Gujarat Rain: સાંજે 7 વાગ્યા સુધી રાજ્યના 23 જિલ્લાઓમાં વરસશે ધોધમાર વરસાદ, જાણો લેટેસ્ટ અપડેટ
રાજ્યમાં આગામી બે કલાક દરમિયાન હળવાથી મધ્યમ વરસાદી ઝાપટાં પડવાની શક્યતાને પગલે હવામાન વિભાગે અનેક જિલ્લાઓ માટે યલો એલર્ટ જાહેર કર્યું છે.
- આગામી કલાકોમાં રાજ્યના અનેક જિલ્લાઓમાં હળવા વરસાદી ઝાપટાં.
- દક્ષિણ, મધ્ય, ઉત્તર ગુજરાત તેમજ સૌરાષ્ટ્રમાં યલો એલર્ટ.
- બંગાળના લો પ્રેશરથી સાત દિવસ ધોધમાર વરસાદની આગાહી.
Gujarat rain: રાજ્યમાં આગામી બે કલાક દરમિયાન હળવાથી મધ્યમ વરસાદી ઝાપટાં પડવાની શક્યતાને પગલે હવામાન વિભાગે અનેક જિલ્લાઓ માટે યલો એલર્ટ જાહેર કર્યું છે. દક્ષિણ ગુજરાત, મધ્ય ગુજરાત, ઉત્તર ગુજરાત તેમજ સૌરાષ્ટ્રના કેટલાક વિસ્તારોમાં સાંજે 7 વાગ્યા સુધી વરસાદી માહોલ યથાવત રહેવાની આગાહી કરવામાં આવી છે. દક્ષિણ ગુજરાતના સુરત, તાપી, નવસારી, ડાંગ અને વલસાડ જિલ્લામાં હળવા વરસાદની શક્યતાને ધ્યાનમાં રાખીને યલો એલર્ટ જાહેર કરવામાં આવ્યું છે.
23 જિલ્લામાં વરસાદની સંભાવના
હવામાન વિભાગના અનુમાન મુજબ સાંજે 7 વાગ્યા સુધી રાજ્યના કુલ 23 જિલ્લામાં હળવો વરસાદ અથવા વરસાદી ઝાપટાં પડી શકે છે. કેટલાક વિસ્તારોમાં ગાજવીજ સાથે વરસાદ પણ નોંધાઈ શકે છે. દક્ષિણ ગુજરાતના સુરત, તાપી, નવસારી, ડાંગ અને વલસાડ જિલ્લામાં હળવા વરસાદની શક્યતાને ધ્યાનમાં રાખીને યલો એલર્ટ જાહેર કરવામાં આવ્યું છે. ઉપરાંત ભરૂચ અને નર્મદા જિલ્લામાં પણ વરસાદી માહોલ રહેવાની સંભાવના છે.
મધ્ય અને પૂર્વ ગુજરાતમાં વરસાદની આગાહી
મધ્ય અને પૂર્વ ગુજરાતના વડોદરા, છોટાઉદેપુર, અરવલ્લી, મહિસાગર, દાહોદ, પંચમહાલ, ખેડા અને આણંદ જિલ્લામાં પણ હળવાથી મધ્યમ વરસાદની આગાહી કરવામાં આવી છે. સ્થાનિક વિસ્તારોમાં વરસાદી ઝાપટાં પડવાની શક્યતા વ્યક્ત કરવામાં આવી છે.
ઉત્તર ગુજરાત અને સૌરાષ્ટ્રમાં પણ વરસાદી માહોલ
ઉત્તર ગુજરાતના બનાસકાંઠા, મહેસાણા, ગાંધીનગર અને સાબરકાંઠા જિલ્લામાં હળવા વરસાદનું અનુમાન છે. જ્યારે સૌરાષ્ટ્રના ભાવનગર, બોટાદ અને સુરેન્દ્રનગર સહિત દરિયાકાંઠાના કેટલાક વિસ્તારોમાં પણ વરસાદી ઝાપટાં પડી શકે છે. અમદાવાદ જિલ્લામાં પણ યલો એલર્ટ જાહેર કરવામાં આવ્યું છે.
દમણ અને દાદરા નગર હવેલીમાં પણ વરસાદની શક્યતા
સંઘ પ્રદેશ દમણ તેમજ દાદરા અને નગર હવેલીમાં પણ આગામી કલાકોમાં હળવા વરસાદની આગાહી કરવામાં આવી છે. હવામાન વિભાગે નાગરિકોને વરસાદ દરમિયાન જરૂરી સાવચેતી રાખવા તેમજ સત્તાવાર હવામાન અપડેટ પર નજર રાખવાની સલાહ આપી છે.
આગામી સાત દિવસ ગાજવીજ સાથે ધોધમાર વરસાદની આગાહી
બંગાળની ખાડીમાં સર્જાયેલા વેલમાર્ક લો પ્રેશર સિસ્ટમના કારણે ગુજરાતમાં ફરી એકવાર વરસાદી માહોલ જામે તેવી શક્યતા વ્યક્ત કરવામાં આવી છે. હવામાન વિભાગના અનુમાન મુજબ 30 જુલાઈ આસપાસ આ સિસ્ટમની અસર ગુજરાતમાં જોવા મળી શકે છે, જેના પરિણામે રાજ્યના અનેક વિસ્તારોમાં ભારેથી અતિભારે વરસાદ વરસી શકે છે.
રાજ્યના હવામાન વિભાગે આગામી સાત દિવસ ગાજવીજ સાથે ધોધમાર વરસાદની આગાહી કરી છે. આ સમય દરમિયાન રાજ્યના અનેક જિલ્લાઓમાં ભારે વરસાદ વરસી શકે છે. 30 જુલાઈ આસપાસ ગુજરાતમાં સિસ્ટમની અસર જોવા મળશે.
આગાહી અનુસાર બંગાળની ખાડીમાં બનેલી વેલમાર્ક લો પ્રેશર સિસ્ટમ પશ્ચિમ તરફ આગળ વધતા તેની અસર ગુજરાત સુધી પહોંચવાની સંભાવના છે. તેના કારણે રાજ્યમાં વરસાદની ગતિવિધિઓમાં વધારો થઈ શકે છે અને અનેક જિલ્લાઓમાં ભારે વરસાદ નોંધાઈ શકે છે.
Before You Go
Patan Politics: ભાજપ-કોંગ્રેસમાં પતિરાજની રેસ? હારીજ નગરપાલિકાની ઘટનાથી વિવાદ
ટોપ સ્ટોરી
ટ્રેન્ડિંગ સમાચાર
