ગુજરાતના આ જિલ્લાઓમાં મેઘરાજા તૂટી પડશે! આગામી 3 કલાક માટે ભારે વરસાદની આગાહી

બનાસકાંઠા, સાબરકાંઠા અને વડોદરા સહિતના જિલ્લાઓમાં 61 kmph સુધી પવન ફૂંકાશે, સાવધાન રહેજો.

gujarat weather forecast next 3 hours rain and thunderstorm alert update

Source : ai

Show Quick Read

Key points generated by AI, verified by newsroom

• આગામી ત્રણ કલાકમાં ગુજરાતના અનેક જિલ્લાઓમાં વરસાદની આગાહી.
• બનાસકાંઠા, દાહોદ સહિત દસ જિલ્લામાં મધ્યમ વરસાદ પડશે.
• 2 અને 3 જુલાઈએ રાજ્યભરમાં ભારે વરસાદની શક્યતા છે.
• સાવચેતીના ભાગરૂપે માછીમારોને દરિયો ન ખેડવા સૂચના અપાઈ.

gujarat rain alert: ગુજરાતમાં ફરી એકવાર મેઘરાજા મહેરબાન થવાના છે. હવામાન વિભાગે આગામી 3 કલાક માટે એટલે કે રાત્રે 7 વાગ્યાથી 10 વાગ્યા સુધી રાજ્યના અનેક જિલ્લાઓમાં વરસાદની આગાહી કરી છે. હવામાન વિભાગના લેટેસ્ટ અપડેટ મુજબ, રાજ્યના વાતાવરણમાં પલટો આવશે અને ગાજવીજ સાથે ક્યાંક મધ્યમ તો ક્યાંક હળવા વરસાદની શક્યતા છે. આ દરમિયાન પવનની ગતિને ધ્યાનમાં રાખીને નાગરિકોને સાવચેત રહેવા સૂચના આપવામાં આવી છે.

હવામાન વિભાગના જણાવ્યા અનુસાર, બનાસકાંઠા, સાબરકાંઠા, અરવલ્લી, મહીસાગર, દાહોદ, છોટા ઉદેપુર, પંચમહાલ, નર્મદા, તાપી અને વડોદરામાં ગાજવીજ સાથે મધ્યમ વરસાદ પડવાની શક્યતા છે. આ વિસ્તારોમાં પવનની ગતિ 41 થી 61 kmph સુધી પહોંચી શકે છે, જે સામાન્ય કરતા થોડી વધારે હોઈ શકે છે, તેથી ખેડૂતો અને નાગરિકોને સાવધ રહેવું.

બીજી તરફ રાજ્યના અન્ય વિસ્તારોમાં પણ મેઘરાજાની હાજરી જોવા મળશે. જેમાં પાટણ, મહેસાણા, ગાંધીનગર, ખેડા, અમદાવાદ, આણંદ, ભરૂચ, સુરત, ડાંગ, નવસારી, વલસાડ, દમણ, દાદરા અને નગર હવેલી, સુરેન્દ્રનગર, કચ્છ, મોરબી, બોટાદ, ભાવનગર, અમરેલી, રાજકોટ, જામનગર, ગીર સોમનાથ અને દીવમાં હળવા વરસાદની આગાહી કરવામાં આવી છે. આ વિસ્તારોમાં પવનની ગતિ 40 kmph ની આસપાસ રહી શકે છે. હવામાનની આ સ્થિતિ આગામી 3 કલાક સુધી રહેશે, ત્યારબાદ હવામાનમાં સ્થિરતા આવવાની સંભાવના છે.

આ પણ વાંચોઃ આવતીકાલનું હવામાન: 16 રાજ્યોમાં વાવાઝોડા અને ભારે વરસાદનું એલર્ટ, 80 કિમીની ઝડપે ફૂંકાશે પવન

હવામાન વિભાગે (IMD) જણાવ્યું છે કે, છેલ્લા થોડા સમયથી દક્ષિણ ગુજરાતમાં (South Gujarat Rain Alert) મેઘરાજાએ જાણે વિરામ લીધો હતો અને ચોમાસાની ગતિ ધીમી પડી હતી. પરંતુ હવે ખેડૂતો અને સામાન્ય લોકોએ નિરાશ થવાની જરૂર નથી, કારણ કે આગામી દિવસોમાં વરસાદ ફરી એકવાર ધમાકેદાર બેટિંગ કરવા માટે તૈયાર છે.

આવતીકાલના હવામાન પર નજર કરીએ તો, સૌરાષ્ટ્ર વિસ્તારમાં ગીર સોમનાથ, અમરેલી અને ભાવનગરમાં હળવો વરસાદ વરસી શકે છે. સાથે જ દાહોદ અને છોટાઉદેપુર, જ્યારે દક્ષિણ ગુજરાતમાં નર્મદા, સુરત, તાપી, નવસારી, ડાંગ અને વલસાડમાં પણ વરસાદની સંભાવના છે. દીવ, દમણ અને દાદરાનગર હવેલીમાં પણ છૂટોછવાયો વરસાદ વરસી શકે છે.

ખાસ કરીને 2 અને 3 જુલાઈએ દક્ષિણ ગુજરાત સહિત રાજ્યભરમાં ભારે વરસાદની પૂરેપૂરી સંભાવના છે. આ દિવસો દરમિયાન દરિયાકિનારાના વિસ્તારોમાં 40 થી 60 કિલોમીટર પ્રતિ કલાકની સ્પીડે તોફાની પવન ફૂંકાઈ શકે છે. પવન અને ભારે વરસાદના ખતરાને જોતા તંત્ર એલર્ટ થઈ ગયું છે અને માછીમારોને પોતાની સુરક્ષા ખાતર દરિયામાં ન જવા અપીલ કરવામાં આવી છે.

આ પણ વાંચોઃ ગુજરાતના આ જિલ્લાઓમાં આગામી 7 દિવસ ધબધબાટી બોલાવશે મેઘરાજા; જાણો લેટેસ્ટ અપડેટ