Tomato Price Increased: લીંબુ બાદ હવે ટામેટાના ભાવમાં આવ્યો ઉછાળો, 100 રૂપિયા પ્રતિ કિલોને પાર થયો ભાવ

Tomato Price Increased: ભાવ વઘવાના કારણે ટામેટા પકવતા ખેડૂતોના ચહેરા પર ખુશી જોવા મળી રહી છે.

ફાઈલ તસવીર

Tomato Price Increased: કર્ણાટકમાં ખાસ કરીને બેંગ્લોરમાં ટામેટાના ભાવ 80 રૂપિયા પ્રતિ કિલોને પાર પહોંચી ગયા છે જેના કારણે લોકોની મુશ્કેલી વધી છે. તાજેતરના ભૂતકાળમાં, ખેડૂતો ટામેટાના ભાવમાં ભારે ઘટાડા સામે વિરોધમાં શાકભાજી રસ્તા પર ફેંકતા જોવા મળ્યા હતા. જો કે હવે ટામેટા પકવતા ખેડૂતોના ચહેરા પર ખુશી જોવા મળી રહી છે.

બેંગ્લોર માર્કેટમાં ટામેટાંનો ભાવ 100 રૂપિયાને પાર

હોર્ટિકલ્ચરલ પ્રોડ્યુસર્સ કોઓપરેટિવ માર્કેટિંગ એન્ડ પ્રોસેસિંગ સોસાયટી ઓફ લિ.ની પ્રાઇસ લિસ્ટમાં મંગળવારે ટામેટાંનો ભાવ રૂ. 75 જોવા મળ્યો હતો, બેંગલુરુમાં શાકભાજીની ઘણી દુકાનો અને મોલ્સે રૂ. 100 પ્રતિ કિલોને વટાવી દીધા હતા. કર્ણાટક તેમજ પડોશી રાજ્યોમાં ચક્રવાતથી ટામેટાના પાકને ભારે નુકસાન થયું છે. જેના કારણે ભાવ આસમાને છે. ચક્રવાતની સાથે વાવાઝોડા અને વરસાદે પણ પાકને નુકસાન પહોંચાડ્યું છે.

ટામેટાંના ભાવ કેમ વધી રહ્યા છે?

નિષ્ણાતોના મતે રાજ્યના કોલાર જિલ્લો અન્ય જિલ્લાઓ કરતાં વધુ ટામેટાંનું ઉત્પાદન કરે છે. હાલમાં રાજ્યમાં 16,328 હેક્ટરમાં ટામેટાંનો પાક થાય છે. જૂન અને ઓગષ્ટ મહિનામાં પાક સારો આવે છે. રાજ્યમાં દર વર્ષે 9.50 લાખ મેટ્રિક ટન ટામેટાંનું ઉત્પાદન થાય છે. ગયા વર્ષે કોલાર માર્કેટમાં 15 કિલો ટામેટા 15 રૂપિયામાં વેચાતા હતા. હવે તે 80 અને 100 રૂપિયા થઈ ગયા છે. શિવમોગા, કારવાર, હુબલી, ધારવાડમાં જથ્થાબંધ ભાવ 50 થી 70 રૂપિયાની વચ્ચે છે.

બજારમાં ટામેટાના ભાવ બમણા થઈ ગયા

હાલમાં નાશિકથી બેંગ્લોર માર્કેટમાં ત્રણથી ચાર ટ્રક ટામેટાં આવી રહ્યા છે. સાંભાર અને અન્ય વાનગીઓનો તીખો સ્વાદ મેળવવા લોકો આમલી તરફ વળ્યા છે. અવિરત વરસાદને કારણે ઘણા પાકને ભારે નુકસાન થયું છે, જેના કારણે બજારમાં ભાવ બમણા થઈ ગયા છે.