Gujarat Rain: ગુજરાતના આ જિલ્લાઓમાં આજે ખાબકશે વરસાદ, હવામાન વિભાગનું લેટેસ્ટ અપડેટ
છેલ્લા ઘણા સમયથી રાજ્યના વાતાવરણમાં પલટો આવ્યો છે. રાજસ્થાનમાં સિસ્ટમ સક્રિય થઈ હોવાના કારણે કમોસમી વરસાદ વરસી રહ્યો છે.
અમદાવાદ: છેલ્લા ઘણા સમયથી રાજ્યના વાતાવરણમાં પલટો આવ્યો છે. રાજસ્થાનમાં સિસ્ટમ સક્રિય થઈ હોવાના કારણે કમોસમી વરસાદ વરસી રહ્યો છે. દેશના વિવિધ ભાગોમાં ફરી એકવાર હવામાન બદલાયું છે. કેટલીક જગ્યાએ વરસાદના કારણે ગરમીથી રાહત મળી છે, તો કેટલીક જગ્યાએ જોરદાર વાવાઝોડાએ સમસ્યાઓ વધારી છે. આ દરમિયાન, હવામાન વિભાગ (IMD) એ વરસાદાને લઈ આગાહી કરી છે.
આજે સોમવાર 5મેના દિવસે પણ રાજ્યના અનેક જિલ્લાઓમાં વરસાદની આગાહી કરવામાં આવી છે. જેમાં કચ્છ, બનાસકાંઠા, અમરેલી, ભાવનગર સહિતના જિલ્લાઓનો સમાવેશ થાય છે. સુરત, તાપી, નવસારી, ડાંગ અને વલસાડમાં છૂટાછવાયા સ્થળો પર વરસાદની આગાહી કરાઈ છે.
આગામી પાંચ દિવસ તાપમાનમાં 2 થી 3 ડિગ્રી ઘટશે. હાલ સાયકલોનિક સર્ક્યુલેશન સક્રિય થતા વરસાદની આગાહી કરાઈ છે. રાજ્યમાં અચાનક હવામાનમાં પલટો આવ્યો છે. ગુજરાતના અનેક જિલ્લાઓમાં વરસાદ પડ્યો છે. હવામાન વિભાગ દ્વારા વરસાદને લઈ આગાહી પણ કરવામાં આવી છે. આજે પણ વરસાદને લઇ ઓરેન્જ એલર્ટ જાહેર કરવામાં આવ્યું છે. 8મે સુધી રાજ્યમાં વરસાદની આગાહી કરવામાં આવી છે.
કાલે આ જિલ્લામાં પડશે વરસાદ
6મે મંગળવારના દિવસે બનાસકાંઠા, પાટણ, મહેસાણા, સાબરકાંઠા, અરવલ્લી, પંચમહાલ, દાહોદ, મહિસાગર, અમદાવાદ, આણંદ, ખેડા, અમદાવાદ, ગાંધીનગર, વડોદરા, છોટા ઉદેપુર, નર્મદા, ભરૂચ, સુરત, તાપી, વલસાડ, નવસારી, ડાંગ અને દમણ, દાદરા નગર હવેલીમાં વરસાદની આગાહી કરવામાં આવી છે. આ સિવાય સૌરાષ્ટ્ર-કચ્છના તમામ જિલ્લાઓમાં અમરેલી, ભાવનગર, સુરેન્દ્રનગર, રાજકોટ, જામનગર, પોરબંદર, જૂનાગઢ, ગીર સોમનાથ, મોરબી, દ્વારકા, બોટાદ, કચ્છ અને દીવમાં હળવાથી મધ્યમ વરસાદની શક્યતા છે.
9 મે સુધી ગુજરાતના મોટા ભાગના જિલ્લાઓમાં વરસાદની આગાહી
હવામાન વિભાગની આગાહી અનુસાર આગામી 9 મે સુધી ગુજરાતના મોટા ભાગના જિલ્લાઓમાં હળવાથી મધ્યમ વરસાદની આગાહી છે. આ ઉપરાંત સમગ્ર ગુજરાતમાં શુષ્ક હવામાન રહેવાની આગાહી છે. 9 મે સુધી જુદા-જુદા જિલ્લાઓમાં 30થી 50 કિમીની ઝડપે પવન ફૂંકાવાની આગાહી કરવામાં આવી છે.
આગામી ચાર દિવસ સુધી ગુજરાતમાં કેટલાય વિસ્તારોમાં કમોસમી વરસાદ પડવાની આગાહી કરવામાં આવી છે. હવામાન વિભાગ અનુસાર, કચ્છ, સૌરાષ્ટ્ર અને ઉત્તર ગુજરાતમાં ગાજવીજ સાથે વરસાદ ખાબકી શકે છે. ગુજરાતના 17 જિલ્લાઓમાં વરસાદને લઈ હવામાન વિભાગ દ્વારા એલર્ટ જાહેર કરવામાં આવ્યું છે.
ટોપ સ્ટોરી
ટ્રેન્ડિંગ સમાચાર
