RBI Deputy Governor: RBIના ડેપ્યુટી ગવર્નર મહેશ કુમાર જૈનનો કાર્યકાળ બે વર્ષ લંબાવવામાં આવ્યો

મહેશ કુમાર જૈનનો 3 વર્ષનો કાર્યકાળ 21 જૂને સમાપ્ત થતો હતો. મોદી કેબિનેટની એપોઇન્ટમેન્ટ કમિટીએ મંગળારે 22 જૂનથી 2 વર્ષ માટે ફરીથી નિમણૂંકને મંજૂરી આપી હતી. આજે આરબીઆઈ તરફથી તેની સત્તાવાર જાહેરાત કરવામાં આવી હતી.

નવી દિલ્હીઃ ભારતીય રિઝર્વ બેંકના (Reserve Bank of India) ડેપ્યુટી ગવર્નર મહેશ કુમાર જૈનનો (Deputy Governor Mahesh Kumar Jain) કાર્યકાળ બે વર્ષ માટે લંબાવવામાં આવ્યો છે. તેના જાણકારી ખુદ આરબીઆઈએ (RBI) આપી છે. મહેશ કુમાર જૈનનો 3 વર્ષનો કાર્યકાળ 21 જૂને સમાપ્ત થતો હતો. મોદી કેબિનેટની એપોઇન્ટમેન્ટ કમિટીએ મંગળારે 22 જૂનથી 2 વર્ષ માટે ફરીથી નિમણૂંકને મંજૂરી આપી હતી. આજે આરબીઆઈ તરફથી તેની સત્તાવાર જાહેરાત કરવામાં આવી હતી.

જૈનની ફરીથી નિમણૂંક સાથે કેન્દ્રએ વાણિજ્યિક બેંકરને આરબીઆઈના ડેપ્યુટી ગવર્નર તરીકે રાખવાની પરંપરા જાળી રાખી છે. હાલ કેન્દ્રીય બેંકમાં ચાર ડેપ્યુટી ગવર્નર છે. અન્ય ત્રણ ડેપ્યુટી વર્નરમાં માઈખલ ડી પાત્રા, એમ રાજેશ્વર રાવ અને ટી શંકર છે. આરબીઆઈમાં ડેપ્યુટી ગવર્નર બનતાં પહેલા મહેશ કુમાર જૈન આઈડીબીઆઈ બેંકમાં મેનેજિંગ ડાયરેક્ટર અને સીઈઓ રહી ચુક્યા છે. મહેશ કુમાર જૈનને મોદી સરકારે 4 જૂન 2018ના રોજ ત્રણ વર્ષ માટે આરબીઆઈના ડેપ્યુટી ડાયરેકટર તરીકે વરણી કરી હતી.

બેંકિંગમાં ત્રણ દાયકાથી વધારેનો અનુભવ ધરાવતાં જૈન માર્ચ 2017માં આડીબીઆઈ બેંકમાં એમડી બન્યા હતા. મહેશકુમાર જૈન એક્ઝિમ બેંક, એનઆઈબીએમ અને આઈબીપીએસના બોર્ડમાં રહી ચુક્યા છે. એટલું જ નહીં બેકિંગ સેક્ટરને લઈ બનેલી અનેક કમિટીમાં પણ મહત્વની ભૂમિકામાં રહ્યા છે.