CM ભૂપેન્દ્ર પટેલે પંચદેવ મંદિરે દર્શન કર્યા, PM મોદીએ પાઠવ્યા નવા વર્ષના અભિનંદન

આજથી વિક્રમ સંવત 2083ના નૂતન વર્ષનો પ્રારંભ થયો છે. નવા વર્ષના પાવન અવસરે ગુજરાતના મુખ્યમંત્રી ભૂપેન્દ્ર પટેલે ગાંધીનગર સ્થિત પંચદેવ મંદિરે પહોંચીને ભગવાનનાં દર્શન કરી વિધિવત પૂજા-અર્ચના કરી હતી.

આજથી વિક્રમ સંવત 2083ના નૂતન વર્ષનો પ્રારંભ થયો છે

Source : Photo: X

Show Quick Read

Key points generated by AI, verified by newsroom

• મુખ્યમંત્રી પટેલે નૂતન વર્ષે પંચદેવ મંદિરે પૂજા કરી પ્રારંભ કર્યો.
• મુખ્યમંત્રીએ નાગરિકો માટે સુખ, શાંતિ, સમૃદ્ધિની પ્રાર્થના કરી.
• તેમણે 'વિકસિત-નશામુક્ત ગુજરાત' નિર્માણ માટે યોગદાન આપવા આહ્વાન કર્યું.
• વડાપ્રધાન મોદીએ પણ સૌને નવા વર્ષની શુભકામનાઓ પાઠવી.

આજથી વિક્રમ સંવત 2083ના નૂતન વર્ષનો પ્રારંભ થયો છે. નવા વર્ષના પાવન અવસરે ગુજરાતના મુખ્યમંત્રી ભૂપેન્દ્ર પટેલે ગાંધીનગર સ્થિત પંચદેવ મંદિરે પહોંચીને ભગવાનનાં દર્શન કરી વિધિવત પૂજા-અર્ચના કરી હતી. આ સાથે જ તેમણે નવા વર્ષની શરૂઆત કરી હતી. આ પ્રસંગે મુખ્યમંત્રીએ નાગરિકોને શુભેચ્છાઓ પાઠવી હતી અને રાજ્યના નાગરિકોના સુખ, શાંતિ, સમૃદ્ધિ અને ઉત્તમ સ્વાસ્થ્ય માટે પ્રાર્થના કરી હતી.

ગાંધીનગરના પંચદેવ મંદિરે દર્શન કરીને મુખ્યમંત્રીએ નવા વર્ષની કરી શરૂઆત

ગુજરાતના મુખ્યમંત્રી ભૂપેન્દ્ર પટેલે નૂતન વર્ષના શુભ અવસરે ગાંધીનગર સ્થિત પંચદેવ મંદિરે પહોંચીને ભગવાનના દર્શન અને વિધિવત પૂજા-અર્ચના કરીને નવા વર્ષનો પ્રારંભ કર્યો હતો. આ પાવન પ્રસંગે મંદિરે દર્શન કર્યા બાદ તેઓ અડાલજ સ્થિત ત્રિમંદિર ખાતે પણ જશે અને ત્યાં પણ પૂજા-અર્ચના કરી રાજ્યની સુખ-શાંતિ માટે પ્રાર્થના કરશે. નૂતન વર્ષની શરૂઆતમાં મુખ્યમંત્રીએ રાજ્યના તમામ નાગરિકોને નવા વર્ષની સાદર શુભકામનાઓ પાઠવતાં સૌનું સ્વાસ્થ્ય ઉત્તમ રહે તેમજ સૌના જીવનમાં સુખ, શાંતિ અને સમૃદ્ધિ આવે તેવી કામના કરી હતી. આ સાથે જ તેમણે વડાપ્રધાન નરેન્દ્ર મોદીના 'વિકસિત ભારત' અને 'નશામુક્ત ભારત'ના સંકલ્પને બળ આપતાં આહ્વાન કર્યું હતું કે, આપણે સૌ પણ 'વિકસિત ગુજરાત' અને 'નશામુક્ત ગુજરાત'ના દ્રઢ સંકલ્પ સાથે આગળ વધીએ અને રાજ્યને નવી ઊંચાઈઓ પર લઈ જવામાં પોતાનું યોગદાન આપીએ.

નૂતન વર્ષાભિનંદન…!!! નવા વર્ષનો આ પાવન પ્રારંભ આપ સૌના જીવનમાં સુખ, શાંતિ, સમૃદ્ધિ અને સુખાકારીની નવી આશાઓ લઈને આવે. સૌનું જીવન ઉત્તમ આરોગ્ય, ઉમંગ અને ઉત્સાહથી છલકાતું રહે, એવી હૃદયપૂર્વક શુભકામનાઓ!

— Narendra Modi (@narendramodi) November 10, 2026

નૂતન વર્ષની ખૂબ ખૂબ શુભકામનાઓ..

— Bhupendra Patel (@Bhupendrapbjp) November 10, 2026

વડાપ્રધાન નરેન્દ્ર મોદીએ પણ પાઠવી નૂતન વર્ષની શુભેચ્છાઓ

વડાપ્રધાન નરેન્દ્ર મોદીએ પણ ગુજરાત સહિત દેશવાસીઓને નવા વર્ષની શુભેચ્છાઓ પાઠવી હતી. તેમણે સૌના જીવનમાં સુખ, શાંતિ અને સમૃદ્ધિ આવે તેવી શુભકામનાઓ વ્યક્ત કરી હતી. નવું વર્ષ દરેક માટે સુખાકારી અને નવી આશાઓ લઈને આવે તેવી પ્રાર્થના પણ તેમણે કરી હતી. વડાપ્રધાને કહ્યું કે સુખ, શાંતિ, સમૃદ્ધિ માટે પ્રાર્થના કરી છે. નવું વર્ષ તમામ માટે સુખાકારીની નવી આશાઓ લઈને આવે.

વિક્રમ સંવત ૨૦૮૩ના નૂતન વર્ષના પ્રારંભે ગાંધીનગર સ્થિત પંચદેવ મંદિરે દર્શન-પૂજન કરી રાજ્યના સૌ નાગરિકોના સુખ, સમૃદ્ધિ અને ઉત્તમ સ્વાસ્થ્ય માટે પ્રાર્થના કરી. આ અવસરે ઉપસ્થિત શ્રદ્ધાળુઓનું અભિવાદન ઝીલી સૌને નવા વર્ષની શુભકામનાઓ પાઠવી. ​આદરણીય વડાપ્રધાન શ્રી @narendramodi જીના ‘વિકસિત ભારત’ અને ‘નશામુક્ત ભારત’ના સંકલ્પને સાકાર કરવા ‘વિકસિત ગુજરાત’ અને ‘નશામુક્ત ગુજરાત’ના નિર્માણ માટે નૂતન વર્ષે સૌ સાથે મળીને સંકલ્પ કરીએ. 

— Bhupendra Patel (@Bhupendrapbjp) November 10, 2026