McDonald: આ જાણીતી મલ્ટીનેશનલ ફૂડ ચેઇન હવે મેન્યુમાં નહીં સામેલ કરે ટામેટા, જણાવ્યું આ કારણ
મેકડોનાલ્ડ્સ ઈન્ડિયાએ કહ્યું નથી કે તે ટામેટાની ઉપલબ્ધતા ન હોવાને કારણે આ નિર્ણય લઈ રહ્યું છે.
McDonald's India એ એક મોટી જાહેરાત કરી છે જેનો સીધો સંબંધ તમારા મનપસંદ ખાદ્ય પદાર્થો સાથે છે. મેકડોનાલ્ડ્સ ઇન્ડિયા (ઉત્તર અને પૂર્વ) એ તેના ખાદ્ય ઉત્પાદનોના મેનૂમાંથી ટામેટાને દૂર કરવાનો નિર્ણય લીધો છે. કંપનીએ આજે 7 જુલાઈના રોજ એક નિવેદન જારી કરીને જણાવ્યું હતું કે, મુશ્કેલીઓને કારણે તેના મેનુમાંથી ટામેટાને અસ્થાયી રૂપે દૂર કરવાનો નિર્ણય લીધો છે. મેકડોનાલ્ડ્સ ઈન્ડિયા (ઉત્તર અને પૂર્વ ભારત)ના પ્રવક્તાએ જણાવ્યું હતું કે મોસમી સમસ્યાઓના કારણે ફૂડ ચેઈન તેના ફૂડ મેનૂમાં ટામેટાંનો સમાવેશ કરવામાં અસમર્થ છે.
મેકડોનાલ્ડ્સ ઇન્ડિયાની વેસ્ટ અને સાઉથ ફ્રેન્ચાઇઝીઓનું શું કહેવું છે
જો કે, મેકડોનાલ્ડ્સની ભારતની વેસ્ટ અને સાઉથ ફ્રેન્ચાઇઝીઓએ કહ્યું છે કે જ્યારે તેના 10 થી 15 ટકા સ્ટોર્સને ખાદ્ય ચીજવસ્તુઓમાં ટામેટાંનો સમાવેશ કરવા પર પ્રતિબંધ મૂકવામાં આવ્યો છે, ત્યારે કંપની આ પ્રદેશોમાં ટામેટાંની ઉપલબ્ધતાની કોઈ ગંભીર સમસ્યાનો સામનો કરી રહી નથી. તેણે એમ પણ કહ્યું છે કે દેશમાં ચોમાસા દરમિયાન માખીઓની સમસ્યા વધી જાય છે અને જો આવું થાય તો ટામેટાનો જથ્થો નાશ પામે છે. મેકડોનાલ્ડ્સ ઈન્ડિયા વેસ્ટ એન્ડ સાઉથએ કહ્યું છે કે આ એક મોસમી સમસ્યા છે અને રેસ્ટોરન્ટ્સ અને ફૂડ ઈન્ડસ્ટ્રીને દર વર્ષે ચોમાસા દરમિયાન તેનો સામનો કરવો પડે છે.
ટામેટાની સપ્લાય ચેઈનને અસર થઈ
જો કે મેકડોનાલ્ડ્સ ઈન્ડિયાએ કહ્યું નથી કે તે ટામેટાની ઉપલબ્ધતા ન હોવાને કારણે આ નિર્ણય લઈ રહ્યું છે. જો કે, તે સ્પષ્ટ છે કે દેશમાં ટામેટાના ભાવ આસમાને છે અને તેનું કારણ ઘણા રાજ્યોમાં ભારે વરસાદ છે. જેના કારણે સપ્લાય ચેઈનને અસર થવાથી મોસમી સમસ્યાઓના કારણે પરિવહનથી લઈને પાકની ગુણવત્તા પર નકારાત્મક અસર જોવા મળી રહી છે. દિલ્હી, મુંબઈ, કોલકાતા અને ઉત્તર પ્રદેશ જેવા વિસ્તારોમાં ટામેટાની કિંમત 130-155 રૂપિયા પ્રતિ કિલો સુધી પહોંચી ગઈ છે.
આ મેકડોનાલ્ડ્સ ભારતની અસ્થાયી સમસ્યા છે
મેકડોનાલ્ડ્સ ઈન્ડિયાએ તેના સમગ્ર નિવેદનમાં ઉલ્લેખ કર્યો છે કે આ એક અસ્થાયી સમસ્યા છે અને કંપની શક્ય તેટલી વહેલી તકે ટામેટાંને તેના ફૂડ મેનૂમાં પાછા સમાવી શકાય તે તમામ રીતો શોધી રહી છે. કંપનીએ એમ પણ કહ્યું છે કે બ્રાન્ડ હંમેશા ખાદ્યપદાર્થોની ગુણવત્તા અને સલામતી અંગે સાવધ રહી છે અને આ કારણોસર ટામેટાને હાલ પૂરતું ફૂડ મેનૂમાંથી હટાવવું પડશે કારણ કે તે કંપનીની વર્લ્ડ ક્લાસ ક્વોલિટી ચેક પાસ કરવામાં સક્ષમ નથી.
Join Our Official Telegram Channel:
ટ્રેન્ડિંગ સમાચાર
ટોપ સ્ટોરી
