Gir somanth Rain: ગીર સોમનાથ જિલ્લામાં કરા સાથે ધોધમાર વરસાદ, કેરીના પાકને નુકસાન
હવામાન વિભાગની વરસાદની આગાહી વચ્ચે આ ગીર સોમનાથ જિલ્લામાં વરસાદ વરસ્યો છે. કોડીનાર પંથકમાં વરસાદ વરસ્યો હતો.
- ગીર સોમનાથમાં કોડીનાર પંથકમાં ભારે પવન સાથે કરા પડ્યા.
- જૂનાગઢના કેશોદ અને માળિયા પંથકમાં કમોસમી વરસાદ વરસ્યો.
- અમરેલી સહિતના વિસ્તારોમાં કેરી અને તૈયાર પાકને નુકસાન.
- વાવાઝોડા અને વરસાદથી ખેડૂતોના પાકને મોટા પ્રમાણમાં નુકસાન.
ગીર સોમનાથ: હવામાન વિભાગની વરસાદની આગાહી વચ્ચે આ ગીર સોમનાથ જિલ્લામાં વરસાદ વરસ્યો છે. કોડીનાર પંથકમાં વરસાદ વરસ્યો હતો. કોડીનારના આલીદર ગામે ભારે પવન સાથે કરા પડ્યા હતા. ભરઉનાળે કરા સાથે ધોધમાર વરસાદ વરસ્યો છે. કરા પડતા લોકોમાં કુતૂહલ સર્જાયું હતું. કરાના કારણે કેસર કેરીના પાકને ભારે નુકશાન થવાનો ડર છે.
કેશોદ પંથકમાં પણ આજે કમોસમી વરસાદ
જૂનાગઢના કેશોદ પંથકમાં પણ આજે કમોસમી વરસાદ વરસ્યો છે. બપોર બાદ અચાનક વાતાવરણમાં પલટો આવ્યો હતો. હળવા ઝાપટા સાથે સામાન્ય પવન સાથે વરસાદ વરસ્યો છે. ખેતરોમાં તૈયાર પાકને નુકશાનની ભીતિ છે. કેશોદના ગ્રામ્ય પંથકમાં ભારે પવન સાથે વરસાદ ખાબક્યો હતો.
માળિયા પંથકમાં પણ કમોસમી વરસાદ
હવામાન વિભાગે આજે જૂનાગઢ અને ગીર સોમનાથ જિલ્લામાં વરસાદની આગાહી કરી હતી. માળિયા પંથકમાં પણ કમોસમી વરસાદ વરસ્યો છે. અકાળા, કાલીંભડા, વિરડીમાં માવઠું વરસ્યું હતું. અડધોથી પોણો ઈંચ જેટલો વરસાદ ખાબક્યો છે. ખેતરોમાં તૈયાર પાકને નુકસાનની ભીતિ છે. પશુઓના ઘાસસારા પર અસર થઈ છે.
ખેડૂતોના પાકને મોટા પ્રમાણમાં નુકસાન
ગુજરાતમાં છેલ્લા ત્રણ દિવસથી વાવાઝોડા અને કમોસમી વરસાદને કારણે ખેડૂતોના પાકને મોટા પ્રમાણમાં નુકસાન થયું છે. ખાસ કરીને અમરેલી સહિતના વિસ્તારોમાં કેસર કેરી, બાગાયતી પાક અને તૈયાર પાકને ભારે નુકસાન થયું છે. પવન અને વરસાદથી આંબાના મોર ખરી પડ્યા છે. અમરેલી જિલ્લામાં ભારે પવનના કારણે અનેક વૃક્ષો ધરાશાયી થયા છે.
ગુજરાતમાં મીની વાવાઝોડા જેવી અસર
રાજ્યમાં છેલ્લા 2 દિવસથી વાતાવરણમાં પલટો આવતા ભારે પવન સાથે કચ્છ, સૌરાષ્ટ્ર, મધ્ય ગુજરાત સહિતના મોટા ભાગના વિસ્તારમાં કમોસમી વરસાદ વરસ્યો. આ દરમિયાન ગુજરાતમાં મીની વાવાઝોડા જેવી અસર જોવા મળી.
હાલમાં દેશમાં પાંચ હવામાન સિસ્ટમ એક્ટિવ છે. પરિણામે, રાજ્યમાં વરસાદ, તોફાન અને કરા પડયાં છે. હવામાન વિભાગની વધુ એક આગાહીએ ચિંતા વધારી છે. 22 માર્ચ પછી એક નવી સિસ્ટમ સક્રિય થશે. હવામાન વિભાગ અનુસાર, અપર સાયક્લોનિક સર્ક્યુલેશનના કારણે હવામાનમાં ફરી એકવાર પલટો આવશે. આગામી કેટલાક દિવસો સુધી રાજ્યમાં હવામાન આંશિક રીતે અસ્થિર રહેશે. દિવસના તાપમાનમાં વધારો થશે, અને સાંજે વાદળો ઘેરાશે અને ઘૂળ ભરી આંઘી સાથે ગાજવીજ સાથે છૂટછવાયો વરસાદ વરસી શકે છે.
Before You Go
Gujarat Government: રાજ્યના ખેડૂતો માટે સરકારનો મહત્વનો નિર્ણય
ટોપ સ્ટોરી
ટ્રેન્ડિંગ સમાચાર
