LPG Price Reduced: ઓગસ્ટના પ્રથમ દિવસે ખુશખબર, LPGના ભાવમાં થયો આટલો ઘટાડો; જાણો નવા રેટ

ઈન્ડિયન ઓઈલ કોર્પોરેશન એટલે કે આઈઓસીની વેબસાઈટ પર આપવામાં આવેલી માહિતી અનુસાર, 19 કિલોના કોમર્શિયલ ગેસ સિલિન્ડરની કિંમતમાં 36 રૂપિયા સુધીનો ઘટાડો કરવામાં આવ્યો છે.

પ્રતિકાત્મક તસવીર

LPG Price Reduced: આજે કોમર્શિયલ એલપીજી સિલિન્ડર (19 કિગ્રા)ના ભાવમાં ઘટાડો થતાં એલપીજી સિલિન્ડરનો ઉપયોગ કરતા ગ્રાહકોને રાહત મળી છે. ઈન્ડિયન ઓઈલ કોર્પોરેશન (IOC) એ કોમર્શિયલ એલપીજી સિલિન્ડરની કિંમતમાં ઘટાડો કર્યો છે. આ પછી દિલ્હીમાં એલપીજી સિલિન્ડરની કિંમત 36 રૂપિયા સસ્તી થઈ ગઈ છે.

જાણો આજે કેટલા સસ્તા થયા કોમર્શિયલ એલપીજી સિલિન્ડરના ભાવ

દિલ્હીમાં એલપીજી સિલિન્ડરની કિંમતમાં 36 રૂપિયાના ઘટાડા બાદ તે 1976.50 રૂપિયા પ્રતિ સિલિન્ડર થઈ ગઈ છે. અગાઉ તેની કિંમત 2012.50 રૂપિયા પ્રતિ સિલિન્ડર હતી.

કોલકાતામાં એલપીજી સિલિન્ડરની કિંમતમાં 36.50 રૂપિયાના ઘટાડા બાદ તે 2095.50 રૂપિયા પ્રતિ સિલિન્ડર થઈ ગઈ છે. પહેલા તેની કિંમત 2132 રૂપિયા પ્રતિ સિલિન્ડર હતી.

મુંબઈમાં એલપીજી સિલિન્ડરની કિંમતમાં 36 રૂપિયાના ઘટાડા બાદ તે 1936.50 રૂપિયા પ્રતિ સિલિન્ડર થઈ ગઈ છે, જે પહેલા સિલિન્ડર દીઠ 1972.50 રૂપિયા હતો.

ચેન્નાઈમાં એલપીજી સિલિન્ડરની કિંમતમાં 36.50 રૂપિયાના ઘટાડા બાદ તે 2141 રૂપિયા પ્રતિ સિલિન્ડર થઈ ગઈ છે. પહેલા તેની કિંમત 2177.50 રૂપિયા પ્રતિ સિલિન્ડર હતી.

કોને ફાયદો થશે

ઈન્ડિયન ઓઈલ કોર્પોરેશન એટલે કે આઈઓસીની વેબસાઈટ પર આપવામાં આવેલી માહિતી અનુસાર, 19 કિલોના કોમર્શિયલ ગેસ સિલિન્ડરની કિંમતમાં 36 રૂપિયા સુધીનો ઘટાડો કરવામાં આવ્યો છે. રેસ્ટોરન્ટ, હોટલ, ઢાબા અને અન્ય કોમર્શિયલ યુઝર્સને 19 કિલોના સિલિન્ડર દીઠ રૂ. 36 સસ્તા થવાનો મુખ્ય ફાયદો મળશે.

ઘરેલુ એલપીજી સિલિન્ડરની કિંમત

સબસિડી વગરના ઘરેલુ એલપીજી સિલિન્ડરના ભાવ આજે ન તો મોંઘા થયા છે અને ન તો સસ્તા થયા છે. 14.2 કિલોનું ઘરેલું એલપીજી સિલિન્ડર 6 જુલાઈના દરે ઉપલબ્ધ છે અને તેમાં કોઈ ફેરફાર કરવામાં આવ્યો નથી. જો આપણે ઘરેલુ ગેસ સિલિન્ડરની કિંમતો પર નજર કરીએ તો તે 1000 રૂપિયાથી વધુ રહી ગઈ છે. તે દિલ્હીમાં 1053 રૂપિયા, મુંબઈમાં 1053 રૂપિયા, કોલકાતામાં 1079 રૂપિયા અને ચેન્નાઈમાં 1068.50 રૂપિયામાં મળી રહ્યો છે અને તેની કિંમતોમાં કોઈ રાહત નથી.