Nagarpalika Pramukh Varni Live: રાજયની નગરપાલિકામાં પ્રમુખ-ઉપ પ્રમુખની વરણી, નામ જાહેર, જાણો અપડેટ્સ
Nagarpalika Pramukh Varni Live: હવે મંગળવારથી ચૂંટાયેલી પાંખ સત્તા સંભાળશે. રાજ્યના 34 જિલ્લા, 260 તાલુકા, 84 નગરપાલિકા અને 15 મહાનગરપાલિકાના ચૂંટણી પરિણામો 28 એપ્રિલના જાહેર થયા હતા.
LIVE
Background
Nagarpalika Pramukh Varni Live: ગુજરાતમાં સ્થાનિક સ્વરાજ્યની ચૂંટણીઓના પરિણામો જાહેર થયાના લગભગ બે સપ્તાહ જેટલો સમય વિત્યા બાદ હવે મંગળવારથી ચૂંટાયેલી પાંખ સત્તા સંભાળશે. રાજ્યના 34 જિલ્લા, 260 તાલુકા, 84 નગરપાલિકા અને 15 મહાનગરપાલિકાના ચૂંટણી પરિણામો 28 એપ્રિલના જાહેર થયા હતા. 19 મે એટલે કે આજના દિવસે પાલિકાના પ્રમુખ, કારોબારી ચેરમેન સહિતના હોદ્દેદારોના નામો જાહેર થશે અને તેઓ પદભાર સંભાળશે. શહેરી વિકાસ વિભાગે કલેકટરોને પાલિકાઓ માટે પદાધિકારીઓની ચૂંટણી પ્રક્રિયાઓ માટે સૂચના આપી દીધી છે. વિકાસ કમિશનરે જિલ્લા અને તાલુકાઓ માટે પણ સૂચનાઓ જાહેર કરી દેવામાં આવી છે. આમ આજના પાલિકા, 23થી 25મે એમ બે દિવસ 17-17 જિલ્લા પંચાયતો અને તેના તાબા હેઠળ આવતી તાલુકા પંચાયતોમાં પ્રમુખ, કારોબારી ચેરમેનની ચૂંટણી થશે. જ્યારે સૌથી અંતમાં 26થી 28મેના મનપામાં નવા મેયર, ડેપ્યુટી મેયર, સ્ટેન્ડિંગ કમિટી ચેરમેન અને પક્ષના નેતાઓના નામ જાહેર થશે. 2027 વિધાનસભા ચૂંટણી પહેલા સ્થાનિક ચૂંટણીમાં ભાજપને 33 જિલ્લા, 230 તાલુકા પંચાયત, 77 પાલિકા અને 15 મહાપાલિકામાં સત્તા મળી છે. અમદાવાદ મહાનગર સિવાયના શહેરોમાં કોંગ્રેસને માન્ય વિરોધપક્ષ તરીકે પદ મળે એટલી બેઠકો પણ મળી નથી.
Nagarpalika Pramukh Varni Live: દ્વારકાની ખંભાળિયા નપાના પ્રમુખ તરીકે વિજય કણઝારીયા
દ્વારકાની ખંભાળિયા નગરપાલિકાના પ્રમુખ તરીકે વિજય કણઝારિયા, ઉપ પ્રમુખ તરીકે આશા લુણા અને કારોબારી ચેરમેન તરીકે રાજ પાબરીની વરણી કરવામાં આવી છે.
Nagarpalika Pramukh Varni Live: ખેડાની કપડવંજ નપાના પ્રમુખ તરીકે સેજલબેન પટેલ
ખેડાની કપડવંજ નગરપાલિકાના પ્રમુખ તરીકે સેજલબેન પટેલ, ઉપ પ્રમુખ તરીકે નેહાબેન ઓઝા, કારોબારી ચેરમેન તરીકે નરેન્દ્રભાઈ પટેલ, પક્ષના નેતા તરીકે ભદ્રેશકુમાર સુતરીયા અને દંડક તરીકે જયશ્રીબેન શર્માની વરણી કરવામાં આવી છે.
ટોપ સ્ટોરી
ટ્રેન્ડિંગ સમાચાર
