બેન્ક લોન ગેરન્ટર બનતા અગાઉ બે વખત વિચારો, નામ હટાવવું નથી એટલું સરળ, જાણો પ્રોસેસ
જો કોઈ તમને ભવિષ્યમાં બેન્ક લોન ગેરન્ટર બનવાનું કહે છે, તો તમારે તેમાં સામેલ જવાબદારીઓ વિશે સંપૂર્ણ માહિતી હોવી જોઈએ જેથી તમને કોઈ સમસ્યાનો સામનો ન કરવો પડે
Loan Guarantor Responsibilities: જીવનમાં એવો સમય આવે છે જ્યારે પરિવારના કોઈ સભ્ય, મિત્ર અથવા દૂરના સંબંધીને બેન્ક પાસેથી લોનની જરૂર પડે છે. બેન્ક ઘણીવાર લોન આપવાના બદલામાં ગેરન્ટરની માંગ કરે છે. મિત્રો અને સંબંધીઓના આગ્રહથી આપણે ઘણીવાર ગેરન્ટર બનવા માટે સંમત થઈએ છીએ. ઘણા લોકો ગેરન્ટર બનવાની જવાબદારીઓથી અજાણ હોય છે અને પછીથી પોતાના નિર્ણય પર પસ્તાવો કરે છે.
જો કોઈ તમને ભવિષ્યમાં બેન્ક લોન ગેરન્ટર બનવાનું કહે છે, તો તમારે તેમાં સામેલ જવાબદારીઓ વિશે સંપૂર્ણ માહિતી હોવી જોઈએ જેથી તમને કોઈ સમસ્યાનો સામનો ન કરવો પડે. એ જાણવું પણ મહત્વપૂર્ણ છે કે એકવાર તમે બેન્ક ગેરન્ટર બન્યા પછી તમે તમારું નામ બેન્ક ગેરન્ટરમાંથી હટાવી શકો છો કે નહીં.
લોન ગેરન્ટરની જવાબદારીઓ શું છે?
જો કોઈ વ્યક્તિ લોન માટે ગેરન્ટર બને છે તો તેનો અર્થ એ છે કે તેઓ લોનની સંપૂર્ણ જવાબદારી સ્વીકારે છે. આનો અર્થ એ છે કે જો ઉધાર લેનાર લોન ચૂકવવામાં નિષ્ફળ જાય તો બેન્ક ગેરન્ટર પાસેથી સીધા પૈસા વસૂલ કરી શકે છે.
ભારતીય કરાર અધિનિયમ, 1872ની કલમ 128 હેઠળ ગેરન્ટરની જવાબદારી ઉધાર લેનાર જેટલી જ છે. આનો અર્થ એ છે કે લોનની ચુકવણી ન થાય તો બેન્ક ગેરન્ટર પાસેથી બાકી રકમ વસૂલ કરી શકે છે.
શું ગેરન્ટર બન્યા પછી તમારું નામ દૂર કરવું શક્ય છે?
જો તમે કોઈની લોન માટે ગેરંટર છો અને હવે તમારું નામ દૂર કરવા માંગો છો તો ચોક્કસ પરિસ્થિતિઓ પૂરી કરવી આવશ્યક છે. આ ફક્ત ત્યારે જ થઈ શકે છે જો ઉધાર લેનાર બેન્કને તમારું નામ દૂર કરવા કહે અને એક નવો ગેરન્ટર તમારી જગ્યાએ ઊભા રહેવા તૈયાર હોય. વધુમાં કેટલાક કિસ્સાઓમાં તમે કાનૂની સલાહ લઈ શકો છો અને ચોક્કસ પરિસ્થિતિઓના આધારે ગેરન્ટરમાંથી તમારું નામ દૂર કરી શકો છો.
કોઈ પણ વ્યક્તિ માટે લોન ગેરન્ટર બનતા પહેલા તમારે ઘણી વખત વિચાર કરવો જોઈએ. જો તમે લોન ગેરન્ટર બનવાનું નક્કી કર્યું હોય તો તમારે વ્યક્તિની નાણાકીય પરિસ્થિતિથી વાકેફ હોવું જોઈએ. વધુમા જો તમે લોનની સંપૂર્ણ જવાબદારી સ્વીકારવા તૈયાર હોવ તો જ તમારે ગેરન્ટર બનવું જોઈએ.
Before You Go
Ahmedabad Accident: અમદાવાદમાં રફ્તારનો કહેર! બેફામ કારચાલકનો વીડિયો વાયરલ
ટોપ સ્ટોરી
ટ્રેન્ડિંગ સમાચાર
