સૌરાષ્ટ્રમાં આ 95 વર્ષનાં દાદીમાએ સરપંચની ચૂંટણી જીતીને રચ્યો ઈતિહાસ, કેટલા મતે થઈ જીત?
સુરેન્દ્રનગર જિલ્લામાં ધ્રાંગધ્રા તાલુકાના પીપળા ગામના સભ્ય પદે ગોમતીબેન નથુભાઈ ચાવડા જેઓ ની ઉંમર 95 વર્ષની હોવા છતાં પંચાયતની સરપંચની ચૂંટણીમાં ઉમેદવારી નોંધાવી હતી.
સુરેન્દ્રનગરઃ ગુજરાતમાં સાડા આઠ હજાર કરતાં વધારે ગ્રામ પંયાચતોમાં સરપંચ તથા અન્ય હોદ્દેદારો ચૂંટવા માટે રવિવારે મતદાન થયું હતું. સુરેન્દ્રનગર જિલ્લામાં ધ્રાંગધ્રા તાલુકાના પીપળા ગામના સભ્ય પદે ગોમતીબેન નથુભાઈ ચાવડા જેઓ ની ઉંમર 95 વર્ષની હોવા છતાં પંચાયતની સરપંચની ચૂંટણીમાં ઉમેદવારી નોંધાવી હતી.
ગોમતીબેન મત ગણતરીના દિવસે પીપળા ગામના સરપંચ પદ ઉપર વિજેતા થયા હતા. ગોમતીબેનને 50 મતે વિજેતા ડિકલેર કરવામાં આવ્યા હતા. આ ઉંમરે ગોમતીબેન ઉમેદવારી નોંધાવીને વિજેતા બનતા લોકો ગોમતીબેનને મળવા ઉમટી પડ્યા હતા.
ગુજરાતમાં ગ્રામ પંચાયતોની ચૂંટણીમાં બે ગામ એવાં હતાં કે જ્યાં સાસુ અન વહુ વચ્ચે સામસામો જંગ હતો. આ પૈકી ઉનાના દેલવાડા ગામે સાસુ વહુ વચ્ચે ચૂંટણી જંગમાં વહુની જીત થઈ છે. સાસુ સામે વહુ 1177 મતે જીતી જતા સરપંચ બન્યાં છે.
સાસુ અને વહુનો બીજો જંગ બનાસકાંઠા જિલ્લાના દાંતા તાલુકાના કાંસા ગામ હતો. કાંસામાં સાસુ અને વહુની લડાઈમાં ત્રીજાં મહિલા ઉમેદવાર ફાવી ગયાં છે. સાસુ અને વહુ બંનેની હાર થઈ છે. કાંસામાં સરપંચ પદ માટે સાસુ વહુ આમને સામને હતાં પણ બંને હારી ગયાં હતાં જ્યારે ત્રીજાં ઉમેદવાર કેળીબેન લોરનો 242 મતથી વિજય થયો હતો. સાસુ અને વહુ બંનેની હાર થતાં પરિવારમાં સોપો પડી ગયો હતો.
ઉનાનાન દેલવાડા ગામે પૂજાબેન વિજયભાઈ બમ્ભનિયા અને તેમનાં સાસુ જીવીબેન બામ્ભનિયા આમને સામને આવી ગયાં હતાં. આ ચૂંટણીમાં વહુ પૂજાબેનની પેનલે સાસુની પેનલનો સફાયો કરી નાંખ્યો હતો. ગામના કુલ 16 વોર્ડની ગણતરી હાથ ધરાઈ તેમાં તમામ વોર્ડ પૂજાબેન એટલે કે વહુની પેનલે કબ્જે કર્યા હતા જ્યારે સાસુ જીવીબેનનું ખાતું નહોતું ખૂલ્યું.
કાંસા ગામમાં એક જ ફળિયામાં એક જ છત નીચે રહેતાંસાસુ મૂગળીબેન ગમાર અને વહુ કોકિલાબેન સરપંચ પદની ચૂંટણીમાં સામસામે હતાં. વહુનો આક્ષેપ હતો કે, સાસુએ તેની સાથે દગો કર્યો હોવાથી પોતે ચૂંટણીમાં ઝંપલાવવું પડ્યું છે. વહુ કોકિલાબેન ગમાર સામે આવી જતાં છેલ્લી ત્રણ ટર્મથી કાસા ગામના સરપંચ પદે ચૂંટાતાં સાસુ મૂગળીબેન હારી ગયાં છે.
ટોપ સ્ટોરી
ટ્રેન્ડિંગ સમાચાર
