LPG Cylinder Price Hike: આમ આદમીને મોંઘવારીનો મોટો ઝાટકો, LPGની કિંમતમાં થયો મોટો વધારો
1 જુલાઈના રોજ, દિલ્હીમાં કોમર્શિયલ ગેસ સિલિન્ડર 2021 રૂપિયા થઈ ગયો હતો. હવે 6ઠ્ઠી જુલાઈએ કિંમતમાં વધુ ઘટાડા બાદ તે 2012.50 રૂપિયા થઈ ગયો છે.
LPG Cylinder Price Hike: ઓઈલ કંપનીઓ દ્વારા એલપીજી સિલિન્ડરની કિંમતમાં ભારે વધારો કરવામાં આવ્યો છે. કંપનીઓએ 6 જુલાઈની સવારથી ઘરેલુ ગેસ સિલિન્ડર 50 રૂપિયા મોંઘા કરી દીધા છે. આ સાથે દિલ્હીમાં ગેસ સિલિન્ડરની કિંમત વધીને 1053 રૂપિયા થઈ ગઈ છે. આ સિવાય ઘરેલું ગેસ સિલિન્ડરની કિંમત કોલકાતામાં 1079 રૂપિયા, મુંબઈમાં 1052.50 રૂપિયા અને ચેન્નાઈમાં 1068.50 રૂપિયા થઈ ગઈ છે.
કોમર્શિયલ સિલિન્ડરના ભાવ ફરી ઘટ્યા
બીજી તરફ કોમર્શિયલ સિલિન્ડર કિંમતમાં ફરી એકવાર ઘટાડો કરવામાં આવ્યો છે. આ પહેલા પણ 1 જુલાઈના રોજ ઓઈલ કંપનીઓ દ્વારા કોમર્શિયલ સિલિન્ડરની કિંમતમાં 198 રૂપિયાનો મોટો ઘટાડો કરવામાં આવ્યો હતો. જે બાદ એવી આશા હતી કે આગામી સમયમાં ઘરેલું ગેસ સિલિન્ડર પણ સસ્તું થશે. પરંતુ હવે કંપનીઓએ ભાવ વધારીને સામાન્ય માણસને ચોંકાવી દીધા છે.
કોમર્શિયલ સિલિન્ડરમાં 8.5 રૂપિયાનો ઘટાડો
1 જુલાઈના રોજ, દિલ્હીમાં કોમર્શિયલ ગેસ સિલિન્ડર 2021 રૂપિયા થઈ ગયો હતો. હવે 6ઠ્ઠી જુલાઈએ કિંમતમાં વધુ ઘટાડા બાદ તે 2012.50 રૂપિયા થઈ ગયો છે. તેવી જ રીતે કોલકાતામાં 19 કિલોનું કોમર્શિયલ ગેસ સિલિન્ડર 2,132 રૂપિયામાં મળશે. તે મુંબઈમાં 1972.50 રૂપિયા અને ચેન્નાઈમાં 2177.50 રૂપિયા પર પહોંચી ગયો છે. આ પહેલા ઘરેલુ ગેસ સિલિન્ડરની કિંમતમાં છેલ્લે 19 મેના રોજ ફેરફાર કરવામાં આવ્યો હતો.
સિલિન્ડર 300 રૂપિયાથી પણ વધુ સસ્તું
1 જુલાઇ પહેલા કોમર્શિયલ એલપીજી સિલિન્ડરની કિંમતમાં 1 જૂને 135 રૂપિયાનો ઘટાડો કરવામાં આવ્યો હતો. આ રીતે છેલ્લા 35 દિવસમાં કોમર્શિયલ સિલિન્ડરની કિંમતમાં 300 રૂપિયાથી વધુનો ઘટાડો થયો છે. (મે મહિનામાં સિલિન્ડરના ભાવ વધીને 2354 રૂપિયા થઈ ગયા હતા.
સિલિન્ડર દીઠ રૂ.200ની સબસિડી
મોંઘવારીથી લોકોને રાહત આપવા માટે સરકારે ઉજ્જવલા યોજના હેઠળ સિલિન્ડર દીઠ 200 રૂપિયાની સબસિડીની જાહેરાત કરી હતી. આ સબસિડી વાર્ષિક 12 સિલિન્ડર સુધી જ મળશે. સરકારના આ પગલાથી 9 કરોડથી વધુ ગ્રાહકોને ફાયદો થયો છે.
ટ્રેન્ડિંગ સમાચાર
ટોપ સ્ટોરી
