ગુજરાતમાં હજુ ચાર દિવસ મેઘરાજા કરશે જમાવટ, વરસાદને લઈ હવામાન વિભાગે શું કરી આગાહી, જાણો

ગુજરાતમાં હજુ ચાર દિવસ મેઘરાજા જમાવટ કરશે.  હવામાન વિભાગે આગામી ચાર દિવસ વરસાદને લઈ આગાહી કરી છે. હવામાન વિભાગના મતે 26 ઓગસ્ટ સુધી રાજ્યભરમાં મેઘમહેર થશે.

પ્રતિકાત્મક તસવીર

ગાંધીનગર:  ગુજરાતમાં હજુ ચાર દિવસ મેઘરાજા જમાવટ કરશે.  હવામાન વિભાગે આગામી ચાર દિવસ વરસાદને લઈ આગાહી કરી છે. હવામાન વિભાગના મતે 26 ઓગસ્ટ સુધી રાજ્યભરમાં મેઘમહેર થશે.  હવામાન વિભાગની આગાહી વચ્ચે રાજ્યમાં મેઘમહેર યથાવત છે. રાજ્યના 100થી વધારે તાલુકાઓમાં છેલ્લા  24 કલાકમાં વરસાદ નોંધાયો છે. 
 
હવામાન વિભાગના અનુસાર  23 ઓગસ્ટે સૌરાષ્ટ્ર-કચ્છ  ઉત્તર ગુજરાત અને દક્ષિણ ગુજરાતમાં વરસાદ  વરસશે. 24,  25 અને 26 ઓગસ્ટના સૌરાષ્ટ્ર-કચ્છ અને દક્ષિણ ગુજરાતમાં મેઘમહેર  થશે.  હવામાન વિભાગના મતે અત્યાર સુધી રાજ્યમાં વરસી ચૂક્યો છે. સીઝનનો 41.42 ટકા વરસાદ નોંધાયો છે.  જેમાં સૌથી વધુ વરસાદ  દક્ષિણ ગુજરાતમાં વરસ્યો છે. અહીં 50.72 ટકા વરસાદ નોંધાયો છે. સૌરાષ્ટ્ર ઝોનમાં 36.77 ટકા, કચ્છમાં 31.74 ટકા,  ઉત્તર ગુજરાતમાં 31.95 ટકા અને મધ્ય ગુજરાતમાં 37.87 ટકા વરસાદ વરસી ચૂક્યો છે.

અમરેલીના લીલીયા શહેરમાં 4 કલાકમાં 5 ઈંચ વરસાદ ખાબકતા જળબંબાકારની સ્થિતિ જોવા મળી છે.  લીલીયામાંથી પસાર થતી નાવલી નદીમાં પૂર આવ્યું છે. નીચાણવાળા વિસ્તારમાં ઘૂંટણસમા પાણી ભરાયા છે.  ધારીમાં આવેલો ખોડિયાર ડેમ હાઈએલર્ટ પર મુકાયો છે.  છેલ્લા 24 કલાકમાં રાજ્યના 112 તાલુકામાં વરસાદ વરસ્યો છે.  સૌથી વધુ વરસાદ અમરેલીના લીલીયામાં ખાબક્યો છે. લીલીયામાં  5 ઈંચ વરસાદ ખાબકતા જળબંબાકારની સ્થિતિ છે.  વલસાડ શહેરમાં સવા ચાર, ભાવનગરના મહુવામાં સાડા ત્રણ, અમરેલી શહેરમાં ત્રણ અને વાપી, ઉમરગામ સહિતના તાલુકામાં નોંધાયા 2 ઈંચ સુધી વરસાદ નોંધાયો છે.

 

રાજ્યમાં અત્યાર સુધીમાં સિઝનનો 41.42 ટકા વરસાદ વરસ્યો

રાજ્યમાં અત્યાર સુધીમાં સિઝનનો 13.88 ઈંચ સાથે 41.42 ટકા વરસાદ વરસ્યો છે.  2 તાલુકામાં શૂન્યથી બે ઈંચ જેટલો વરસાદ નોંધાયો છે. રાજ્યના  91 તાલુકામા 10 ઈંચ જેટલો વરસાદ પડ્યો છે તો 22 તાલુકામાં 5 ઈંચ જેટલો વરસાદ નોંધાઈ ચૂક્યો છે. 102 તાલુકામાં 10 થી 20 ઈંચ જેટલો સિઝનનો વરસાદ  પડ્યો છે. અત્યાર સુધીમાં સિઝનનો દક્ષિણ ગુજરાતમાં 29.64 ઈંચ, સૌરાષ્ટ્રમાં 10.32 ઈંચ અને કચ્છમાં પોણા છ ઈંચ જેટલો વરસાદ  પડ્યો છે. મધ્ય ગુજરાતમાં 12.20 ઈંચ અને ઉત્તર ગુજરાતમાં સિઝનનો 9.16 ઈંચ જેટલો વરસાદ પડ્યો છે.