ગુજરાતમાં સત્તાવાર ચોમાસું બેસી ગયું: આજે 7 જિલ્લામાં યલો એલર્ટ, 2-3 દિવસમાં જમાવટ

gujarat monsoon arrival: સાયક્લોનિક સર્ક્યુલેશન સક્રિય થતાં દક્ષિણ ગુજરાત અને સૌરાષ્ટ્રમાં ભારે વરસાદની આગાહી; માછીમારોને દરિયો ન ખેડવા ખાસ સૂચના આપવામાં આવી.

official monsoon arrival in gujarat imd issues heavy rain alert

Source : ai

Show Quick Read

Key points generated by AI, verified by newsroom

• ગુજરાતમાં ચોમાસાની સત્તાવાર એન્ટ્રી, આગામી દિવસોમાં સંપૂર્ણ રાજ્ય.
• આજે સર્ક્યુલેશનથી 7 જિલ્લામાં ભારે વરસાદનું યલો એલર્ટ.
• માછીમારોને દરિયો ન ખેડવા સૂચના, તોફાની પવનની શક્યતા.
• ચોમાસું મધ્યપ્રદેશ, યુપી તરફ આગળ વધવા સાનુકૂળ સ્થિતિ.

gujarat monsoon arrival: રાજ્યના ખેડૂતો અને સામાન્ય નાગરિકો માટે હવામાન વિભાગે ખૂબ જ મોટા અને રાહતના સમાચાર આપ્યા છે. ગુજરાતમાં આજથી ચોમાસાએ સત્તાવાર રીતે એન્ટ્રી કરી લીધી છે અને આગામી 2 થી 3 દિવસમાં આખાય રાજ્યમાં મેઘરાજા બરાબરની જમાવટ કરશે. હવામાન વિભાગની આગાહી મુજબ, સાયક્લોનિક સર્ક્યુલેશન અને ટ્રફ લાઈન સક્રિય થવાને કારણે આજે રાજ્યના 7 જેટલા જિલ્લાઓમાં ભારે વરસાદની આગાહી સાથે 'યલો એલર્ટ' જાહેર કરવામાં આવ્યું છે. દરિયાકાંઠે તોફાની પવન સાથે ગાજવીજની શક્યતા હોવાથી માછીમારોને પણ દરિયો ન ખેડવા માટે કડક સૂચના આપી દેવામાં આવી છે.

ચોમાસું આગળ વધવા માટે સાનુકૂળ સ્થિતિ

અત્યારે દક્ષિણ-પશ્ચિમ ચોમાસું આગળ વધીને ગુજરાત, મધ્ય પ્રદેશ અને મહારાષ્ટ્રના બાકીના ભાગો સહિત છત્તીસગઢ અને ઉત્તરાખંડના કેટલાક વિસ્તારોમાં પ્રવેશી ચૂક્યું છે. આગામી 2 થી 3 દિવસ માટે એવો સાનુકૂળ માહોલ સર્જાયો છે કે ચોમાસું ઉત્તર અરબ સાગર, ગુજરાત અને મધ્ય પ્રદેશના વધુ વિસ્તારોની સાથે યુપી અને બિહાર તરફ આગળ વધશે.

આજે ક્યાં અપાયું યલો એલર્ટ?

બંગાળની ખાડીમાં સિસ્ટમ સક્રિય થતાં આજે દક્ષિણ ગુજરાત અને સૌરાષ્ટ્રના 7 જિલ્લાઓ માટે યલો એલર્ટ આપવામાં આવ્યું છે.

સૌરાષ્ટ્ર: અમરેલી અને ભાવનગરમાં ભારે વરસાદની આગાહી છે.

દક્ષિણ ગુજરાત: સુરત, તાપી, નવસારી, ડાંગ અને વલસાડમાં મેઘરાજા મન મૂકીને વરસી શકે છે.

આ ઉપરાંત કેન્દ્રશાસિત પ્રદેશ દમણ અને દાદરા નગર હવેલીમાં પણ ભારે વરસાદનું યલો એલર્ટ અપાયું છે.'

આ પણ વાંચોઃ Gujarat Rain Update: ગુજરાત માટે આગામી 3 કલાક ભારે, 14 જિલ્લામાં ગાજવીજ સાથે વરસાદની આગાહી

આવતીકાલ માટે હવામાન વિભાગની આગાહી

આવતીકાલની વાત કરીએ તો રાજ્યના વિવિધ ભાગોમાં છૂટાછવાયા વરસાદની શક્યતા છે:

સૌરાષ્ટ્ર: ગીર સોમનાથ, અમરેલી અને ભાવનગરમાં વરસાદ વરસી શકે છે.

મધ્ય ગુજરાત: પંચમહાલ, દાહોદ, વડોદરા અને છોટા ઉદેપુર જિલ્લામાં કેટલાક સ્થળોએ હળવાથી મધ્યમ વરસાદની આગાહી છે.

દક્ષિણ ગુજરાત: ભરૂચ, નર્મદા, સુરત, તાપી, નવસારી, ડાંગ અને વલસાડમાં હળવો વરસાદ પડી શકે છે.

આ સાથે જ દીવ, દમણ અને દાદરા નગર હવેલીમાં પણ ગાજવીજ સાથે વરસાદની શક્યતા જોતાં લોકોને સાવચેત રહેવા જણાવાયું છે.

આ પણ વાંચોઃ આવતીકાલનું હવામાનઃ કાલે 19 રાજ્યોમાં વાવાઝોડા સાથે ભારે વરસાદની આશંકા, ખેડૂતો અને માછીમારો સાવધાન!