સિવિલમાંથી રાજીનામું આપનાર તબીબો ભાજપમાં જોડાયા, CM ભુપેન્દ્ર પટેલે ડોક્ટરોનો ઋણ સ્વિકાર કર્યો
ગુજરાત વિધાનસભાની ચૂંટણી પહેલા તમામ પાર્ટીઓ એડીચોટીનું જોર લગાવી રહી છે. આ દરમિયાન પક્ષ પલટાની પણ મોસમ ચાલી રહી છે. તો હવે આ કડીમાં અમદાવાદ સિવિલમાંથી રાજીનામા આપનાર તબીબો ભાજપમાં જોડાયા છે.
ગાંધીનગર: ગુજરાત વિધાનસભાની ચૂંટણી પહેલા તમામ પાર્ટીઓ એડીચોટીનું જોર લગાવી રહી છે. આ દરમિયાન પક્ષ પલટાની પણ મોસમ ચાલી રહી છે. તો હવે આ કડીમાં અમદાવાદ સિવિલમાંથી રાજીનામા આપનાર તબીબો ભાજપમાં જોડાયા છે. જેમા પૂર્વ સુપરિટેન્ડેન્ટ, પૂર્વ ડીન સહિત તબીબોનો સમાવેશ થાય છે. પૂર્વ સુપરિટેન્ડેન્ટ ડૉ.જે.વી.મોદી, બિ.જે.મેડિકલના પૂર્વ ડીન ડૉ.પ્રણય શાહ, પૂર્વ સુપરિટેન્ડેન્ટ અને ઓએસડી ડૉ.પ્રભાકર ભાજપમાં જોડાયા છે. 500 જેટલા તબીબો આજ ભાજપમાં જોડાયા છે. ગાંધીનગર કમલમ ખાતે તમામ ડોક્ટરો ભાજપમાં જોડાયા છે. આ દરમિયાન પ્રદેશ પ્રમુખ સીઆર પાટીલ અને મુખ્યમંત્રી ભુપેન્દ્ર પણ હાજર રહ્યા હતા.
LIVE: પ્રદેશ અધ્યક્ષ શ્રી @CRPaatil ની અધ્યક્ષતામાં અને મુખ્યમંત્રી શ્રી @Bhupendrapbjp ની વિશેષ ઉપસ્થિતિમાં તબીબોનું ભારતીય જનતા પાર્ટીમાં સ્વાગત... | સ્થળ: પ્રદેશ કાર્યાલય 'શ્રી કમલમ્' https://t.co/AhksdcjgCx
— BJP Gujarat (@BJP4Gujarat) May 8, 2022
તબીબોનો રૂણ સ્વીકાર
તો બીજી તરફ કોરોના મહામારીમાં લોકો માટે દેવદુત બનીને અને પોતાના જાનના જોખમે કોરોના વોરિયર્સ તરીકે સેવા કરનાર તબીબી જગતના ડોકટર્સને મુખ્યમંત્રી ભૂપેન્દ્ર પટેલે પોતાના ગાંધીનગર નિવાસ સ્થાને આમંત્રિત કરી તબીબોનો રૂણ સ્વીકાર કર્યો હતો. મુખ્યમંત્રીએ આહવાથી અંબાજી, દ્વારકાથી શામળાજી, દેવગઢ બારિયાથી દિયોદર એમ ગુજરાતના ખૂણે ખૂણેથી આવેલા 3 હજારથી વધુ ડોક્ટર્સની સમગ્ર સમાજને સ્વસ્થ રાખવાની અમૂલ્ય સેવાઓને બિરદાવી હતી.
ગુજરાત મેડિકલ સર્કલ દ્વારા આ કાર્યક્રમનું આયોજન કરવામાં આવ્યું હતું
મુખ્યમંત્રીએ આ અવસરે રાજ્યના ૩૫ જેટલા વરિષ્ઠ- સિનીયર ડોક્ટર્સ, જેઓ વિવિધ પદ પર સેવાઓ આપીને નિવૃત થયેલા છે તેમનું શાલ ઓઢાડી સન્માન કર્યું હતું. રાજ્યભરમાંથી ઉમટેલા આ ડોક્ટર્સ મિત્રોએ પોતપોતાના વિસ્તારોની પ્રખ્યાત હસ્ત કલાકારીગીરી, ચીજવસ્તુઓ, તૈલચિત્રો, ફોટોફ્રેમ અને અન્ય સ્મૃતિ ચિન્હો મુખ્યમંત્રીને ભાવપૂર્વક અર્પણ કરી તેમનું સન્માન કર્યું હતું. સીએમ ભૂપેન્દ્ર પટેલે આ તબીબો સાથે સહજ સંવાદ સાધતાં કહ્યું હતુ કે, સામાન્યમાં સામાન્ય માનવી, છેવાડાના ગરીબને આરોગ્ય સેવા સહિતની સેવાઓ સરળતા અને કોઈ તકલીફ વિના મળે તેવા ઉદ્દાત ભાવથી રાજ્ય સરકાર કાર્યરત છે. ગુજરાત મેડિકલ સર્કલ દ્વારા આ કાર્યક્રમનું આયોજન કરવામાં આવ્યું હતું.
ટ્રેન્ડિંગ સમાચાર
ટોપ સ્ટોરી
