આખરે એક હિન્દુ યુવતીએ મસ્જિદમાં નમાઝ અદા કરવા માટે કેમ માંગી સુરક્ષા, જાણો શું છે મામલો

પિરાન કલિયાર મસ્જિદમાં એક હિન્દુ યુવતી શા માટે નમાજ અદા કરવા ઇચ્છે છે? કોર્ટ પાસે માંગી સુરક્ષા, જાણો શું છે મામલે

પ્રતીકાત્મક તસવીર

Hindu Girls Offers Namaz:પિરાન કલિયાર મસ્જિદમાં એક હિન્દુ યુવતી શા માટે નમાજ અદા કરવા ઇચ્છે છે? કોર્ટ પાસે માંગી સુરક્ષા, જાણો શું છે મામલે

ઉત્તરાખંડ હાઈકોર્ટે હરિદ્વાર પોલીસને આદેશ આપ્યો છે કે, તે હરિદ્વારની પીરાન કાલિયાર મસ્જિદમાં નમાઝ અદા કરવા માંગે છે, જેના માટે પોલીસે તેની સુરક્ષા સુનિશ્ચિત કરવા માટે કામ કરવું જોઈએ.

ઉત્તરાખંડ હાઈકોર્ટે ગુરુવારે (11 મે) એક 22 વર્ષની યુવતીને મસ્જિદમાં નમાઝ અદા કરવા માટે પોલીસ સુરક્ષા પ્રદાન કરવાનો આદેશ આપ્યો હતો. 22 વર્ષની એક હિન્દુ યુવતીએ ઉત્તરાખંડ હાઈકોર્ટમાં અરજી કરી મસ્જિદમાં નમાજ પઢવા માટે સુરક્ષાની માંગ કરી હતી.

તેણે કહ્યું કે, તેને ઘણા હિંદુ સંગઠનો તરફથી ધમકીઓ મળી રહી છે કે જો તે મસ્જિદમાં નમાજ અદા કરશે તો  તેને નુકસાન પહોંચાડીશું. આવી સ્થિતિમાં ઉત્તરાખંડની નૈનીતાલ બેંચે તેને ગુરુવારે કોર્ટમાં હાજર થવાનો આદેશ આપ્યો અને પૂછ્યું કે, તે હિંદુ હોવા છતાં મસ્જિદમાં નમાઝ શા માટે અદા કરવા માંગે છે?

યુવતીએ જણાવ્યું નમાજ અદા કરાવવાનું કારણ

છેલ્લા બે વર્ષથી અન્ય ધાર્મિક સમુદાયના 35 વર્ષીય વ્યક્તિ સાથે રહેતી યુવતીએ કોર્ટને તેના જવાબમાં જણાવ્યું હતું કે, તે ન તે ઇસ્લામ ઘર્મનો અંગીકાર કરવા ઇચ્છે છે કે ન તો  તેણે કોઇ મુસ્લીમ સાથે લગ્ન કર્યો છે. તેમણે કોર્ટને સ્પષ્ટ કહ્યું કે, તે  કાલીયાર મસ્જિદની જગ્યા તેને ખૂબ જ પસંદ છે અન તેથી તે ત્યાં નમાજ અદા કરવા ઇચ્છે છે.

કોર્ટ બિડ - પોલીસને રક્ષણ માટે અરજી આપો

ધ ટાઈમ્સ ઓફ ઈન્ડિયા સાથેની વાતચીત દરમિયાન અરજદારના વકીલ શીતલ સેલવાલે કહ્યું કે તેણે જસ્ટિસ મનોજ કુમાર તિવારી અને પંકજ પુરોહિતની ડિવિઝન બેંચ સમક્ષ આ અરજી દાખલ કરી છે. સેલવાલે કહ્યું કે, કોર્ટે મારા અસીલને પીરાન કાલિયારના એસએચઓને પોલીસ પ્રોટેક્શન માટે અરજી આપવાનો આદેશ આપ્યો અને આ મામલાની વધુ સુનાવણી 22 મેના રોજ રાખી છે.

સેલવાલે જણાવ્યું કે, હરિદ્વાર સ્થિત પિરાન કાલિયાર દરગાહ એક એવી જગ્યા છે જ્યાં સામાન્ય રીતે વિવિધ ધર્મના લોકો આધ્યાત્મિક શાંતિ અને પ્રાર્થના માટે પહોંચે છે. અને જે મસ્જિદમાં તે છોકરી નમાઝ પઢવા માંગે છે તે પણ ત્યાં જ રહે છે.