'નાગરિકોએ જાતે જ માસ્કથી મુક્તિ મેળવી લીધી છે', માસ્ક મુદ્દે આરોગ્યમંત્રીનો દાવો

ગુજરાત સહિત સમગ્ર દેશમાં કોરોનાના કેસોનું પ્રમાણ ઘટી ગયું છે અને ફરી એકવાર જનજીવન સામાન્ય બન્યું છે. ત્યારે કેન્દ્ર સરકાર દ્વારા દેશમાં સોશિયલ ડિસ્ટન્સ અને માસ્ક સિવાયના કોરોનાના નિયમો હટાવી દીધા છે.

તસવીરઃ આરોગ્ય મંત્રી ઋષિકેશ પટેલ.

ગાંધીનગરઃ ગુજરાત સહિત સમગ્ર દેશમાં કોરોનાના કેસોનું પ્રમાણ ઘટી ગયું છે અને ફરી એકવાર જનજીવન સામાન્ય બન્યું છે. ત્યારે કેન્દ્ર સરકાર દ્વારા દેશમાં સોશિયલ ડિસ્ટન્સ અને માસ્ક સિવાયના કોરોનાના નિયમો હટાવી દીધા છે. આ બધાની વચ્ચે ગુજરાતના આરોગ્ય મંત્રી ઋષિકેશ પટેલે માસ્કમાંથી મુક્તિ મુદ્દે મોટું નિવેદન આપ્યું છે. 

રાજયમાં નાગરિકોએ માસ્ક પહેરવાને લઈને પરોક્ષ મુક્તિ મેળવી લીધીનો આરોગ્ય મંત્રીનો દાવો છે. હવે મેળાવળઓમાં પણ કોઈ પણ વ્યક્તિ માસ્ક ના પહેરતા હોવાનો ઋષીકેશ પટેલે સ્વીકાર કર્યો છે. આરોગ્ય મંત્રી ઋષિકેશ પટેલે કહ્યું કે, નાગરિકોએ જાતે જ માસ્કથી મુક્તિ મેળવી લીધી છે.

Maharashtra News: બે વર્ષના લાંબા ઇન્તજાર બાદ હવે કોરોના ઘટી રહ્યો છે, ત્યારે એક મોટા અને સારા સમાચાર સામે આવ્યા છે, દેશની આર્થિક રાજધાની અને મોટા રાજ્યો એવા મહારાષ્ટ્રમાંથી કોરોનાની તમામ પાબંદીઓ હટાવી દેવામાં આવી છે. મહારાષ્ટ્ર સરકારે કોરોનાથી બચવા માટે લગાવવામાં આવેલા તમામ પ્રતિબંધોને ખતમ કરી દીધા છે. નાગરિકોની સુરક્ષા માટે બીએમસીએ માર્શલ નિયુક્ત કર્યા હતા, જે માસ્ક ના પહેરે તેના પર દંડ ફટકારતા હતા, પરંતુ શનિવારથી લોકોને સાર્વજનવિક સ્થાનો પર માસ્ક પહેરવુ ફરજિયાત નહીં રહે, વળી, હવે મુંબઇમાં બીએમસી માર્શલ નાગરિકો પાસેથી દંડ નહીં લઇ શકે.

નાગરિકોને મળેલી રાહત વિશે પૂર્વ બીએમસી વિરોધી પક્ષ રવિ રાજાએ એબીપી ન્યૂઝને બતાવ્યુ- આ નિર્ણય ખુબ સારો છે, અમે સરકારના આ નિર્ણયનુ સમર્થન કરીએ છીએ. અન્ય દેશોમાં કોરોનાના કેસો વધી રહ્યાં છે. ચીનમાં કેટલાક શહેરોમાં લૉકડાઉન લાગેલુ છે પરંતુ મુંબઇ અને આખા દેશમાં હાલ કોરોનાના કેસો ખુબ ઓછા આવી રહ્યાં છે. એટલે સરકારના આ નિર્ણયનુ સ્વાગત કરીએ છીએ. 

આને લઇને બીએમસીના પૂર્વ ગટ નેતા પ્રભાકર શિન્દેનુ કહેવુ છે કે આ ફેંસલો તેમને ખુબ પહેલા લઇ લેવા જેવો હતો, કેમ કે કોરોનાના કેસો ખુબ ઓછા આવી રહ્યાં છે. પરંતુ નાગરિકો માટે તમામ પ્રતિબંધો હટાવવામાં ન હતા આવ્યા. કહ્યુ દેર આયે દુરસ્ત આવ્યા. મહાનગર પાલિકા અને રાજ્ય સરકારે આ નિર્ણય મોડેથી લીધો છે, પરંતુ અમે આનુ સ્વાગત કરીએ છીએ.