Corona Vaccine: કોરોનાની સારવારમાં 94 ટકા અસરકારક સાબિત થઈ આ રસી, ઉપયોગ માટે કરશે અરજી

કંપનીએ એવો પણ દાવો કર્યો કે કોરોનાના ગંભીર દર્દીઓ પર તેમની વેક્સિન 100 ટકા અસરકારક સાબિત થઈ છે.

વોશિંગ્ટનઃ સમગ્ર વિશ્વમાં કોરોનાનો કહેર જોવા મળી રહ્યો છે અને હજારો લોકોને કોરોના કાળ બનીને ભરખી ગયો છે. આ સ્થિતિમાં તમામ દેશ કોરોના વેક્સિનની રાહ જોઈ રહ્યા છે. અમેરિકાની ફાર્મા કંપની મોર્ડનાએ સોમવારે જાહેરાત કરી કે, તેમની વેક્સીન 94.1 ટકા અસરકારક છે. કંપનીએ એવો પણ દાવો કર્યો કે કોરોનાના ગંભીર દર્દીઓ પર તેમની વેક્સિન 100 ટકા અસરકારક સાબિત થઈ છે. કંપનીએ આ ઉપલબ્ધિ હાંસલ કર્યા બાદ વધુ એક પગલું ભર્યું છે.  મોર્ડના ફાર્માએ કોરોના વેક્સિનના ઇમરજન્સી ઉપયોગ માટે યુએસએફડીએ અને યૂરોપીન મેડિસન એજન્સી અમેરિકા માટે 20 મિલિયન ડોઝ તૈયાર કરવાનું આયોજન છે.