Gujarat Rain Forecast: રાજ્યમાં સાર્વત્રિક ભારે વરસાદનું એલર્ટ, અંબાલાલ પટેલે કરી આગાહી
Gujarat Rain Forecast: રાજ્યના હવામાન નિષ્ણાત અંબાલાલ પટેલે આગામી કલાકોમાં ઉત્તર ગુજરાત, મધ્ય ગુજરાત અને સૌરાષ્ટ્રના કેટલાક જિલ્લામાં ભારે વરસાદની આગાહી કરી છે. જાણીએ વધુ ડિટેલ
Gujarat Rain Forecast: ગુજરાતમાં હાલ વરસાદી માહોલ યથાવત છે અને આગામી કલાકોમાં પણ રાજ્યના અનેક વિસ્તારોમાં વરસાદનું જોર વધવાની શક્યતા છે. હવામાન નિષ્ણાત અંબાલાલ પટેલની આગાહી મુજબ આગામી 12 કલાક દરમિયાન ગુજરાત રિજ્યન અને સૌરાષ્ટ્રના કેટલાક ભાગોમાં ભારેથી અતિભારે વરસાદ પડી શકે છે. ખાસ કરીને અમદાવાદ અને ગાંધીનગરમાં ભારે વરસાદની શક્યતા વ્યક્ત કરવામાં આવી છે. બીજી તરફ મધ્ય ગુજરાત અને ઉત્તર ગુજરાતના કેટલાક વિસ્તારોમાં મધ્યમથી ભારે વરસાદ વરસી શકે છે. વરસાદની સાથે કેટલાક સ્થળોએ વીજળીના કડાકા-ભડાકા થવાની પણ સંભાવના હોવાથી લોકોને સાવચેતી રાખવાની જરૂર છે.
હવામાન વિભાગ આગાહી
આ તરફ હવામાન વિભાગે પણ વરસાદને લઈને નાઉકાસ્ટ જાહેર કરીને વિવિધ વિસ્તારો માટે એલર્ટ આપ્યા છે. સવારે 10 વાગ્યા સુધી બનાસકાંઠા, સાબરકાંઠા, પાટણ અને અરવલ્લીમાં વરસાદનું રેડ એલર્ટ જાહેર કરવામાં આવ્યું છે. જ્યારે મોરબી, સુરેન્દ્રનગર, અમદાવાદ, ગાંધીનગર, ખેડા, મહિસાગર, પંચમહાલ અને દાહોદ સહિતના વિસ્તારોમાં ઓરેન્જ એલર્ટ આપવામાં આવ્યું છે. આ વિસ્તારોમાં ભારે વરસાદની સાથે કેટલાક સ્થળોએ અતિભારે વરસાદની સ્થિતિ પણ સર્જાઈ શકે છે.
આ પણ વાંચો: Gujarat Rain: રાજ્યમાં 2 સિસ્ટમ સક્રિય, આગામી 7 દિવસ વરસાદની આગાહી, જાણો ક્યાં વરસશે
રાજ્યના અન્ય વિસ્તારોની વાત કરીએ તો જામનગર, રાજકોટ, બોટાદ, અમરેલી, ભાવનગર, દ્વારકા, પોરબંદર, જૂનાગઢ, ગીર સોમનાથ, વડોદરા અને છોટાઉદેપુર સહિતના વિસ્તારોમાં યલો એલર્ટ છે. દક્ષિણ ગુજરાતના ભરૂચ, નર્મદા, સુરત, નવસારી, વલસાડ અને ડાંગમાં પણ વરસાદનું યલો એલર્ટ આપવામાં આવ્યું છે. દીવ, દમણ અને દાદરાનગર હવેલીમાં પણ વરસાદની શક્યતા છે.
હવામાન વિભાગના જણાવ્યા અનુસાર રાજ્યમાં વરસાદી સિસ્ટમ સક્રિય હોવાને કારણે આગામી કલાકોમાં વરસાદી માહોલ યથાવત રહી શકે છે. ભારે વરસાદની શક્યતા ધરાવતા વિસ્તારોમાં નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે. ભારે પવન અને વરસાદની આગાહી હોવાથી માછીમારોને દરિયો ન ખેડવાની સૂચના અપાઇ છે.
અમદાવાદમાં ભારે વરસાદ
અમદાવાદમાં આજ સવારથી જ મેઘરાજાની સવારી આવી પહોંચતા ધોધમાર વરસાદ વરસી રહ્યો છે.અમદાવાદમાં સાઉથ બોપલ, સેલા, બોપલ, એસજી હાઇવે, પ્રહલાદ નગર, સરખેજ, સહિતના વિસ્તારમાં મેઘરાજાએ ધુવાધાર બેટિંગ શરૂ કરી છે. અમદાવાદમાં વહેલી સવારથી આકાશમાં ઘનઘોર કાળા ડિંબાગ વાદળો છવાયા છે, જેના કારણે વિઝિબિલિટી પણ ડાઉન થઇ ગઇ છે. વહેલી સવારથી ગાજવીજ સાથે અને કાળા ડિંબાગ વાદળો વચ્ચે વરસાદ તૂટી પડતાં ભાદરવે અષાઢ જેવો માહોલ સર્જાયો છે. સવારથી જ વરસાદ તૂટી પડતા અને વિઝિબિલિટી ડાઉન થતાં વાહન ચાલકોની મુશ્કેલીમાં વધારો થયો છે. સવારે કામ ધંધે નોકરીએ જતાં અને સ્કૂલ જતાં બાળકનો મુશ્કેલી પણ ભારે વરસાદના કારણે વધી છે.
Before You Go
Harsh Sanghavi: નવસારીમાં હર્ષ સંઘવીએ વાંસદા કોંગ્રેસના MLA અનંત પટેલ પર કર્યા પ્રહાર
ટોપ સ્ટોરી
ટ્રેન્ડિંગ સમાચાર
