2 મિનિટવાળી મેગીના ચાહકો માટે મોટા સમાચાર: કિંમત એ જ, પરંતુ કંપનીએ ઘટાડ્યું પેકેટનું વજન

Maggi size reduction 2026: મોંઘવારીનો માર: નેસ્લે કંપનીએ 7 થી લઈને 120 રૂપિયા સુધીના મેગી પેકેટના વજનમાં આશરે 7% નો કાપ મૂક્યો; શેરબજારમાં કંપનીના શેરમાં ઉછાળો.

maggi packet size cut nestle shrinkflation price remains same updates

Source : ai

Show Quick Read

Key points generated by AI, verified by newsroom

• આ નિર્ણયથી શેરબજારમાં નેસ્લેના શેરમાં ઉછાળો નોંધાયો.

Maggi size reduction 2026: ઓછી કિંમતે લોકોની ભૂખ સંતોષતી અને બાળકોથી લઈને વડીલો સુધી સૌની મનપસંદ '2-મિનિટ' મેગી પર હવે મોંઘવારીની સીધી અસર જોવા મળી રહી છે. મેગીનું ઉત્પાદન કરતી અગ્રણી FMCG કંપની નેસ્લે (Nestle) દ્વારા એક મહત્વપૂર્ણ નિર્ણય લેવામાં આવ્યો છે. વધતા જતા ખર્ચને સરભર કરવા માટે કંપનીએ મેગી નૂડલ્સની કિંમતોમાં કોઈ વધારો કર્યો નથી, પરંતુ તેના વિવિધ પેકેટ્સના વજન (Size) માં નોંધપાત્ર ઘટાડો કરી દીધો છે. પરિણામે, કિંમત એ જ ચૂકવવા છતાં હવે ગ્રાહકોને અગાઉ કરતા ઓછી મેગી મળશે.

પેકેટ્સના વજનમાં કેટલો ઘટાડો થયો?

પ્રાપ્ત અહેવાલો અનુસાર, કંપનીએ બજારમાં ઉપલબ્ધ 7, 12, 15, 30, 60, 90 અને 120 રૂપિયાના મેગી પેકેટ્સના વજનમાં કાપ મૂક્યો છે. ઉદાહરણ તરીકે, 7 રૂપિયાના પેકેટમાં અગાઉ 35 ગ્રામ નૂડલ્સ આવતા હતા, જે ઘટાડીને હવે 32 ગ્રામ કરી દેવામાં આવ્યા છે. તેવી જ રીતે, 12 રૂપિયાના સૌથી લોકપ્રિય પેકેટનું વજન પણ 52 ગ્રામથી ઘટાડીને 48 ગ્રામ કરવામાં આવ્યું છે. એકંદરે, કંપનીએ મેગીના તમામ પેકેટ્સના વજનમાં અગાઉની સરખામણીમાં આશરે 7% નો ઘટાડો કર્યો છે. જે લોકો ઓછી કિંમતે મેગીથી પેટ ભરવાનો આનંદ માણતા હતા, તેમના માટે હવે આ પેકેટ સંતોષકારક રહેશે નહીં.

નેસ્લે કંપનીએ શું આપી સ્પષ્ટતા?

પેકેટ્સના વજનમાં ઘટાડો કરવાના આ નિર્ણય અંગે નેસ્લે કંપનીએ એક સત્તાવાર નિવેદન બહાર પાડીને પોતાની નીતિ સ્પષ્ટ કરી છે. કંપનીએ પોતાના નિર્ણયનો બચાવ કરતા જણાવ્યું હતું કે, "ઉત્પાદન પાછળ સતત વધતા જતા ખર્ચને પહોંચી વળવા માટે કંપની સૌપ્રથમ ઉત્પાદન બચત, સારી ખરીદી, ક્ષમતા વિસ્તરણ અને અન્ય વૈકલ્પિક પગલાંઓ અપનાવે છે. ગ્રાહકો પર સીધો આર્થિક બોજ ન પડે તે માટે પ્રોડક્ટની કિંમતો વધારવી એ હંમેશા અમારો છેલ્લો વિકલ્પ હોય છે. આથી, આ વખતે મેગીની કિંમતો વધારવાને બદલે અમે પેકેટનું વજન ઘટાડવાનો સુરક્ષિત માર્ગ અપનાવ્યો છે."

આ પણ વાંચોઃ 2 મિનિટમાં બનતી મેગી નોંતરી શકે છે 5 ગંભીર બીમારી

શેરબજારમાં જોવા મળી સકારાત્મક અસર

એક તરફ ગ્રાહકોને મેગીના વજનમાં ઘટાડાથી ફટકો પડ્યો છે, તો બીજી તરફ રોકાણકારો માટે આ નિર્ણય ફાયદાકારક સાબિત થયો છે. વજન ઘટાડીને નફો જાળવી રાખવાના સમાચાર વહેતા થતાં જ શેરબજારમાં નેસ્લે ઇન્ડિયાના શેરમાં સકારાત્મક અસર જોવા મળી હતી. કંપનીના શેરમાં આશરે 1.3% નો ઉછાળો નોંધાયો હતો અને ટ્રેડિંગ સત્રના અંતે કંપનીના શેર 1405.20 રૂપિયાના મજબૂત સ્તર પર બંધ થયા હતા.

આ પણ વાંચોઃ શું મેગી ખાવાથી તમારી યાદશક્તિ નબળી પડે છે?