Vapi Rain: વાપીમાં 16 ઈંચ સાથે મેઘતાંડવ, અંબા માતા મંદિરથી લઈ નામધા સુધી ભરાયા કેડસમા પાણી

Monsoon Update News: વાપીમાં 16 ઈંચ વરસાદના કારણે સ્થિતિ અત્યંત ગંભીર બની ગઈ છે. વાપીના છરવાડા અને અંબા માતા મંદિર વિસ્તારમાં કેડસમા પાણી ભરાઈ ગયા છે

તસવીરઃ એબીપી અસ્મિતા

Source : તસવીરઃ એબીપી અસ્મિતા

Show Quick Read

Key points generated by AI, verified by newsroom

• વાપીમાં ૧૬ ઇંચ વરસાદથી જળબંબાકાર, જનજીવન અસ્તવ્યસ્ત થયું.
• નીચાણવાળા વિસ્તારો, ઘરો, વાહનો પાણીમાં ડૂબી જતાં નુકસાન થયું.
• સ્થાનિક તંત્ર દ્વારા પાણીના નિકાલ, સાવચેતી માટે પંપિંગ શરૂ.
• રાજ્યમાં ૨૪ કલાકમાં ઉમરગામમાં સૌથી વધુ ૩૫.૬૭ ઇંચ વરસાદ.

Monsoon Update News: ઔદ્યોગિક નગરી વાપીમાં મુસળધાર વરસાદે ભારે હાહાકાર મચાવ્યો છે. ટૂંકા સમયમાં જ 16 ઈંચ જેટલો અતિભારે વરસાદ ખાબકતાં સમગ્ર વાપી શહેરમાં જળબંબાકારની સ્થિતિ સર્જાઈ છે. અવિરત વરસાદના કારણે શહેરના નીચાણવાળા વિસ્તારો અને સોસાયટીઓમાં પાણી ભરાઈ જતાં સ્થાનિક લોકોનું જનજીવન સંપૂર્ણપણે અસ્તવ્યસ્ત થઈ ગયું છે.

વાપીમાં 16 ઈંચ વરસાદના કારણે સ્થિતિ અત્યંત ગંભીર બની ગઈ છે. વાપીના છરવાડા અને અંબા માતા મંદિર વિસ્તારમાં કેડસમા પાણી ભરાઈ ગયા છે, જ્યારે નામધા વિસ્તારમાં લોકો ગળાડૂબ પાણીમાંથી પસાર થવા મજબૂર બન્યા છે. છરવાડા વિસ્તારમાં આવેલ અનેક એપાર્ટમેન્ટના બેઝમેન્ટ અને પાર્કિંગમાં વરસાદી પાણી ગરકાવ થઈ જતાં પાર્ક કરેલાં વાહનો પાણીમાં ડૂબી ગયાં છે. આ ઉપરાંત, વાપીની રમઝાન વાડી અને છરવાડા વિસ્તારમાં વરસાદી પાણી ઘરો અને દુકાનોમાં ઘૂસી જતાં વેપારીઓ તેમજ સ્થાનિક રહીશોને ભારે આર્થિક નુકસાન વેઠવાનો વારો આવ્યો છે. રસ્તાઓ પર જળભરાવના કારણે વાહનવ્યવહાર ઠપ્પ થઈ ગયો છે અને લોકો પોતાના ઘરોમાં કેદ થવા મજબૂર બન્યા છે.

અતિભારે વરસાદ અને જળબંબાકારની પરિસ્થિતિને પગલે સ્થાનિક તંત્ર દોડતું થઈ ગયું છે. અસરગ્રસ્ત વિસ્તારોમાંથી પાણીના નિકાલ માટે પંપિંગ સ્ટેશનો કાર્યરત કરવામાં આવ્યા છે. વહીવટી તંત્ર દ્વારા નીચાણવાળા વિસ્તારોના રહીશોને સાવચેત રહેવા અપીલ કરવામાં આવી છે તેમજ ઇમરજન્સી સેવાઓને એલર્ટ પર રાખવામાં આવી છે જેથી કોઈ પણ અનિચ્છનીય બનાવને ટાળી શકાય.

છેલ્લા 24 કલાકમાં 213 તાલુકાઓમાં મુશળધાર વરસાદ 

રાજ્યમાં છેલ્લા 24 કલાક દરમિયાન વરસાદે જોરદાર બેટિંગ કરી હતી અને કુલ 213 તાલુકાઓમાં નોંધપાત્ર વરસાદ નોંધાયો હતો. સૌથી વધુ વરસાદ વલસાડ જિલ્લાના ઉમરગામમાં 35.67 ઇંચ નોંધાયો હતો. ત્યારબાદ કપરાડામાં 28.78 ઇંચ, નાનાપોંઢામાં 25.31 ઇંચ, ધરમપુરમાં 19.65 ઇંચ, પારડીમાં 17.64 ઇંચ, વાપીમાં 16.26 ઇંચ અને વલસાડ શહેરમાં 15.87 ઇંચ વરસાદ વરસ્યો હતો. નવસારી જિલ્લાના વાંસદામાં 17.13 ઇંચ, ખેરગામમાં 14.09 ઇંચ, ચીખલીમાં 7.91 ઇંચ, ગણદેવીમાં 7.72 ઇંચ, જલાલપોરમાં 7.24 ઇંચ અને નવસારી શહેરમાં 6.93 ઇંચ વરસાદ નોંધાયો હતો. 

                                                                                                     

આ પણ વાંચો

Tapi Rain: તાપીમાં ધોધમાર વરસાદથી વ્યારા-ઉનાઈ સ્ટેટ હાઈવે પાણીમાં ગરકાવ, વાહનવ્યવહાર ઠપ્પ

Rain: નવસારી અને તાપીમાં પૂરની ભયાનક સ્થિતિ, પૂર્ણા નદી 24 ફૂટે વહેતા નીચાણવાળા વિસ્તારો જળમગ્ન, લોકોનું સ્થળાંતર