અંબાલાલ પટેલની આગાહી: આજથી આ જિલ્લામાં ઘટશે વરસાદ, 13-14 જુલાઈએ ફરી આ વિસ્તારમાં વરસશે વરસાદ
Ambalal Patel;s Forecast: ગુજરાતમાં છેલ્લા કેટલાક દિવસોથી પડેલા ભારે વરસાદ બાદ હવે વરસાદનું જોર ઘટવાની શક્યતા છે. હવામાન નિષ્ણાત અંબાલાલ પટેલે આગાહી કરતા જણાવ્યું છે કે, આજથી રાજ્યમાં વરસાદની તીવ્રતામાં ઘટાડો થશે.
Ambalal Patel;s Forecast: ગુજરાતમાં સતત વરસી રહેલા વરસાદ વચ્ચે હવામાન નિષ્ણાત અંબાલાલ પટેલે આગામી દિવસોની નવી આગાહી જાહેર કરી છે. તેમના જણાવ્યા મુજબ આજથી રાજ્યમાં વરસાદનું જોર ધીમે ધીમે ઘટશે, જોકે કેટલાક જિલ્લાઓમાં વરસાદી પ્રવૃત્તિ યથાવત રહેવાની સંભાવના છે. ઉપરાંત જુલાઈના મધ્યભાગમાં બંગાળની ખાડીમાં નવી સિસ્ટમ સક્રિય થતાં ફરી વરસાદી માહોલ સર્જાઈ શકે છે.
અંબાલાલ પટેલના જણાવ્યા અનુસાર દાહોદ, પંચમહાલ, ગોધરા, છોટાઉદેપુર, બનાસકાંઠા, સાબરકાંઠા અને અરવલ્લી જિલ્લામાં આગામી દિવસોમાં વરસાદ પડી શકે છે. આ વિસ્તારોમાં હળવાથી મધ્યમ વરસાદ સાથે ક્યાંક ભારે ઝાપટાં પણ નોંધાઈ શકે છે. તેમણે વધુમાં જણાવ્યું કે 13 અથવા 14 જુલાઈની આસપાસ બંગાળની ખાડીમાં એક નવી હવામાન સિસ્ટમ બનવાની શક્યતા છે. આ સિસ્ટમ સક્રિય બન્યા બાદ તેની અસર દેશના વિવિધ ભાગો સાથે ગુજરાતમાં પણ જોવા મળી શકે છે.
અંબાલાલ પટેલના અનુમાન પ્રમાણે 17થી 20 જુલાઈ દરમિયાન રાજ્યના વિવિધ વિસ્તારોમાં ફરી વરસાદનું જોર વધી શકે છે. ઉપરાંત 27 જુલાઈ બાદ પણ વરસાદની વધુ એક શક્યતા તેમણે વ્યક્ત કરી છે. તેમણે જણાવ્યું કે, ઓગસ્ટ મહિનાના પ્રથમ સપ્તાહમાં પણ વરસાદી માહોલ સર્જાઈ શકે છે. જોકે ઓગસ્ટ અને સપ્ટેમ્બર દરમિયાન અલનીનો (El Niño) ની અસર હવામાન પર જોવા મળી શકે છે, જેના કારણે વરસાદના વિતરણમાં ફેરફાર થઈ શકે છે.
આ ઉપરાંત સપ્ટેમ્બર અને ઓક્ટોબર દરમિયાન જો હવાના હળવા દબાણની સિસ્ટમો સર્જાશે તો રાજ્યમાં મોડો વરસાદ પણ નોંધાઈ શકે છે.હવામાનમાં સતત બદલાવને ધ્યાનમાં રાખીને ખેડૂતો, મુસાફરો અને સામાન્ય નાગરિકોને આગામી દિવસોમાં સત્તાવાર હવામાન અપડેટ પર નજર રાખવાની સલાહ આપવામાં આવી છે.
આ પણ વાંચો: Train Cancelled: દક્ષિણ ગુજરાતમાં ભારે વરસાદથી રેલ સેવાને અસર, અનેક ટ્રેનો કરાઈ રદ, જુઓ યાદી
હવામાન વિભાગ આગાહી
ગુજરાતમાં ભારે વરસાદનો વધુ એક રાઉન્ડ ચાલુ રહેવાની શક્યતા વચ્ચે હવામાન વિભાગે રાજ્ય માટે નવી આગાહી જાહેર કરી છે. વિભાગના જણાવ્યા મુજબ આગામી 24 કલાક દરમિયાન રાજ્યના અનેક વિસ્તારોમાં ભારેથી અતિભારે વરસાદ પડી શકે છે. ગાજવીજ, વીજળીના ચમકારા અને તેજ પવન સાથે વરસાદની પણ સંભાવના વ્યક્ત કરવામાં આવી છે.હવામાન વિભાગના જણાવ્યા અનુસાર ગુજરાત રીજનમાં આજે અનેક સ્થળોએ ભારે વરસાદની શક્યતા છે, જ્યારે કેટલાક વિસ્તારોમાં અતિભારે વરસાદ પણ નોંધાઈ શકે છે. સૌરાષ્ટ્ર અને કચ્છના કેટલાક ભાગોમાં પણ ભારે વરસાદની આગાહી કરવામાં આવી છે.
Before You Go
Gujarat Weather update: ખેડૂતો માટે રાહતના સમાચાર! ગુજરાતમાં 11થી 13 સપ્ટેમ્બર ભારે વરસાદની આગાહી
ટોપ સ્ટોરી
ટ્રેન્ડિંગ સમાચાર
