Retail Inflation: તહેવારો પહેલા સામાન્ય લોકોને મોંઘવારીમાંથી મળી મોટી રાહત, રિટેલ ઈંફ્લેશનમાં થયો મોટો ઘટાડો

Retail Inflation Data For September 2023:  ખાદ્ય ચીજોના ભાવમાં ઘટાડાને કારણે સપ્ટેમ્બર 2023માં છૂટક ફુગાવાના દરમાં ઘટાડો થયો છે. રિટેલ ફુગાવો સપ્ટેમ્બરમાં ઘટીને 5.02 ટકા થયો છે જે ઓગસ્ટમાં 6.83 ટકા હતો.

પ્રતિકાત્મક તસવીર

Retail Inflation Data For September 2023:  ખાદ્ય ચીજોના ભાવમાં ઘટાડાને કારણે સપ્ટેમ્બર 2023માં છૂટક ફુગાવાના દરમાં ઘટાડો થયો છે. રિટેલ ફુગાવો સપ્ટેમ્બરમાં ઘટીને 5.02 ટકા થયો છે જે ઓગસ્ટમાં 6.83 ટકા હતો. આ અગાઉ જુલાઈ 2023માં છૂટક ફુગાવો 7.44 ટકાના 15 મહિનાના ઉચ્ચ સ્તરે પહોંચ્યો હતો. રાહતની વાત એ છે કે સપ્ટેમ્બર મહિનામાં છૂટક ફુગાવાનો દર હવે આરબીઆઈના ટોલરેસ બેન્ડના 6 ટકાના ઉપલા સ્તરથી નીચે આવી ગયો છે.

 

Retail inflation eases to 5.02 per cent in September from 6.83 per cent in August: Govt data

— Press Trust of India (@PTI_News) October 12, 2023

ખાદ્ય ફુગાવાના દરમાં ઘટાડો
મંત્રાલયના આંકડા અનુસાર સપ્ટેમ્બર મહિનામાં ખાદ્ય મોંઘવારી દરમાં મોટો ઘટાડો નોંધાયો છે. ખાદ્ય ફુગાવાનો દર સપ્ટેમ્બરમાં ઘટીને 6.56 ટકા થયો હતો જે ઓગસ્ટમાં 9.94 ટકા હતો. જો કે ગ્રામ્ય વિસ્તારોમાં મોંઘવારી હજુ પણ લોકોને પરેશાન કરી રહી છે. ગ્રામીણ વિસ્તારોમાં છૂટક ફુગાવાનો દર 5.33 ટકા છે જ્યારે ખાદ્ય ફુગાવાનો દર 6.65 ટકા છે.

ખાદ્ય પદાર્થોના ભાવમાં ઘટાડો
સપ્ટેમ્બર મહિનામાં શાકભાજીના ભાવમાં મોટો ઘટાડો થયો છે, જેના કારણે શાકભાજીનો મોંઘવારી દર ઘટીને 3.39 ટકા પર આવી ગયો છે જે ઓગસ્ટમાં 26.14 ટકા હતો. જો કે કઠોળનો મોંઘવારી દર વધ્યો છે. કઠોળનો મોંઘવારી દર સપ્ટેમ્બરમાં વધીને 16.38 ટકા થયો છે જે ઓગસ્ટમાં 13.04 ટકા હતો. મસાલાના ફુગાવાના દરમાં થોડો ઘટાડો થયો છે અને તે 23.06 ટકા રહ્યો છે જે ઓગસ્ટમાં 23.19 ટકા હતો. દૂધ અને તેનાથી સંબંધિત ઉત્પાદનોનો મોંઘવારી દર પણ ઘટીને 6.89 ટકા પર આવી ગયો છે જે ઓગસ્ટમાં 7.73 ટકા હતો. અનાજ અને સંબંધિત ઉત્પાદનોનો ફુગાવાનો દર પણ નીચે આવ્યો છે અને સપ્ટેમ્બરમાં તે 10.95 ટકા હતો જે ઓગસ્ટમાં 11.85 ટકા હતો.

 

Retail inflation eases to 5.2% in September as compared to 6.83% in August, as per Government of India

— ANI (@ANI) October 12, 2023

RBI માટે સારા સમાચાર 
રિટેલ ફુગાવાના આંકડામાં મોટા ઘટાડાથી RBIને મોટી રાહત મળી હશે. રિટેલ ફુગાવો આરબીઆઈના ટોલરેંસ બેન્ડના ઉપલા બેન્ડ કરતાં 6 ટકા નીચે ગયો છે. ફુગાવાના સંદર્ભમાં, આરબીઆઈએ 2 થી 6 ટકાનો ટોલરેંસ બેન્ડ નક્કી કર્યો છે. RBIએ મોંઘવારી દરને 4 ટકા સુધી લાવવાનું લક્ષ્ય નક્કી કર્યું છે.

Join Our Official Telegram Channel: https://t.me/abpasmitaofficial