Indian Railways: ટ્રેનની ટિકિટ બુક કરાવવા પર મળશે 75% ડિસ્કાઉન્ટ, જાણો શું છે નિયમો અને કોણ લઈ શકે છે લાભ?

જનરલ કેટેગરીના વિદ્યાર્થીઓની વાત કરીએ તો, જો તેઓ એજ્યુકેશન ટૂર માટે બુકિંગ કરાવે છે, તો સ્લીપર ક્લાસ અને માસિક પાસના ભાડામાં 50% ડિસ્કાઉન્ટ ઉપલબ્ધ છે.

પ્રતિકાત્મક તસવીર

Indian Railways: જો તમે પણ ટ્રેનમાં મુસાફરી કરવાનું વિચારી રહ્યા છો, તો હવે તમે ટ્રેન ટિકિટ બુકિંગ પર ડિસ્કાઉન્ટ મેળવી શકો છો. એટલે કે, તમે તમારી ટિકિટ સસ્તામાં બુક કરાવી શકો છો. તમને જણાવી દઈએ કે કોરોના પહેલા રેલવે લગભગ 12 કેટેગરીના લોકોને ટિકિટ બુકિંગમાં છૂટ આપતી હતી. હવે જાણો કોને ટિકિટ બુકિંગ પર મળી રહ્યું છે ડિસ્કાઉન્ટ-

તમને જણાવી દઈએ કે પહેલા વરિષ્ઠ નાગરિકોને પણ ડિસ્કાઉન્ટ મળતું હતું, પરંતુ આ સમયે આ લોકોને ડિસ્કાઉન્ટ નથી મળી રહ્યું. દિવ્યાંગ લોકોને સેકન્ડ સ્લીપર, ફર્સ્ટ ક્લાસ, થર્ડ એસી અને એસી ચેર કારમાં 75% ડિસ્કાઉન્ટનો લાભ મળે છે. આ ડિસ્કાઉન્ટ ફર્સ્ટ એસી અને સેકન્ડ એસીમાં 50 ટકા ઉપલબ્ધ છે.

જનરલ કેટેગરીના વિદ્યાર્થીઓની વાત કરીએ તો, જો તેઓ એજ્યુકેશન ટૂર માટે બુકિંગ કરાવે છે, તો સ્લીપર ક્લાસ અને માસિક પાસના ભાડામાં 50% ડિસ્કાઉન્ટ ઉપલબ્ધ છે. તે જ સમયે, અનુસૂચિત જાતિ અને અનુસૂચિત જનજાતિના વિદ્યાર્થીઓને 75 ટકા છૂટ આપવામાં આવે છે.

આ સિવાય UPSC (Union Public Service Commission) મેન્સ પરીક્ષાના ઉમેદવારોને બીજા વર્ગની ટિકિટ પર 50% ડિસ્કાઉન્ટનો લાભ મળશે. તે જ સમયે, 35 વર્ષથી ઓછી ઉંમરના સંશોધકને સંશોધન કાર્ય માટે મુસાફરી કરવા માટે સેકન્ડ અને સ્લીપર ક્લાસ ટિકિટ પર 50 ટકા ડિસ્કાઉન્ટ મળશે.

કેન્સર (Cancer)ના દર્દીઓની વાત કરીએ તો તેમને સેકન્ડ અને ફર્સ્ટ ક્લાસની ટિકિટ પર 75 ટકા ડિસ્કાઉન્ટ આપવામાં આવે છે, પરંતુ સ્લીપર (Sleeper) અને થર્ડ એસી (3rd Ac)પર તેમની ટિકિટ સંપૂર્ણપણે ફ્રી છે, તેવી જ રીતે તેમને ફર્સ્ટ અને સેકન્ડ એસી (1st and 2nd AC)માં 50 ટકા છૂટ આપવામાં આવે છે. અને તેમની સાથે મુસાફરી કરનાર વ્યક્તિ પણ સમાન મુક્તિ મળે છે.