સેન્સેક્સ 3100 પોઇન્ટ તૂટ્યો, રોકાણકારોના નવ લાખ કરોડ ડૂબ્યા

આ ઘટાડા સાથે સેન્સેક્સ 32600થી નીચે આવી ગયો હતો જ્યારે નિફ્ટી 9500 પોઇન્ટ પહોંચી ગયો હતો.

મુંબઇઃ કોરોના વાયરસના કારણે ભારત સહિત દુનિયાભરના શેરબજારની સ્થિતિ ખરાબ છે. સપ્તાહના ચોથા દિવસે ગુરુવારે ભારતીય શેરબજારની શરૂઆત એકવાર ફરી મોટા ઘટાડા સાથે થઇ હતી. બપોરે  2:40 વાગ્યે સેન્સેક્સમાં 3100 પોઇન્ટનો ઘટાડો નોંધાયો હતો જ્યારે નિફ્ટી 950 અંક તૂટ્યો હતો. આ ઘટાડા સાથે સેન્સેક્સ 32600થી નીચે આવી ગયો હતો જ્યારે નિફ્ટી 9500 પોઇન્ટ પહોંચી ગયો હતો. નોંધનીય છે કે આ શેરબજારમાં ઇતિહાસની સૌથી મોટો ઘટાડો હતો. કોઇ એક દિવસે શેરબજારમાં આટલી મોટો ઘટાડો ક્યારેય જોવા મળ્યો નથી. એક જ દિવસમાં રોકાણકારોને 9 લાખ કરોડ રૂપિયાથી વધુ નુકસાન થયું હતું. નિષ્ણાંતોના મતે વિશ્વ સ્વાસ્થ્ય સંગઠને કોરોના વાયરસને વૈશ્વિક મહામારી જાહેર કરતા વૈશ્વિક આર્થિક મંદીની આશંકાના કારણે આ ઘટાડો નોંધાયો છે.