Junagadh Rain: કેશોદ તાલુકામાં ભારે વરસાદ, પાણી ફરી વળતા મઘરવાડા ગામ સંપર્ક વિહોણું
ગુજરાતમાં ચોમાસાએ જોર પકડ્યું છે. આજે વહેલી સવારથી જ જુનાગઢ જિલ્લામાં ભારે વરસાદ વરસી રહ્યો છે. જુનાગઢના તાલુકાઓમાં પણ મેઘરાજા મન મૂકીને વરસી રહ્યા છે.
- જુનાગઢમાં ભારે વરસાદથી કેશોદનું મધરવાડા ગામ સંપર્ક વિહોણું બન્યું.
- ગુજરાતમાં આગામી સાત દિવસ ભારેથી અતિભારે વરસાદની આગાહી છે.
- છ સક્રિય વેધર સિસ્ટમ્સને કારણે રાજ્યમાં મેઘમહેર જોવા મળશે.
- સુરત, જુનાગઢ સહિત ઘણા જિલ્લાઓમાં અત્યંત ભારે વરસાદનું એલર્ટ.
જુનાગઢ: ગુજરાતમાં ચોમાસાએ જોર પકડ્યું છે. આજે વહેલી સવારથી જ જુનાગઢ જિલ્લામાં ભારે વરસાદ વરસી રહ્યો છે. જુનાગઢના તાલુકાઓમાં પણ મેઘરાજા મન મૂકીને વરસી રહ્યા છે. જુનાગઢ જિલ્લાના કેશોદ તાલુકામાં પણ ભારે વરસાદ વરસ્યો છે. કેશોદમાં ભારે વરસાદને કારણે મઘરવાડા ગામ સંપર્ક વિહોણું બન્યું છે. અનેક વિસ્તારોમાં પાણી ભરાવાની સ્થિતિ પણ સર્જાઈ છે. કેશોદમાં ભારે વરસાદને કારણે નદીઓ અને જળાશયોમાં નવા પાણીની આવક થઈ છે.
રસ્તાઓ પર પાણી ફરી વળતા ગામનો સંપર્ક તૂટ્યો
ભારે વરસાદને કારણે મધરવાડા ગામમાં પાણીની આવક વધી હતી. રસ્તાઓ પર પાણી ફરી વળતા ગામનો સંપર્ક તૂટ્યો છે. કેશોદમાં ભારે વરસાદને પગલે જનજીવન પર ભારે અસર પડી છે. ભારે વરસાદને પગલે લોકોને હાલાકીનો સામનો કરવો પડી રહ્યો છે. નીચાણવાળા વિસ્તારોમાં પાણી ભરાયા છે. સ્થાનિક તંત્ર પરિસ્થિતિ પર સતત નજર રાખી રહ્યું છે.
ગુજરાતમાં ભારે વરસાદની આગાહી
ગુજરાતના અનેક વિસ્તારોમાં વહેલી સવારથી જ વરસાદ વરસી રહ્યો છે. આગામી દિવસોમાં રાજ્યમાં વરસાદની તીવ્રતા વધવાની શક્યતા છે. હવામાન વિભાગે આગામી સાત દિવસ સુધી વરસાદની આગાહી કરી છે. એકસાથે અનેક વેધર સિસ્ટમ સક્રિય થતાં આગામી સાત દિવસ દરમિયાન રાજ્યમાં ભારેથી અતિભારે વરસાદ વરસી શકે છે. હવામાન વિભાગે લોકોને સાવચેત રહેવા અને બિનજરૂરી મુસાફરી ટાળવાની સલાહ આપી છે.
હવામાન વિભાગની આગાહી અનુસાર, રાજ્યમાં એકસાથે 6 સિસ્ટમ સક્રિય થતા ગુજરાતમાં વરસાદી માહોલ જામ્યો છે. ટ્રફ, શેયર ઝોન, અપર એર સાકલોનીક સર્ક્યુલેશન, સીઝનલ ટ્રફ, લો પ્રેશર સક્રિય થયું છે. હવામાનના લેટેસ્ટ અપડેટ અનુસાર, આગામી 48 કલાક ભારેથી અતિભારે વરસાદની આગાહી કરવામાં આવી છે. આજે સુરત, નવસારી, ડાંગ, વલસાડ, દમણ, દાદરા નગર હવેલી અને જુનાગઢ, અમરેલી, ગીર સોમનાથ, દીવમાં અત્યંત ભારે વરસાદની આગાહી કરવામાં આવી છે.
આ પણ વાંચો- Gujarat Rain: ચોમાસાની જમાવટ, સિઝનનો સરેરાશ 8.46 ટકા વરસાદ, સરદાર સરોવર ડેમ 64 ટકા ભરાયો
આજે અરવલ્લી, દાહોદ, વડોદરા, છોટાઉદેપુર, નર્મદા, ભરૂચ, રાજકોટ, પોરબંદર, ભાવનગર, દ્વારકામાં પણ ભારેથી અતિભારે વરસાદનું અનુમાન હવામાન વિભાગે વ્યક્ત કર્યું છે. આજે જામનગર, બોટાદ, સાબરકાંઠા, ખેડા, આણંદ, પંચમહાલ અને મહીસાગર ભારે વરસાદની આગાહી હવામાન વિભાગે કરી છે. અમદાવાદ અને ગાંધીનગરમાં સામાન્યથી મધ્યમ વરસાદની આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
