થિતિમાં તમે માત્ર 17 વર્ષમાં જ ₹1 કરોડના આંકડાને પાર કરી જશો.

કુલ રોકાણ: ₹20,40,000

અંદાજિત વળતર: ₹80,88,382

કુલ ફંડ: ₹1,01,28,382

3. 'સ્ટેપ અપ SIP' નો જાદુ

જો તમે 20 કે 17 વર્ષ સુધી રાહ જોવા નથી માંગતા અને તમારું લક્ષ્ય વહેલું પૂરું કરવા માંગો છો, તો તમારે 'સ્ટેપ અપ SIP' અપનાવવી જોઈએ. સ્ટેપ અપ એટલે દર વર્ષે તમારી આવક વધવાની સાથે તમારી SIP ની રકમમાં પણ થોડો વધારો કરવો. જો તમે ₹10,000 ની SIP થી શરૂઆત કરો છો અને દર વર્ષે તેમાં 10% નો વધારો કરો છો (દા.ત. આવતા વર્ષે ₹11,000, પછીના વર્ષે ₹12,100), તો 12% ના અંદાજિત વળતર સાથે તમે માત્ર 15 વર્ષમાં જ ₹1 કરોડનું ભંડોળ ભેગું કરી શકો છો.

રોકાણકારો માટે 3 ખાસ અને જરૂરી સલાહ

વહેલી શરૂઆત કરો: તમે જેટલી નાની ઉંમરે રોકાણ કરવાનું શરૂ કરશો, કમ્પાઉન્ડિંગનો ફાયદો તમને તેટલો જ વધારે મળશે અને તમારે ઓછા રૂપિયા રોકવા પડશે.

શિસ્ત જાળવી રાખો: શેરબજાર છે એટલે થોડા ઉતાર ચઢાવ તો આવતા રહેશે, પરંતુ બજાર નીચે જાય ત્યારે ગભરાઈને ક્યારેય તમારી SIP બંધ ન કરો. સતત રોકાણ ચાલુ રાખવું એ જ સફળતાની ચાવી છે.

પોર્ટફોલિયોનું રિવ્યૂ કરો: દર વર્ષે તમારા મ્યુચ્યુઅલ ફંડનું પ્રદર્શન ચેક કરતા રહો અને કોઈ ફંડ સારો દેખાવ ન કરી રહ્યું હોય તો તેને બદલવા માટે સારા નાણાકીય સલાહકાર (Financial Advisor) ની મદદ ચોક્કસ લો.

આ પણ વાંચો

કામની વાત: આધાર કાર્ડમાં 14 જૂન સુધી ડોક્યુમેન્ટ્સ મફતમાં અપડેટ કરાવી લો, પછી ફી ચૂકવવી પડશે