Stock Market Closing: IT અને બેન્કિંગ સેક્ટરમાં ઘટાડાથી બજાર લાલ નિશાનમાં બંધ, સેન્સેક્સે 60 હજારની સપાટી ગુમાવી

ભારતીય શેરબજાર સતત બીજા દિવસે ઘટાડા સાથે બંધ થયું છે. વૈશ્વિક સંકેતો અને રોકાણકારોના પ્રોફિટ-બુકિંગના કારણે સેન્સેક્સ ફરી 60 હજારની નીચે અને નિફ્ટી 18 હજારની નીચે બંધ થયો છે.

શેર બજાર

Source : Getty

Stock Market Closing On 15th September 2022: ભારતીય શેરબજાર સતત બીજા દિવસે ઘટાડા સાથે બંધ થયું છે. વૈશ્વિક સંકેતો અને રોકાણકારોના પ્રોફિટ-બુકિંગના કારણે સેન્સેક્સ ફરી 60 હજારની નીચે અને નિફ્ટી 18 હજારની નીચે બંધ થયો છે. આજે કારોબારના અંતે મુંબઈ સ્ટોક એક્સચેન્જનો સેન્સેક્સ 412 પોઈન્ટના ઘટાડા સાથે 59,934 અને નેશનલ સ્ટોક એક્સચેન્જનો નિફ્ટી 126 પોઈન્ટના ઘટાડા સાથે 17,877 પોઈન્ટ પર બંધ થયો હતો.

ગુરુવારના ટ્રેડિંગ સેશનમાં ઓટો, મેટલ્સ, એનર્જી, સેક્ટરના શેરમાં ઉછાળો જોવા મળ્યો હતો, જ્યારે બેન્કિંગ, આઈટી, ફાર્મા, એફએમસીજી, મીડિયા, કન્ઝ્યુમર ડ્યુરેબલ્સ સેક્ટરમાં વેચવાલી જોવા મળી હતી. જ્યારે સ્મોલ કેપ શેરોમાં ઘટાડો જોવા મળ્યો હતો, જ્યારે મિડ કેપ ઇન્ડેક્સ લીલા નિશાનમાં બંધ થયો હતો.

BSE પર કુલ 3,620 શેરનો વેપાર થયો હતો, જેમાં 1698 શેર વધ્યા હતા અને 1796 શેર લાલ નિશાનમાં બંધ થયા હતા. 126 શેરની કિંમતમાં કોઈ ફેરફાર થયો નથી. આજના ટ્રેડિંગ સેશનમાં 290 શેરમાં અપર સર્કિટ અને 166 શેરમાં લોઅર સર્કિટ હતી. શેરબજારની માર્કેટ મૂડી 285.87 લાખ કરોડ રૂપિયા રહી છે.

તેજી સાથે ખુલ્યું હતું શેરબજારઃ

ભારતીય શેરબજારમાં આજે પણ તેજી સાથે કારોબાર ખુલ્યો હતો અને સેન્સેક્સ અને નિફ્ટીમાં વધારા સાથે શરૂઆત થઈ હતી. ગઈકાલના જોરદાર ઘટાડા બાદ બજારમાં સારી એવી રિકવરી પણ જોવા મળી હતી. બેંક અને આઈટી શેરોમાં વધારો જોવા મળ્યો હતો સાથે જ ઓટો, મેટલ્સમાં ત્રીજા ટકાથી વધુનો ઉછાળો જોવા મળ્યો હતો. બેંક નિફ્ટી તેના ઓલ ટાઈમ હાઈ પર પહોંચી ગયા હતા.

શરુઆતમાં બજારની આ સ્થિતિ હતીઃ

આજના કારોબારની શરુઆતમાં BSE નો 30 શેરો વાળા ઇન્ડેક્સ સેન્સેક્સ 107.40 પોઈન્ટ્સ અથવા 0.18 ટકાના ઉછાળા બાદ 60,454 પર ટ્રેડ કરી રહ્યા હતી. જ્યારે NSE નો નિફ્ટી 42.60 પોઈન્ટ એટલે કે 0.24 ટકાના વધારા બાદ 18,046 પર ટ્રેડ જોવા મળ્યો હતો. શરુઆતમાં હેવીવેઇટ શેરોમાં ખરીદી જોવા મળી. શરુઆતના ટ્રેન્ડમાં ટોપ ગેનર્સમાં કોટકબેંક, મારુતિ, એમએન્ડએમ, એનટીપીસી, આઈસીઆઈસીઆઈબેંક, એસબીઆઈન, હિંદુનિલ્વર, વિપ્રોનો સમાવેશ થાય છે.

આ પણ વાંચો....