ગુજરાતના 16 જિલ્લામાં માવઠાની ઘાત: જાણો આજે ક્યાં-ક્યાં પડશે કમોસમી વરસાદ?

વેસ્ટર્ન ડિસ્ટર્બન્સના કારણે સૌરાષ્ટ્ર, મધ્ય અને દક્ષિણ ગુજરાત સહિત સંઘ પ્રદેશોમાં ગાજવીજ સાથે વરસાદની શક્યતા; 8 એપ્રિલથી ફરી ગરમીનો પારો ઊંચકાશે.

gujarat unseasonal rain alert 16 districts weather change april 7 update

Source : ai

Show Quick Read

Key points generated by AI, verified by newsroom

• રાજ્યના ૧૬ જિલ્લાઓમાં ગાજવીજ સાથે કમોસમી વરસાદની આગાહી.
• સૌરાષ્ટ્ર, મધ્ય અને દક્ષિણ ગુજરાતમાં માવઠાની સંભાવના છે.
• ૭ એપ્રિલે કચ્છ, ઉત્તર અને મધ્ય ગુજરાતમાં વરસાદ પડશે.
• ૮ એપ્રિલથી તાપમાન વધતા ફરી ગરમીનો અનુભવ થશે.

ગુજરાતમાં ખેડૂતો અને સામાન્ય જનતા પર માવઠાનું સંકટ હજુ ટળવાનું નામ નથી લઈ રહ્યું. વેસ્ટર્ન ડિસ્ટર્બન્સની અસરના કારણે હવામાન વિભાગે આજે રાજ્યના 16 જેટલા જિલ્લાઓ અને સંઘ પ્રદેશોમાં કમોસમી વરસાદ ખાબકવાની આગાહી કરી છે. આજે સૌરાષ્ટ્ર, મધ્ય ગુજરાત અને દક્ષિણ ગુજરાતમાં ગાજવીજ સાથે વરસાદ પડી શકે છે. આટલું જ નહીં, આગામી 7 એપ્રિલે પણ રાજ્યના કેટલાક ભાગોમાં માવઠાનું એલર્ટ આપવામાં આવ્યું છે. જોકે, આ વરસાદી માહોલ બાદ 8 એપ્રિલથી તાપમાન વધતા ફરી એકવાર લોકોને કાળઝાળ ગરમીનો સામનો કરવો પડશે.

આજે ક્યાં-ક્યાં પડશે વરસાદ?

હવામાન વિભાગના જણાવ્યા અનુસાર, આજે રાજ્યના વિવિધ વિસ્તારોમાં છૂટાછવાયા સ્થળોએ ગાજવીજ સાથે હળવો વરસાદ પડી શકે છે.

સૌરાષ્ટ્ર: ગીર સોમનાથ, અમરેલી અને ભાવનગર જિલ્લામાં માવઠું આવી શકે છે.

મધ્ય ગુજરાત: મહીસાગર, પંચમહાલ, દાહોદ, આણંદ, વડોદરા અને છોટા ઉદેપુરમાં કમોસમી વરસાદની આગાહી છે.

દક્ષિણ ગુજરાત: ભરૂચ, નર્મદા, સુરત, તાપી, ડાંગ, નવસારી અને વલસાડ જિલ્લામાં પણ વાતાવરણ પલટાઈ શકે છે અને વરસાદ પડવાની સંભાવના છે.

આ ઉપરાંત સંઘ પ્રદેશ દીવ, દમણ અને દાદરા નગર હવેલીમાં પણ વરસાદી માહોલ જોવા મળી શકે છે.

7 એપ્રિલ માટે પણ અપાયું એલર્ટ

આગામી બે દિવસ બાદ એટલે કે 7 એપ્રિલે પણ હવામાનમાં પલટો જોવા મળશે. હવામાન વિભાગે આ દિવસે કચ્છની સાથે-સાથે સૌરાષ્ટ્રના દેવભૂમિ દ્વારકા અને જામનગરમાં માવઠાની આગાહી કરી છે. ઉત્તર ગુજરાતના બનાસકાંઠા, સાબરકાંઠા અને અરવલ્લીમાં પણ કમોસમી વરસાદ પડી શકે છે. આ ઉપરાંત પંચમહાલ, મહીસાગર, દાહોદ, છોટા ઉદેપુર, નર્મદા, તાપી અને ડાંગ જિલ્લામાં પણ ગાજવીજ સાથે હળવો વરસાદ ખાબકવાની પૂરી સંભાવના છે.

8 એપ્રિલથી ફરી ગરમીનો પ્રકોપ વધશે

જે લોકોને અત્યારે વાદળછાયા વાતાવરણથી થોડી રાહત મળી છે, તેમના માટે પણ એક અપડેટ છે. હવામાન વિભાગ મુજબ, 8 એપ્રિલ બાદ આ કમોસમી વરસાદનો દોર પૂરો થશે અને લઘુત્તમ તાપમાનમાં 2 થી 3 ડિગ્રીનો વધારો નોંધાશે. તાપમાન વધતાની સાથે જ રાજ્યમાં ફરીથી ગરમીનો પારો ઊંચકાશે અને ઉનાળાની આકરી ગરમી શરૂ થઈ જશે.

નોંધનીય છે કે, હવામાન વિભાગ દ્વારા 4 થી 8 એપ્રિલ દરમિયાન કેરળ, કર્ણાટક, તેલંગાણા, આંધ્રપ્રદેશ અને તમિલનાડુમાં વરસાદ અને ભારે પવન ફૂંકાશે. મહારાષ્ટ્ર અને આપણા ગુજરાતમાં પણ વાતાવરણમાં પલટો આવશે. તેમાં પણ 4 થી 6 એપ્રિલ સુધી તમિલનાડુ, પુડુચેરી અને કેરળમાં ભારે વરસાદની વિશેષ સંભાવના છે.

આ પણ વાંચો

જમીન-મિલકત ખરીદનારાઓ માટે ખુશખબર: રાજ્ય સરકારનો ક્રાંતિકારી નિર્ણય, હવે 30 દિવસની નોટિસમાંથી મળશે મુક્તિ!